روايـة نـداء♥️💔

بارت السادس والاخير♥️

روايـة نـدا۽🧸🤎
الحلقـه السادسه وألاخيره!
🔥روايـُات الڪاتبه الأوجُليه🔥
‏✨Soso ᗩlojliy✨
نبدا بسم الله
______
بعد مرور سنتين!!
عصام. اصبر عليا يومين
محمد. نا قتلك جيبلي 10الالاف نعطيك بنتي خير مانسفرها معاي ف الهجره الغير شرعيه
عصام. وربي لما يومين بس وتلقا 10الالاف قدامك وال8 هذينا خليهن معاك
محمد. كان تأخرت اكثر من يومين حتسافر معاي وفلوس هذينا مش حاتشوفهن
عصام. حاضر مع سلامه
عصام. كنت تعبان بدرجه لا توصف وكانت رغبتي ف نوم والراحه ليا كم يوم ونا نفكر من وين نجيبله هالمبلغ ومستحيل نستسلم راجل يوفي وبعده كله العيل عنده كيف قولة السلام عليكم!!
_________
هدايه. حبيبي
فيصل. عيونهه
هدايه. نداء تعيط وخلاص ومعش فضيت نلبس
فيصل. هاتيها حبي هنا وسقديلي روحك♥️
هدايه. خودها مبتش تسكت
فيصل. مشعارفه ليش تبيها نداء بالإصرار هضا كله😑
هدايه. هههه ماه متعرفش انت القصه لي صارت
فيصل. حي شن داسه عليا
هدايه. هضاك اليوم ف جياب مروه وقعدت تحكيله ف القصه كلها من بدايه للنهايه
فيصل. ههه باهي حمدالله كان وحده تانيه خربت بينا
هدايه. جت فحضنه. اي بس حمدالله توا نحنا تجوزنا وعندنا بنت
فيصل. وشن تاني 😉
هدايه. تحشم
فصيل. واليوم عيد جوزانا هيا قصي التورته
هدايه. صبي معايا
صبو هما ال2 ومعاهم نداء الصغيره وطفو الشموع
هدايه. كل عام وانت جنبي
فيصل. وانتي يحبيبتي ... ننزل نعدي نداء ل امي ونجيك
هدايه. تمام
عدت طفت الضي ولعت شموع هاديه وسلحت القفطان ولبست روب قصير وكله شفاف ولعت اغنيه هاديه وبسيطه
فصيل. فتح الباب هدوش حبيبي
هدايه. ف دار النوم. عيونها
فصيل. جاها و..💞

🔥روايـُات الڪاتبه الأوجُليه🔥
‏✨Soso ᗩlojliy✨
.
.
.
.
.نداء. خذيت فوني ونرن ع عصام مره اوله ميردش مره ثانيه نفس شي مره الثالتهً رد عليها
نداء. حبيبي باهي لي رديت عليا
عصام. حبيبتي ف شي
نداء. لا بس كنت ننشد عليك بصراحه خايفه
عصام. متخافيش ع قطع رقبتي ماتكوني لي غيري
نداء. ربي يخليك لقلبي ❤️
عصام. بتنهيده وليا
نداء. حبيبي انتبه لي طريقك وانا خليني نمشي نلم الحوش ونشوف باقي دبشي
عصام. تمام
نداء. باي
سكر الخط .....
نداء. سكرت التلفون وقعدت نبكي حياتهم خلاص انتهت بوها قعد يشتغل تاكسي عشان يجيب وكالهم .. خوها عملهم وقفوه معش فيها كيف .. حياتها مشعروف شن مصيرها تبحت ف الذبله وتبكي معرهاش بكت بهدرجه .. كانو يعرفوها قويه بس انتو مش شايفين شن فينا جوا من وجوع وكسرة خاطر كل قوه وراها الف الم ، حياتها مشعروف شن نصيبها حتي حوشهم مش مكملينه حاتعيش ف دار وحمام بدون مطبخ!!
وقفت افكاري ومسحت دموعي وقلت (حمدالله دائما وأبدا) وصبيت لي حمام غسلت وجي بمياه بارده وصليت ركعتين ودعيت لي ربي يفرجها عليا وفتحها ف وجهي ❤️❤️.
