" ألم يكفيني ٱذى؟

البارت الاول

1))البارت الأول.

في تمام الثانية فجراً، استيقظ على صوت بكاء طفلة!، حملته قدماه إلى حيث الصوت، ومن دون أن يشعر وجد نفسه أمام غرفة والديه، ومن داخل الغرفة:
:خلاص، رناوي تبين حلاوه؟ خلاص ي ماما هدّي شوي!.
: سارة، لا تعطينها حلويات! توها صغيره!..
سارة:محمد! لا تلومني؟ هيه مو راضية تسكت!
محمد: مو انتي أم؟ دبريها عاد!
سارة:ودها عند خالتها يمكن تعرف لها؟.
محمد: لا!، اخوي وصّاني على بنته ولازم انفذ وصيته!
سارة: بس محم. (قبل م تنهي كلامها)
محمد: خلاص، روحي تمشي وياها برا !
سارة: اهه صبراً جميلا !
خرجت سارة من الغرفة م توقعت تشوف أحد!
سارة: بسم الله! تركي وش اللي جلسك بالوقت؟!
تركي: مدري؟ امي ليه رنا تبكي؟
سارة: م عندي علم؟
اخذ رنا من أمه، أخذ يهدهدها و يمسح على راسها، شدت ايدها الصغيرة على ملابسه، حس بشعور غريب وابتسم لا شعوريّا شوي ونامت الصغيره!.
سارة بعجب: ا ا هه تركي كيف نامت بسرعة؟
تركي: أمي، روحي نامي انا بعتني فيها!~
سارة: عندي ثقة فيك، بس وراك مدرسة بكرا!؟.
تركي: لا تحاتين اعرف ادبر اموري..
سارة: متى م ازعجتك جبها لي..
تركي: تمام ، تصبحين على خير..
سارة: وانت بخير..
اخذها ل غرفته، جهز مكان امن لها ومريح على الأرض (عشان م توقع) استلقى بقربها غطاها اخذ يلعب بشعرها ويداعب وجها .. شوي سمع صوت الأذان حس بأن الوقت مر بسرعة، قام توضه وجلس يصلي ..
أثناء م هو يصلي رفعت رنا رأسها ودموعها صارت تنهار بغزارة، بس الغريب انها م اصدرت ولا صوت!، خلص صلاته حس فيها، لف عينه عليها شاف دموعها، راح لها يركض وقلبه خايف عليها جلس يمها وصار يتأملها،
سألها والخوف باين بصوته: رناوي حبيبي فيك حاجة؟..
تشبثت بملابسه ضمها ل صدره وحضنها ب أقوى م عنده، شوي هدأت ونامت وبدوره تبعها ونام.. (تصبح على خير)!