الجمال...؟

part:3

دخل واحد الشخص عليها
كان طوييل وبوكوص مابايناش فيه طبييب..

سارة غي شافتو بداات تسولو : شنو وقعلي؟

ياسين قرب جلس حداها:الحمد لله على سلامتك..
كتحسي براسك مزيان؟ درتي اكسيدون ولكن الحمد لله ماوقع  باس ودازت طريفة..

سارة حنات راسها كتفكر فكيفاش تادارت الكسيدة..

ياسين بقى تايشوووف فيها بحالا باغي يقول شي حاجة، تنهد وطلقها : نسولك؟
واش كنتي ناوية تنتحري؟

سارة حلات عينيها: لاا لااا والله ماكنت ناوية ننتحر.. ماعرفت شنو وقعلي مارديتش البال وكنت ساهية..

ياسين بحالا رتاح: الحمد لله على سلامتك مرة اخرى،ردي بالك اختي وماتفرطيش فصحتك هي كوولشي.. ايلا كنتي بصحيحتك بحالا ملكتي الدنيا كاملة.. كما تايقول المتل الصحة تاج فوق رؤوس الاصحاء لا يراه الا المرضى.. تبقاي تردي البال..
دوزي بخير

ناض وخلاها مصدومة، هاد الهضرة لي كان خاصها تسمع جاب لي يقولها ليها، هاد السيد بحالا سيفطولها ربي يفيقها ويقوليها راا عندك واحد الحاجة لي بزاااف دالناس ماكرهوش يعطييو فلووسهم وخدمتهم و جمالهم تاهو باش يكسبوها.. ألا وهي الصحة..

تبوورشات صحتها وتغرغرو عينيها بالدموع هزات كفوفها للسما : ياااربيي تغفرلياا وتسمحليا ياسيدي ياربي..، 😥😢
بقات  تدعي وتستغفر ربها وتطلب السماحة..

دوزات اليوم كامل فالكلينيك.. ..
صبح الحال سارة قنطات فالغرفة، جات عندها الممرضة وعاوناتها تخرج لبرا تتمشى شوية (كلينيك ماشي مستشفى عمومي😂).. جلساتها فواحد الكرسي فالجردة ومشات تكمل خدمتها تاترجع ليها..

جات واحد البنت صغيرة جلسات حداها..
دارت شافت فيها وابتاسمات ليها البنت..
كانت طفلة تكون عندها 9 سنين هاكاك، مصابة بمتلازمة داون(الصورة)
البنت: شنو سميتك؟
سارة بابتسامة:  سارة ونتي
البنت مبتسمة :انا سميتيي  ليليا فعمري 9 سنين.. مريضة بالسرطان ونتي باش مريضة؟
سارة لحمها تبوورش عليها فاش سمعات مرضها بدات تفتف فالهضرة : اأ.. اا انا ا درت اكسيدون و..
قاطعها واحد الشخص : ليليااااا..
دارت ليليا شافت فيه ومشات تجري لعندوو: خوياا ياسييين..
ياسين هزها تايعنق فيها ويبوس..
وقفات سارة دارت تشوفو لقاتو نفس الشخص دقبيلة، شاف فيها تاهو وابتسم ليها: وليتي مزيان؟؟
سارة : الحمد لله شكرا
ليليا: هاد البنت اخويا ياسين سميتها سارة.. عاد تعرفت عليها.. زوينة
ياسين باس ختو: يااك مزيان تعرفي على ناس جداد.. عرفتي شنو جبتلييك؟
ليليا ولاو عينيها قلوبة: الكسوووة😱😍😍
ياسين جبد الساشي من وراه ونقزات ليليا كتغوت بالفرحة.. جات الممرضة وداتها تبدل ليها.. ياسين جلس مع سارة تايتسنى ختو..

كانو بزوج ساكتين وتايتأملو، شوية سارة كسرات داك السكون: واش بالصح ليليا فيها... (ترددات تكمل)
ياسين: السرطان!؟ ااه اكتشفناه بلي فيها العام الفايت.. الحمد لله عرفناه فالمراحل الاولى ودابا را كتشافى بالشوية بالشوية..
سارة: الحمد لله.. غي فاش عقتو بيه ماللول
ياسين : عرفتي كيفاش عرفناه؟!. واحد المرة جات ليليا مضروبة فوجهها.. كانو كايتنمرو عليها البنات والدراري فالمدرسة بسباب المرض ديالها( متلازمة داون) ويسبوها ويضحكو عليها ، ديناها للسبيطار باش داوي الجرح ولكن الطبيب لاحظ بلي مابغاش يتجمع ليها وتماك فين عرفنا..
سارة حنات راسها كتفكر ، شوية دوات: العالم فين ولينا ساكنين ولا تايديها غي فالمظاهر.. والجمال ولا معياار فكولشي.. كنتي زوين غانولي صديق ديالك، زوين غانعاملك مزيان، زوين غادي نعاونك.. مع الاسف صغار وكبار كولشي ولا تايديها فالجمال.. بدلا من العقل والقدرات ديال الانسان.. (نزلات دمعة يتيمة من عينيها) حتى فالخدمة ولاو تاياخدو الجمال كمعيار باش يوظفوك.. ويلا ماكانش المظهر مايخليوكش حتى تدخل يشوفو المؤهلات ديالك وشنو قادر دير