🔥روايات نوزا الاماني🔥
#شيخ_قلبي❤
الحلقة3
رهف: وربي نح... سكتت لما شافت قتيب وسكرت الخط ع طول😳
قتيبة:😠شن هدا اللي سمعته ؟؟ معقولة مش خايفة من ربك لهدرجة مش مؤمنة بوجد رب يشوفلك ويسمعلك؟؟ ولا ماكش دايرا حساب لهلك ؟ياستي فوتيهم هلك بس ربك وين بتهربي منه مافكرتيش في عاقبتك على اللي اديري فيه
رهف: مصدومة وخايفة.... ش ششن قلت انا ع ععادي هدا واحد يحبني ونحبه م ممدرتش شي غلط😰
قتيبة: اثقي الله في نفسك يابنت اما حب واما كلام فارغ راه كله حرااام واللهي حرام مدام الشخص مش زوجك محرم عليك وبالنسبة للكلام اللي سمعته متأكد ان علاقتكم ماوقفتش على هكي بس وانها اكبر من هكي بواجد
رهف: ساكتة وخايفة
قتيبة: كان يكلم فيها بهدوء والحزن في عيونه.... نصحية مني ابتعدي عن هدي الطريق والله انها طريق الهلاك طريق الحرام طريق المعاصي وكلها وسوسة شيطان ليس الا، ويوم القيام حتتحاسبي على كل كلمة وعلى كل شي درتيه وحتحاسبك نفسك على اللي ديري فيه،، ماعندي مابنقولك اكتر من هكي بس عيدي حسباتك مع ربك وانشالله ربي يهديك ... كمل كلامه وجاي بيمشي
رهف: ش ششيخ قتيبة😰
قتيبة: تلفتلها
رهف: مابتخبرش خوي سند ولا ؟😰
قتيبة: هههه يعني انتي خايفة من سند وماكش خايفة من ربي لاحولا ولا قوة الا بالله.... مشى وخلاها
رهف: قعمزت وقعدت تبكي اضايقت من الكلام اللي سمعاته من قتيبة
سالمة: مالا وين رهف ماشفتها بكل
عزة: هدي اللي عابية عليها تعاونهم😑
أية: بأرتباك ... لا انا قلتلتها ترتاح شوي تو نمشي اناديها... ومشت تجري
أية: رهف رهف تعالي بسرعة امك جت و ادور فيك
رهف: مزال تبكي
أية: خيرك تبكي شن فيه😳
رهف: حكتلها اللي صار كله
أية بصدمه : حي عليك وانتي مالقيتي وين تتكلمي اللي هني
رهف: ماتزيدنيش يا اية انا عارفة روحي غالطة وحتى عارفة كلام قتيبة صح بس مش بيدي والله نحبه سيف نحبببه ومانقدرش نبعد عنه والله رغم معاملته الزفتة ليا بس انا حمااارة مانقدرش نسيبة نحس في روحي متعلقة بيه
أية: خلاص حبيبتي امسحي دموعك وتعالي خشي
فاتو ايامات
قتيبة بعدما رجع للبلاد طلبوه في الجامعات باش يعطي محاضرات دينة وكان عنده جدول كل يوم محاضر في جامعة وكل اسبوع درس جديد وكانو محاضراته ودروسه جميلات خفيفات وطريقة شرحه مشوق ماينملش منه زي اغلب الدكاترة الجامعية
رهف رجعت لدوامها في الصيدلية بعد ماكانت واخدة اجازت اسبوعين راحة
رهف: مقعمزة في الصيدليه وتستنى في صاحبتها اللي تمسك معاه في الدوام التاني .... واخيرآ شرفتي
شهد: والله كنت في الجامعة عندنا محاضرة دينة لشيخ يهبل ماحبيتش نفوتها بصراحة😍
رهف: هدا فاش فالحة صار قاعدة ع خاطر جماله مش عشان المحاضرة
شهد: تي نقول طيارة الشيخ مع ان كبير ف العمر بس شكله واسلوبه وكلامه يهببببل اخ بس لو نجيبه لطريق
رهف: اف اف اف شيخ وبتجيبه لطريق
شهد: عادي الرجالة كلهم زي بعض بكلمة وحدة يطيحو ماتقوليش لاشيخ لا سلفي لا داعشي كلهم زي بعض اخفاف
رهف: باهي من هدا الشيخ اللي يعطي فيك شوقتيني ليه
شهد: اسمه قتيبة نعلي حتى من اسمة يهبل
رهب: قتيببببه😳
شهد: اي خيرك تعرفيه ولا شن
رهف: ههههه ياغبيه هدا ولد خالتي
شهد: احييييه بالله عليك جيبيلي رقمه يا رهف
رهف: غير ريحي جمالك راه عنده زوز نساوين ومزال بياخد زوز واصلا مش عارفة شن عجبك في بلحيته تقول ماعز
شهد: ماتفهميش في الجو انتي النوعيه هدي تلقيهم احنينين و رومنسيين لسقف😍
رهف: سرحت تفكرت منضره وهو ينصح فيها لما لقاها تكلم في سيف.... ا اأ باهي شن دخلي بيهم انا المهم هيا انا بنروح تعبت....رفعت شنطتها وطلعت
شهد: قعمزت في مكانها وقعدت تفكر في الشيخ قتيبة😁
