غضب الحب

البارت الاول

ماما:لج نور يمة اكعدي كافي نووم كومي بنيتي حته ترحين للجامعه..

نور:اممم ماما والله ماشبعت نووم عوفيني افف😴..

ماما: ولج كومي بنيتي عندج دوام كافي نوم..

نور:اففف كمتت كمتت..

&&&
احمم طبعا اعرفكم عن نفسي اسمي نور من بغداد شارع فلسطين.. مواليد 2000 .. مواصفاتي حنطيه عيوني خضر شعري طويل حيل واسود..طولي 160.. نجي للعائله..
عندي 4 خوات.. اول وحده زهراء الجبيرة متزوجه وعدهه جهال عمرهه 26 سنه .. الثاني رقيه هم متزوجه وعدها جهال عمرهه 22 سنه .. بعدهه اجي اني عمري 20 .. واخر العنقود اختي سارة عمرهه 17سنه.. ماعندي اخوان☹.. و ماما وبابا الله يحفضهم الي .. حالتنه الماديه كلش زينه..
&&&

اليوم اول يوم الي بلجامعه وكلش متحمسه .. هاا نسيت اكلكم ادرس كليه فنون جمليه..

لبست الجبه الاسلاميه وشال وجنطتي وخليت
مكياج خفيف طلعت كولش حلوة..

نزلت جوا لكيت سارة مبدله وهم داتروح للمدرسه تدرس خامس علمي ..

سارة:لج هاي شنو طالعه تجننين

نور: يعمري وانتي هم طالعه تخبلين

ماما:تعالن تريكن حبيباتي

نور: لا ماما ما اريد ما اشتهي هناك اذا جعت اكل

ماما: ولج يمة اتريكي لتروحين هيج ع الاقل شربي شاي

نور: اوك يروحي..اخذت منهه الجاي وكعدو يتريكون هيه وبابا وسارة..

دا اشرب بلجاي اجه السايق..وطلعت وماما تدعيلي.. وتكول ديري بالج ع نفسج ..

ماما بلرغم اني مو صغيرة لكن كلش حنينه وتخاف عليه..وتضل تكلي ديري بالج ع نفسج.. ربي يخليهه الي..

المهم..طلعت ورحت للسايق ووصلني للجامعه..

دخلت للجامعه وادور ع القسم مالي.. بعد ماطلعته ودخلت للصف مالي.. ماعرف احد هناك.. كعدت

وشباب وبنات ويسولفون بس اني كاعدة وحدي وماعرف احد..

ورة شوي اجت بنيه...

بتول:هلاو

نور: هلوات

بتول: ليش كاعدة وحدهه الحلوة

نور: ههه والله ماعرف احد اهنا وكاعدة..

بتول: هه اها لعد اعرفج عن نفسي اسمي بتول

نور: اتشرف بيج يكلبي واني نور..

بتول: الي الشرف يروحي.. ممكن اكون صديقه هلحلوة؟

نور: ههه طبعا يكلبي..

دخل استاذ وبدت محاضرة بس مادرسنه صار كله بس تعارف..وسوالف وشي .. كملنه المحاضرة ..