🔥روايـُات الڪاتبه الأوجُليه🔥
‏✨Soso ᗩlojliy✨
_______
ف العشيه!
محمد.  نداء نداء
نداء بشك. نعم
محمد. اطلعي انتي واختك اشري دبشك مزال كم يوم وتنقرا فاتحتك
نداء. حاضر
خشيت لي دار
نرجس. شن في ندو
نداء. هي نطلعو نشري باقي بثثاتي
نرجس. من عيني ده اقبل ده
نداء. بارده
نرجس . سخنيني
نداء. نياها ضي طافي
.................
لبست جاكيت طويل اسود وخمار وشاح ليكرا وردي وكويش ابيض✨❤️.
نرجس. جينز امريكي وطرف ابيض من داخل ودمي من برا وشاح حريري دمي♥️.
وطلعن ع كرعيهن يبرمن لي أسواق لي بجنبهم ...
_______
عصام. واللهي حكايه معش فيها قالي يومين بس
رواد. طلعله من جيبه 4الالاف .. ياصاحبي خود مشي بيهم امورك ومش بيناتنا
عصام. لا هلبا تو ندبر كيف
رواد. امسك حتي نا يجي نسيبي شي يوم يبي 10الالاف ناخذهم  منك🥵
عصام. من قالهولك نبي نعطيهملك
رواد. ف عينك
عصام.  ههههه وربي صقر
رواد. لا ميقو
عصام. نقنك مزاط ياراجل
رواد. امتي قعدت راجل😂
عصام. بسلامه
رواد. نبصرو وانت شي
عصام. تعرفني منحبهاش
رواد. .......
🔥روايـُات الڪاتبه الأوجُليه🔥
‏✨Soso ᗩlojliy✨
ف بنغازي تحديدا ف سوق زمزم
عند نداء ونرجس وسليمان
سليمان. شن صار معاكن كملتن ولا خلاص راه من بدري وانتن تبرمن
نداء. خلاص قريب نكملو نبي شوي نواقص بس
سليمان. انتي يفرخه معش تدوي مع صاحب المحل
نرجس. عجبني الخلال هضا بس
سليمان. اصلا هضا لي ناقص خوذيه وهيا اطلعن بكره تردن
نداء نرجس. حاضر
عدا سُليمان يخلص ف صاحب المحل والبنات طلعن يبن يركبن ف السياره بس ملقنش سيارتهم؟؟؟؟؟
_______________
مجهول١. هههههه خليه بس يتعب شويا
مجهول٢. من امتي نبيها لاه
مجهول١. هههههه نفكر ولا عرفت كيف نردها لاه وف وقت حلوو
مجهول٢. اهو يصير منك تشغل التبل متاعك
مجهول١. اسكت اهوي جاي شور خوااته
مجهول٢. اهم شي انك وقف صاحب محل الكاميرا وتفقنا معاه
(من هضوما وشن غرضهم من سرقة سيارت سليمان وكيف وافق صاحب محل هل بي شي ولا كيف؟؟)
.
.
.
.
نداء. نحنا طلعنا ملقينش السياره
سليمان. ينعن*&# ياريته حتي حاجه تنفع عشان تنسرق صبرني
نرجس. باهي رن ع باتي يجي يروح بينا وبعدها شوف صاحب المحل يوريلك الكميرات
سليمان. ايواه صح خليني نشوفه
معليش ممكن توريني الكاميراا لي قدام المحل سيارتي لملقيتهش بس
صاحب المحل . معليش والله الكاميرا عاطله لها كم يوم 
سليمان. اهه به شكرا وطلع
نداء. شن صار
سليمان. قالي ———
نداء. باهي خلينا نمشو لي محلات هضوما لي جنب وبعدها ساهل
سليمان. عدن انتن تو انا نتصرف
البنات . به وعدن لي باقي المحلات يأخذن ف اخر حاجات ويكملن ❤️❤️.
.
.
.
.سليمان ونزع جماعته وجوه وبس جوه بقناعات !!!
سليمان. كنكم انتو الزف
اشرف . عزقله المفتاح السيارة
وليد. شن رايك ف المقلب نياها 😂
وعدو هربو !!
