#بينا_سهاري_وذكريات
الحلقه :العاشره
بقلم :فاطمه سالم الورفلي
......................................
........
سُمية :بوك قالك هيا يا بنيتي
اماني :بطلي وهم بالله بطلي
سًمية:شنوو!.. شن لي تقول فيه يا بنتي
اماني :انتي "وهي قالت هكي اني نخصتها "
سمية :احكو شن في؟
اني صكرت فم اماني بيدي وقلت :شي شي
سميه مطت شواربها :به مالا وتي روحك اماني "وشبحتلها بطريقه غريبه مش مفهومه "
-وطلعت سميه... واماني قعدت تبكي وتحسب..
اماني تبكي :حسبي الله ونعم الوكيل حسبي الله.. دمرتنا.. تعبتنا
اني :انتي من كل عقلك تبي تفضحي روحك!.. خلينا نديرو حل لرواحنا مش هكي
اماني :قهرتنا يا غاده قهرتنا... مش عيشه هدي ره
اني :انتي توا امشي.. تمام بسس ماكله من حد ما تاااكليهااش بكل.. وما توثقيش من حد.. وربي يسعدك يا وخيتي
اماني حضنتني :ربي يكتبلنا وقت الطيب يا غويده.. قهرتنا ما فيه الكفاية
اني تنهدت :ان شاااء الله ياارب... ربي يسمع منك
اماني :خلاص خلي ناخد شنطتي وحوايجي.. امس ما درت شي
اني :به "وتبعدت عنها.. وشاده دموعي بالسيف.. نضت من مكاني... وطلعت حوايجها.. وهي تاخد وتحط في الشنطه.. وترشف في خشـمها .... ومتمنيه الحوايج ما تكملش باش نشوفها.. لين وصلت في اخر حاجه.. حطيتها الفانيليا على السرير.. وشبحتلها "
اماني :قصدي معاش بنشوفك؟..
اني ضحكت بغصه :تقول مُصرين يبعدونا عن بعضنا
اماني زادت حضنتني :بنستاااحشك.. غاده بنستاحشك.. انتي قطعه مني ومن اميمتي الله يرحمها.. كيف بنمشي عنك كيف بنخليك.. كيف بيطمن باالـي وانتي هنا..
اني :امشي اماني مرات هدا يزن خيرتك فيك
اماني من وسط خاطرها قالت :يااارب
اني :ربي ما ينسى حد وخيتي.. ربي تو يديرلنا طريق
اماني :ان شاء الله
-شوي وسمعنا بابا قال "هيا وينها "
اني طبطبت عليها :خلاص امشي توا.. الراجل يراجي فيك
اماني شبحتلي والـدمعه في عينها :بنستاااحشك.. ديري بالك على روحك
اني طبست راسي بتنهيده قلت:ان شاء الله ان شاء الله
-وعلى كلمه هدي.. طقطق الباب..
سُميه :اماااني بوك قالك هيا
اني :هيا اماني خلاص
اماني خدت شنطتها :بسلامه وخيتي
اني رفعت راسي ونضحك بغصه :ربي يهنيك
