الجمال...؟

part:4

ياسين تايتصنت ليها.. خلاها حتى كملات هضرتها وقال: الجمال؟
(دار عندها شاف فيها وبدا يهضر بجدية)
انقولك واحد الحاجة كنقولها ديما لليلياا ، كاين فرق بين كييفاش كتشوفي راسك وكيدايرة نتي فالواقع،.. وفراسك انو الطريقة باش كتشوف راسك تاتأتر على شكلك الحقيقي، يعني لاكنتي كتشوفي راسك خايبة.. غادي تباني لكولشي بلي راك خايبة حتى فالواقع.. واخا تكوني زوينة حيت بهاكا كتلغي الجوانب لي زوينين فيك كتولي تبني غي الخايبين.. والعكس صحيح.. يلا كنتي كتشوفي راسك زوينة فگاع حالاتك.. تيقيني غادي ينعكس هادشي على شكلك فالواقع وغايولي كولشي يشوفك زوينة..
كما قال واحد الفيلسوف "ما تعتقده عن نفسك أهم مما يعتقده الآخرون عنك".

سارة شافت فيه وفعلا بدات تحس بهضرتو كتعطي مفعولها وكتفكر، فأغلب اللحظات كانت كتجلد فراسها وتقوول ديما بلي هي خايبة..كتجبد غي العيوب لي معقدينها ففورمتها ووجهها وكتخللي داكشي لي زوين ليها.. عمرها قالت شي حاجة زوينة على راسها ولا شكرات راسها

ياسين كمل هضرتو فاش عرفها تأترات:
المؤثّر في القضية أن الواحد ممكن يتنازل يدير شي حوايج غا حيت تايبانليه راسو قبيح ومازوينش لديك الدرجة.. متلا بنت كتشوف راسها فورمتها خايبة.. ماعمرها اتلبس شي لبسة زوينة بحال كسوة او.. هادا غا متال.. وبالشوية بالشوية كتولي تدخل راسها فدوامة وتمرض وتكتئب..

سارة حسات بيه بحالا عارف عليها شي حاجة: احم.. ماعرفتش ممكن يكون عندك الحق.. ولكن واخا هاكاك تايبقى العالم تايديها فالمظاهر ويلا كنتي خايب راك خايب ويلا كنتي زوين راك زوين...

ياسين حس بيها ضربات ليه كولشي فالزيرو: الجمال والقبح، مفاهيم فلسفية ماتقدريش تعرفي بالضبط شنو تايعنيو ولا المقاييس ديالهم.. الجمال والقبح غا احاسيس مرتبطين بالرؤية.. يعني كيفاش كتشوف راسك وكيفاش كتخلي لاخر يشوفك.. كتعرفي متال كل قرد فعين مو غزال؟ حيت ولدها وكتبغيه كتشوفو اجمل واحد واخا يكون قبيح فنظر الناس.. يعني مفهوم الجمال عند الام مرتبط بالحب والامومة وماعندو علاقة بالمعايير الاخرى.. وهادشي كايختلف من شخص لشخص..
والرغبة تاهي عندها دخل فهادشي ، يلا بغى شي شخص يشوفك زوين را غايشوفك زوين ويتجاهل گاع داكشي الخايب فيك ويلا مابغاش  ماعندك ماديريليه هاديك رغبتو ، وكنظن ماعمرو غايشوف شي حاجة زوينة فحياتو.. حيت الجمال يكمن فالتفاصيل الصغيرة وفشي حوايج  ماعمر غايكون ليه الشرف انو يتعرف عليهم ولا يعرفهم..
سارة مالقات باش تجاوبو عارفة عندو الحق...