سليمان . ف حالة صدمه حي علمه انتو يا&&&&
رن ع نرجس وقاللها هيا وجن وحكالهن وروحو للحوش !!!
—————
﮼يوم ﮼الزفه🥺❤️
نداء مقمعزه ع الكرسي بالفيلو الأبيض بجنبها مريم وفضيله ونرجس لي مقعمزتش بكل تعول .. وامها لي قاعده مصدومه ان نداء تبي تطلع بنتها كبرت خلاص معش حاتشوفها واجد كانت تنزل منها دمعه تمسح فيها بسرعه !
نداء . فرحتي مستحيل نعطيها لي حد صح ممكن حنواجهه صعوبات بس مع عصام عادي راضيه !
حانعيش ف دار وحميم ف حوش عيله بس حنكملو حوشنا وحده وحده مع بعض ♥️.
————-
عصام رغم لي صار بس مستسلمش حب حياته بعد ساعات حيكون بجنبه وبين يديه !
الشباب بجنبه ويضحكو وكل حد فرحان لعصام !
يبخ ف عطره ويلبس ف ساعة والخاتم و رواد كل لقطه صورها ودارله فيد حلو بكل ♥️.
🔥روايـُات الڪاتبه الأوجُليه🔥
‏✨Soso ᗩlojliy✨
—————
﮼بعد ﮼مرور،شهور💕
نداء . بطني خلاص معش قادره
عصام. حبيبي بنتي بتولي مشاكسه
نداء. اخس عليك وعليها
عصام. باهي تعالي تغذي أمي تنادي
نداء . نلبس ونطلع هي
سالمه . شخبارك نداء نشالله غير مش متعبة الحمل
نداء . اهو حمدالله مره مره نستفرغ
سالمه. نشالله ع خير
نداء . نشالله .. تنهدت كنت منبيش نحمل عند مانستقرو بس الله غالب
سالمه. هضا شي من ربي احمدي ربك عليه ف ناس مش محصلته
نداء. ايه والله ونعمه بالله
سالمه . هيا جابن الغذاء يابنات
نداء. تو نعدي نشوفهم ونساعدهن
سالمه . به بري
—————-
بعد الغذاء
نداء. حبيبي
عصام. يسمح بالمنشف. عيون حبيبك
نداء. عندي مراجعه عند الدكتوره اليوم نمشو
عصام . حاضر يعيني نرقدو شي ونعدو
نداء . تمام نخش نغسل جسمي علمه إذن العصر
عصام . تم يعمري ♥️
عصام خش عزق روحه ع سرير ونا خشيت غسلت جسمي وبعدها رقدنـا شوي
عند الدكتوره ...
دكتوره . البيبي صحته كويسه بس انتي مفروض ترتاحي لانه حيأثر ليك هلبا
نداء. تمام نشالله
دكتوره. هذينا الادويه خوذهن من الصيدليه لتحت
عصام. نشالله شكـرا
دكتوره. ربي يخلصك ع خير
نداء. نشالله
وطلعو ❤️
عصام. مش نقولك يندو تحركيش هلبا
نداء. نشتغلش بس حاجات اساسيه عاد نساعد عميمه
عصام. متعبيش روحك امي معاها خواتي
نداء . حتي وكان
عصام. كلمه هيـا
نداء . حاضر
🔥روايـُات الڪاتبه الأوجُليه🔥
‏✨Soso ᗩlojliy✨
——————
سالمه. مدلي تلفوني ياوليدي
ولد نجات. حاضر اميمه وجابلها تلفونها وضربت ع رقم عصام
عصام . الو يمي
سالمه. شنصار عندك
عصام. لا حمدالله طمنتنا وبحت ف نداء ، وقالت لي نداء تحركيش واجد
سالمه. اها نقوللها تحركيش تسمعش ف الكلام
عصام. نشالله خير
سالمه. نبي نقولك بعد تروح تشيلني لحوش اماليا
عصام. كنهم صاير عندهم شي حاجه
سالمه. لالا خوالك يبو يقسمو ورثه امي وباتي الله يرحمهم
عصام . اها باهي نروح وساهل
سالمه. تمام نشالله سلام
وفصل الخط
نداء. عليش تحرج فيا مع عميمه
عصام . يروح عميمه هضا الواقع
نداء.تقلد عليها. يروح عميمه 😂
عصام . هههههه
————————
ف مربوعة أمالي سالمهه ،حِـوار بين الخوت
سالم . كل حد ياخذ حصة من المراحيم والحوش يقعد مفتوح
سالمه . اي ولي يسكن فوق ينزل يكسد فيها ونشالله كل بين وبين نلتمو فيها
حليمه. نشالله وحوشي مش بعيد تو نجي
فتحي .ذهب امي الله يرحمها بعته وخليت ثلات حدايد كل وحده تاخذ وحده
سعد. اهم شي طلعت منه صدقه ولا
فتحي. طلعت اي
- وقعدو يناقشـو ع هالموضوع وفضت ،بس مزال ف اجتماع ثاني؟؟
سالمه رنت ع مصطفي وجا روحهـا وقررت قرار ف سيـاره حايكـون فيه حياة اشخاص ؟
................
