قهوة الشتاء☕🤎.. بقلمي/ "رودي الليثي"

جبر الخواطر❤️

السلام عليكم❤️
اذيكم يحبايبي ياارب تكونوا في افضل حال ...حقيقي وحشتوني ووحشتني الكتابه جداا،،،حبيت النهاردة اكلمكم في موضوع مهم جدا ويااريت تركزوا معايا ف اللي هقوله في البارت دا بالذات.

~~~~~~~~~~~~~~~~~~~~
_نفسي اسمع كلام يشجعني من اللي حواليا بس دايماً بلاقي العكس..

_ساعات ببقي في أمسّ الحاجة اني اسمع كلمه حلوة من اللي حواليا تديني دفعه للحياه من تاني واستعيد شغفي وتفاؤلي..

_عندي موهبه ومحدش بيحفزني ليها ابدا..

_عندي حاجة في شكلي مميزة وعُمر م حد من أهلي قالهالي(لون عيونك مثلا)..
~~~~~~~~~~~~~~~~~~~~~

1)يعني ايه جبر خاطر..؟

2)ازاي ممكن أجبر خاطر اللي قدامي..؟

3)هو انا ممكن اكتفي اني اجبر خاطر نفسي واشجع نفسي ولا لازم اعتمد علي ان اللي حواليا هما اللي يجبروا بخاطري..؟

~~~~~~~~~~~~~~~~~~~~~
بسم الله به آمنت وعليه توكلت❤️

قصه قصيرة قبل كل بارت..

*******************
كان في بنوته كان حلمها تدخل كليه فنون جميله..هي بتعشق الرسم وكانت عايزة تنمي الموهبه في الكليه ..حطت لنفسها احلام كتيرة وبنت لنفسها مستقبل علي الاساس دا وحاولت وتعبت جااامد اوي في الثانويه العامه علشان تجيب مجموع كويس وتدخل الكليه دي ..وعملت قدرات الكليه دي ونجحت فيها لاكن للأسف القدر لعب لعبته معاها وهي كانت جايبه مجموع كويس بس ميدخلهاش الكليه دي ..حرفياً حست وقتها ان كل حاجة ضاعت ونفسها اتكسرت ..حست بألم رهيييب جدا وكانت علي وشك انها تكره الرسم اللي هو يعتبر حياتها ..محدش ابدا في الوقت دا كان ممكن يحس بيها غير نفسها ..هي اللي حاسه بالوجع والاكتئاب ..قعدت فترة جامدة لحد م استوعبت اللي بيحصل ..كل اللي حواليها كان بيواسيها لاكن ربنا وحده هو اللي عالم بيها..وجيه عليها وقت كانت خلاص هترمي ادواتها ومش هترسم تاني للأبد ..لاكن في الوقت دا اتحدت نفسها ورغم حزنها واللي مرت بيه إلا انها مخلتش الواقع يسيطر عليها ومسكت الورق ورسمت ..وف الحقيقه كانت الرسمه وحشه وايدها كانت مهزوزة جدا لاكن يكفي انها قضت علي الشعور بإنها مش هتقدر تمسك الفرشه تاني ..اشتغلت علي نفسها من وقتها وحفزت نفسها جامد علشان تقدر تكمل وعشان متقفش عند المشكله دي ..مكنش ينفع تقف..
وبعدها الايام عدت واقتنعت ان دي ارادة ربنا وربنا كرمها بكليه"آداب قسم علم إجتماع"
لاكن كانت بتصبر نفسها برضو لان مستحيل تنسي ان دا كان حلمها بس اقنعت نفسها ان "الخيره فيما اختارها الله لنا" وابتدت تجبر بخاطر نفسها انها قد الكليه دي وانها هتثبت ذاتها فيها وتبقي حاجة حلوة جدا.
وبعد كل رسمه كانت بترسمها كانت بتسقف لنفسها وتقول "أنا مُبدعه" حتي ولو الرسمه وحشه او فيها شيء مش مظبوط..
حفزت نفسها ذاتياً،،جبرت بخاطر نفسها ،،مستنتش حد ييجي يجبر بخاطرها.