أحلام بريئه 🥀💔
البارت الرابع ❤️🥀 للكاتبه آمنه مهدي
صاار الصبح بسرعه ماشبعت نوم بيت اهلي
الساعه تقريبا ب 6 ندگت الباب رجال يصيح ابو مصطفى ويدك بالباب ابووو مصطفى
ابوي / هااهاا جايك طلع للباب فتحها ورجع بسرعه گعدني
مهااا مهاا كومي بويه گعدي،
مها //هاا بويه
يله بويه گومي امج حضرتلج هدومج
لٱ بوبه
دگومي گومي لميهن بسرعه
امي // ابو مصطفى صدگ عود راح تنطي مهاا
ابوي / بالله سكتي عني انَتي مالي خلگج روحي بدل هل سوالف علمي بنتج لمي هديماتها
امي راحت بسرعه ع مطبخ وقفلت الباب عليها
رحت اني ع بوفيه بيها خانه وحده اليه فتحتها ابوي خبصني ماخلاني اشوف دربي اخذت علاگه سوده حطيت بيها دشداشتين وتراك وجواريب وحجاب وشديتها لبست حجابي وجواريب ولبست عباتي بوست اخواني كلهم همه نايمين
رحت ع مصطفى دنگت بسته وگعن دموعي ع خده گعد
هاا خوخه وين رايحه
كتله ناام ننام راح اعرس اني
طلعت دگيت الباب ع امي يمهه رايحه اني والله احبج انَـỲǑŲـْتي راضيه عني ديري بالج ع روحج وع اخواني طلعت للشارع بوست ابوي يله بويه رايحه
ابوي // عفيه بنيتي اريدج تصيرين عاقله وترفعين راسي روحي روحي،
اسمع صوت مصطفى يصيحلي ابوي طلعني روحي يله بويه
صعدت بالسياره سلمت ع الرجال كعدت وخليت العلاگه بحضني مشينه مسافه كلش بعيده،
وصلنه ع بيت نزل الرجال دگ الباب
طلع ولد تَعاّإاّإلّ عمي تفضل
دخلنه جوه تعالي عمي رحت وراه طببني الغرفه بيها بنات گاعدات گعدي هناا سلمت وگعدت يمهن ضلينه بالساعه گاعدات
البنات لابسات أسود ومدنگات مبينات جانن يبجن طب علينه رجال يله يله تعالن لبسن البنات بواشي (نقاب) صعدونه بسياره مكشوفه مال حلال( غنم وغيرها) صعدت بنيه جسم سمينه شويه ونطتنه ايدها صعدتنه وحده وحده تحركت السياره
مشينه
اكو ويانه بنيه زغيره كلش بكبر اختي نور يطلع عمرها 9 سنوات
اني بكلبي اكول هاي مو زغيره ع زواج
الجوو كلش باارد شالن البواشي عن وجههن
وحده اسمها خديجه كلش حلوه بشرتها صافيه حنطاويه عدها غمازه وحده طابه جوه،، سنونها كبار وجها يضحك
وفرح سمينه دبدوبه
بالطريق ڱڵـه. يسولفن عرفت اني مراح اتزوج اني رايحه فصليه
وعرفت شنو فصليه م̷ـــِْن خلال كلامهن
رغم اني مقهوره وحزينه لزمتني خوفه ضليت اباوع بوجوهن كلهن مقهورات ويردن يبجن وحده اسمها زهراء الطريق ڱڵـه. تبجي
وصلنه ع مزرعه السيارات تارسه الشوارع وقطع بيها صوره الولد مكتوب المرحوم المغدور جاسم محمد كريم البنات نزلن البواشي واني وجهي مكشوف وصلنه نااس هواي زلم كلها لابسه عگل وشباب جوادر مال فاتحه وصلنه يم بيت عالي كلش حطولنه كرسي ونزلونه وحده وحده
اجه رجال اخذنه وراح ابو السياره
اخذنه يصيح هَــْـِْـْْـِلاّ هَــْـِْـْْـِلاّ بفصل الشيخ كريم وگفنه يم الزلم وبده يقره ويدبج ويهوس والعالم كلها تهوس وياه واحنه فرجه صايرين اني لفيت وجهي بعباتي ضلت المهاويل تقره وتهوس واحنا واكفين
رجاال طببنه جوه للبيت
استلمتنه النسوان مجموعات بديوان كلش چبير هم تسطرنه يمهن وهنه يلطمن ويتفرجن علينه
اخذتنه مَـرّھٌ الغرفه بيها حصير ومخاد معزوله عن البيت طبن البنات جرتني المره شوو فتحي عباتج
لابسه دشداشه ورديه بيها جيوب ثنين وبيها 3 دگم لزمتني وشگتها عليه ع طولي لابسه احمرر معرسه انتي يله طبي لبسي أسود لميت نفسي وطبيت
ماعندي اسود شسوي
بنيه اسمها استبرق نطتني دشداشه منـِْهـ♡̨̐ـِْا سوده
احنا 10 فصليات
اربعه اخذوهن بغير غرفه ضلينه بس احنا
فرح وخديجه واني. وزهراء واستبرق اخوات وجنه بنت اخوهن. گعدنه وحده تباوع بوجه الثانيه ودموعنه ع خدودنه
زهراء متخربطه كلش ونايمه ع رجل اختها
فرح حسبي •اللّـہ̣̥ ع اهلي الشمروني هاي الشمره صرت فرجه لليسوه والميسوه ماسامحهم للموت
خديجه صافنه ودموعها بعيونها
وجنه تلعب بالغرفه اني بطني توجعني م̷ـــِْن الخوف وصافنه عليهن اباوع الهن شيسوون
يتبع للكاتبه آمنه مهدي ❤️🌹
أحلام بريئه 🥀💔
البارت الخامس
.....................للكاتبه آمنه ❤️مهدي