معاذ ولد نجات، دق دق خويله ندو ندو
نداء. تتكركب ببطنها نعم ماعوو
معاذ. قالتلك اميمه تعالي
نداء . حاضر حبيبي
نزل معاذ يجري ونا خشيت لبست بدله الصلاه ورنيت ع عصام وقتله ولقيته صابقني 💙
...........
سالمه. دمنا جيتو نقوللكم اماليا قسمو الورث وطلع مبلغ نشالله وحصلت وقررت نعطي فلوس لي عصام ويشري بسه حوش جاهز لانه عنده مناسبه وحوشي واللهي ماهو من حوشين توا وحركاتهن ونا نزيد كم دار ف حوشي وكل حد يتسقل بروحه مسكينه بنيتي نداء ماعاشت زي هالعرايس
عصام. هلبا يامي عليا والله
نداء . واللهي تحرجي فينا عميمه مترحين والله
سالمه. فكينو من هالكلام بكره تطلعو ادورو حوش وتسكنو فيها
عصام ، نداء . ربي يخليك لينا
كلهم. يارب♥️
مصطفي . ونا شن قرعتي
سالمه. هوا انت واحد ينساك تو ناخذلك سياره 😂
مصطفي. واقدعع امم والله
عصام . اعقل🙂
- روحت نداء لدارها وفرتحهم مش سايعتهم هي وعصام ويقررو شن يديرو وشن شكل الحوش واللمة حاتكون كبيره لانه فرح جاسريع 🦋❤️.

النهـايـه 🦋❤️.
ملتمين فحوش محمد "اهل نداء" مروه مقمعزا ببطنها قدامها وبجنبها سليمان ، نداء مقمعزه وفكترها اسمهان بنتها العسل وحداها عصام ، نرجس مقمعزه ع فونها مش طالقته بكل تحكي مع خطيبها شاهين نخطبو ليهم ٣ شهور خطبه تقليديه ، ايمن دار خاذث شنيع وقعد عقيم ، انسام خانت ايمن بعد دار حاذث وتجوزت واحد عشان فلوسه وحشاش وجوه مش تمام بكل ،سالمه تستنا ف عصام ونداء واسمهان لي دايره زياره لحوش عيت جدها مرايفه عليهم سالمه لي مصبرها نجات وعيالها ، اريام نخطبت وفرحها قريب بعد شهريـن بس ، حت فضيله لي نداء فحوش هلها وتلاقن وفرحتهن كبيره ببعض 🦋❤️.

- كل حد ياخذ ع قيـس نيتـه ، انت تخطط وربـي يخطط ، كل شـي مكتوب ومقـدر ، خلي ايمانك بربـي قـوي ، كل شي صار معاك اختبار من ربي ، ربي لما يبتلـي عبد يحبـه ، ربي حايوعضـك بشخـص يخاف عليـك ويحطك جوا عيـونه 🦋❤️.
- تحيـاتـي ،
🔥روايـُات الڪاتبه الأوجُليه🔥
- ✨Soso ᗩlojliy✨
حسابي ع الانستا :s0_06_alojliy
‏‌‎‌ ‌‎https://www.instagram.com/invites/contact/?i=108mqe0kw67ke&utm_content‌‏‏
رايكـم انتضـروني ف روايـتي الجديده نشالله 🦋❤️.