روايـة نـداء♥️💔

بارت الرابـع

روايـة نـدا۽🧸🤎
الحلقـه الرابعه
🔥روايـُات الڪاتبه الأوجُليه🔥
‏✨Soso ᗩlojliy✨
نبدا بسم الله
____
بعد 3 ساعات
سلينه. هيا نكلم سليمان ونجيكم وسكرت
نداء مريم نرجس
كلهن. نعم نعم نعمم
سلينه. هياا نبو نعدو لي مستشفي
كلهن. شهقن . من ماتتت 😂💔
سلينه. موت يشيلكن مروه جابت
مريم. لووووووليييي
سلينه. عطك خير
نداء. شن جابت قولي
سلينه. وليد
نرجس. حمدالله ع سلامتها وخشت لي دار
نداء. هيا نلبسو بيش نعدو نحمدولها
مريم. هيا
خشن لبسن عابايتهن
نداء. عبايه سوده فيها حزام من وسط ومسكه ف اليد وشاح حرايري اسود وكويش ابيض
مريم. عبايه كحله واسعه حتي ايديها وشاح وردي كندره عاليه
نرجس. جاكيت سوده وشاح ليكرا اسود وكويس ابيض
وجا سليمان وطلعن ف السياره
ف غرفه مروه
نداء. وين البيبي بنت ولا عيل سمحه ولا شينه تشبهلك ولا تشبه لي مهدي
مروه. بشويا بيش نعرف ع شن نرد .. مبدري جابوه شوي وبعدها ردوها اجابه سؤال ال2 عيل سؤال ال3 سمحح زييي سؤال ال4 خليط🤣
مريم. مش تعرفي ان عيل يكذابه
نداء. نسيت الزفت
بعدها ابتسمت اذكرت انه ف عرب مروه..
____
بعد اسبوع
مكانش ف احذاث نداء تمشي عند مروه وهك بس .....
كان اليوم اسبوع ودايره اسبوع كبير 🖤
نداء. لبست طرف اصفر وفيه حزام اسود وبنطلون اسود توب سندل اصفر مكياج هادي مزز...
مريم. جاكيت صفره مفتوحه توب اسود من جوه وبنطلون اسود توب 💛
نرجس. طرف اسود طويل شاش بلوزه بيضه فيها تناتيش طوال بيش بنطلون جينز
🔥روايـُات الڪاتبه الأوجُليه🔥
‏✨Soso ᗩlojliy✨
.
.
.
.
نتعرفو ع عرب مروه
عمتها عائشه عمها الله يرحمه
سلفها فيصل م 86 مش متجوز ولا خاطب
سالم مراته احلام نور ونورا توؤام وزين
صبايتها هديل .. منال... هدير متجوزات معدا منال
عيت عمهم جمال مراته انتصار بنتهم هدايه م 90 ولدهم احمد م 81 متجوز ..
عيت عمهم ناصر مراته انصاف ربي مش رازقهم بولاد
وهذوم عربها ركزو ع اسماء را تلخبطو
.
.
.
.
ف العشيه
كانو دايرين لمه كبيره ناصبين خيمه ف الجنان وطولات وكراسي وطاوله ضيافه المشكله 🤤
بعد فضو الناس ولعن الاذاعهه وبدن يترقصن عليها ونسجمن بنات مع عرب مروه
نداء. هيا هزي هكي زي
مرام بنت مروه. معرفتش ينونو
نداء. غير هيا بس وحده هك وحده هك
مرام. هكي هكي صح
نداء. ايواه مره تانيه عشان تبي ترقصي زي
مرام. حيحي نبقا نرقص زي نونو
نداء. حبيبتي انتي هيا
وكملن باقي رقصهن ولمن الحوسه وكل شي وفرشن البنات جنب بعض ورقدن
نداء قبل ماترقد فتحت نت وحكت مع عصام وهدرزو وحكالها ان شافها وهك ونحرجت هيا وتغزل بيها لين رقدو التنين ❤️❤️
.
.
.
.
ثاني يوم
كانت هدايه خاشه بسفرة متاع الشاهي بعد الغذاء سمعت كلام خليها توقف وشوي طاحت منها السفره
......
عند عصام ف طرابُلس
عصام. يما خوذي هالفلوس دسيهم تلقيهم
سالمه. صحيت ياولدي نعني مانفقدك
عصام. سلمك يايام توصي شي
سالمه. سلامتك كان تفحرني بصغوريتك قبل ماربي ياخذ امانتي
عصام. تعصب يايام كل يوم نفس الموضوع خلاص لي كاتبه ربي يصير
سالمه. باه ياولدي نبي مصحلتك
عصام. وقت لي نقولك نبي نخطب نمشوو نشالله
سالمه. ربي يفتحها عليك
عصام. طلعع

.
.
.
.
بعد الغذاء سمعت كلام خليها توقف وشوي طاحت منها السفره
عائشه. واللهي لقنه عاجبتني بنتك نداء ومانلقا احسن منكم نبيها كنه ليا لولدي فيصل
سلينه. وحتي نحنا مانلقو خير منكم
عائشه. ع االبركه نشالله
سلينه. لي يسهله ربي نشالله
خشت عليهن هدايه بصفرة الشاهي (العاله) ودمعتها فعينها طلعت بسرعه قابلتها نداء طاحت دمعتها مسحتها ومشت لي حوشهم لي كان بجنب منهم
نداء. خيرها هذي الللطف ياربي
عائشه. تبحت ف نداء بعجاب
شوي سِلينه كلمت نداء وحكتلها سألتها نداء امتي قالتلك قالتها الوقت وهك قالت نداء ف عقلها معناته هيا هكي يهدايه هههههه حانشوفو
.
.
.
.
(اسفه لو ف اخطاء املائيه او اخطاء ف الاسماء الحلقه جايا اطول نشالله )
كملت الحلقه ف رايكم نداء حتوافق وف مشاكل بينها وبين هدايه ولا كيف؟؟؟
توصيت ، تعليق ، 
شكرا ع تفاعلكم ومسجات الحلوات ياريت اكثر 💞
🔥روايـُات الڪاتبه الأوجُليه🔥
✨Soso ᗩlojliy✨
يتبععع...