🔥روايات نوزا الاماني🔥
#شيخ_قلبي❤
الحلقة7
رهف: دخلت يدها بين السرير ولفراش لين مسكت حاجة وهي جاية بتجبدها انفتح الباب
قتيبة:اول ماشاف رهف نزل راسه بسرعة لانها لابسة توتة ضيقة وشعرها فتوح.... ش ششن اديري هنا
رهف: استغلت الموقف لان مايشوفش فيها وحطت الشي اللي لقاته في جيبها .... ك ككنت ندور في مخاد قالولي ف دار ح ححنين
قتيبة: مرتبك ومتوثر لوجودهم بروحهم في الدار ومزال منزل راسه ..... بباهي اطلعي لو لقيتي اللي تبيه ومية مرة نقولك استري روحك يابنت الناس حرام تقعدي بالشكل هدا وانتي مش ف حوشك
رهف: بدلع ... وعلاش متحشم هوا شهر شهرين ونكون زوجتك ياقلبي
قتيبة: قلبه من كثر الدق داير احتفال😂... الله المستعان الله المستعان حرام عليك يابنت اللي تقولي فيه لما تقعدي مرتي وقتها يكون عادي بس توا حرااام واطلعي لو سمحتي
رهف: نعلي من الشيخ متعي😍... وطلعت وهي تضحك على شكله وهو متحشم
قتيبة: قعمز على السرير وهوا شيرته مدهوبة من تصرفات رهف
رهف: ماما نبيك شوي
سالمة: خيرك يابنت تعالي هني زي البنات
رهف: ياماما تعالي شوي نبيك ضروري
سالمة: باهي نشوف شن اخرتك..... وناضت لحقتها
رهف:بخوف... م مماما شوفي شن لقيت
سالمة: رفعت لحجاب... شن هدا 😳 سحر يابنت شن جابه ليك😳
رهف: لقيت حنين تحط فيه تحت سرير قتيبة
سالمة: يالطيف يالطيف تحصنت بالله رد بالك يابنت تخبري حد ولا حد يعرف انك لقيتيه
رهف: وعلاش المفروض يعرفو ع الاقل ينفك السحر
سالمة: ردي بالك يابنت والله تفتحي عليك بواب انت مش قدها
رهف: كيف يعني
سالمة: يعني حنين حتنتقم منك وحتسحرك حتى انتي ودخلي روحك في مشاكل
رهف: بلعت ريقها وخافت.... ب بباهي شن ندير فيه هدا
سالمة: هاتي هدا نفكوه بعدما جبتيه وانشالله ربي يبعد عنهم شرها ويكشفها
🔥روايات نوزا الاماني🔥
خلود: تحكي في التلفون.... والله كل يوم نحاول بس هوا يتهرب مني
ليلى: كيف يتهرب وهوا حشيشته الجو هدا؟؟؟
خلود: والله حتى انا مستغربة فيه درت جميع الطرق اغراء ودلع بس مانفعش معاه شي وقال يبي... وسكتت
ليلى: شن يبي؟؟
خلود: ق ققال اني عاجبته ويبيني بالحلال😰
ليلى: كيييف شن تقولي انتي اما حلال واما زفت عندك يومين يا خلود وتنفدي اللي قلتهولك
خلود: ب بباهي شن ندير معاه وهوا مش راضي يسلملي نفسه
ليلى: خليه يسكر ولا عطيه منوم ديري اي شي المهم تنفدي اللي قلتلك عليه
خلود: ت تتمام... سكرت الخط وكان قلبها واجعها على سند لانه يحبها وهي بضره بس كانت عبد مؤمور مابيدها حل تاني اللي تنفد الاوامر
رهف: خشت لدار بروحها وحطت حجاب السحر في امية مرقية وبد تمسح في الكتيبة بالمية لين الحبر امتسح .... ربي يحفظك ياقتيبة مانيش عارفة هدا سحر شنو وشن تبي منك حنين العقرب هدي
اية: خشت ... شن اديري
رهف: حطتهم وراها.... ولا شي مكسدة
أية: مالا علاش مخلية الناس لوطى قاعدة هنا بروحك
رهف: تعرفيني منحبش الدوشة والزحمه
أية: اوكي
رهف: أية بنسألك، من اقرب وحدة لقتيبة من نساوينه الزوز
أية: تعرفي هوا في العادة قريب من نسرين اكتر لانها تعرفيها طيبة وهادية وهكي بس توا من لما رجعو لليبيا وهوا مع حنين بس لدرجة ان نسرين يومتها مشت شكت لامي وهي تبكي وجعتني ياناري
رهف: اها وعلاش تغير هكي
أية: والله ماحدش عارف هههه تقول ساحراته حنين
رهف: بلعت ريقها .... هههه شن ساحرته بسم الله
أية: هههه نبصر
رهف: باهي حنين تطلع قصدي عنها حد تطلع ولا يجيها
أية: ماتطلعش انتي تعرفي قتيبة مايحبهمش يطلعو و عندها صاحبه وحدة بس تجيها
حنيت: من هدي صاحبتها تعرفيها؟
أية: لالا مانعرفهاش وهي مش صاحبتها بس ديما تجيها حتى ماتخشش يقعدو اقفات ع الباب
رهف: قعدت تربط في الا حدات من كلام أية... اهاااا
أية: وخيرك تسألي عليهم
رهف: يعني نبي نتعرف ضراتي المستقبليات قبل مانتزوج ولا مايحقليش
أية: هههه لا يحقلك ياحلوو هيا تعالي ننزلو نغيرو جو
رهف: نزلت هي واية
