ذنبي طاهر

نهايه البارت 19

البارت19 الاخير الجزء الثاني

حيدر،،، وره اسبوع مريت على ابتسام وياي امي  ندك الباب محد يفتح

ام حيدر،،، يجوز يمه رايحه البيت واحد كرايبها

حيدر،،، يمه همه منين الهم كرايب هاي شبيج

ام حيدر،،، ماعرف يجوز ايناس رايحين بيت اخوها شبيك يا ابني

حيدر،،، لا ما اعتقد يمه ضليت ادك بلباب اجت ابتسام وحالتها متبهذله فتحت الباب وبلكوه تمشي هاي شبيج ابتسام صدك جذب

ام حيدر،،، بنتي شكو شصاير هاي ليش هيج صاير بيج

حيدر،،، يله تعاي اصعدي اخذج للمستشفى عسريع يله

ابتسام،،، لا ماريد  شسوي بطبيب واني اعرف العله بگلبي  وبضهري

ام حيدر،،، تعاي بنتي طبي جوه 

حيدر،،، يمه روحي تسوكي  ماعدها شي بثلاجه

ام حيدر،،، شون اعوفك وحدك يا يمه

حيدر ،،،لا تخافين عليه شنو يمه تره هيه راح تصير زوجتي

ام حيدر،،، يله بكيفك ابني

حيدر،،، راحت امي ابتسام مو كافي هاي شنو تعرفين عيونج مورمه وصايره حمر

ابتسام،،، شتريدني افرح واضحك واركص يا حيدر تعرف  كل الامور تهون بس سالفه امي ابد متهون

حيدر،،، كافي كلبي  وخلص خلي نتزوج بعد وننسى الماضي ونبلش حيات جديده

ابتسام،،، ليش سهله انسى بكل سهوله تريدني انسى  والخنجر الي طعن كلبي وضهري بعده ينزف

حيدر،،، كل انسان عنده غلط بحياته وتره امج

ابتسام،،، لتكول امي هاي مو امي

حيدر،،، حقج والله ولي سوته مو قليل بيج اني اريد اكلج كل انسان يغلط بحياته اني انتي  مرت ابوج  كلنه معرضين للاخطاء

ابتسام،،، هاي مو خطاء هاذ قتل  وذبح تعرف شكد جنت اعاني وطلعت تعرف بس مغلسه تعرف اني صار بحياتي كلها بسببها  ماردت  يصير بيها شي

حيدر،،، اني افتهمج بس اريد اكلج هيه لو ما ندمانه مجانت تعترفلج  وبرغم اخوها مات يعني محد يعرف  بسالفه لو باقيه على حطت ايدها

ابتسام،،، شيفيد الندم علواء لو ما حاجيتلي والله من كعدت تسولف تعرف كطعت كلبي تكطع

حيدر،،، حقج حبيبتي بس كتلج فكري بنفسج  وانسي الي صار بعد

ابتسام،،، اني جنت اتمنى من اتزوج اعيش وياها بيتنا ولا اعوفها وخدمها حد ما ماتها بس سمعت الي صار  تريدني شلون ارتاح يا حيدر شون انسى الي راح يا حيدر

حيدر،،، كافي بعد واني اريد اسرع وقت اتزووجج حتى ما اخليج وحدج

ابتسام،،، المهم خلي لا نطول بلاحداث اكثر اجو بيت حيدر طلبوني   وحيدر  فهم اهله انو امي راحت البيت اخوها من مات اخوها صغير عافت ابتسام من صدمه الي هيه بيها واني وحيدر تزوجنه وعشنه بيت اهله وبقينه بيتنا فارغ والبيوت 3 اجاراتها حيدر جان يستلمها ويجيبه اليه بس جان ميقبل اصرفها واني همينه مصرفتهن استلمهن وخليهم عله حطتهن وفعلا ما جنت محتاجه لان مجان مخليني احتاج ايشي وراها استمرت حياتنه  لمده سنه  وراها قررنه اني وحيدر نرجع امي البيتها وننسى الماضي  رحنه دورنه عليها لكيناها بدار المسنين كالو موجوده يمنه تردون تشوفنها كنالها لا  خليها باجر لان نريد ناخذها فد مره  المهم رجعنه  وحيدر كال ليش مرجعتيها للبيت كلت لا اروح انضف البيت واحنه هم لازم بعد نروح نعيش هناك حيدر وكال حيدر بدل منعيش هناك ليش متجيبينها اهنانه ويه اهلي ونعيش كلنا بيت واحد كتله لا حبيبي ذاك بيتي واهلك قريبين علينه واحنه هم بعد  لازم نعيش بيتنه  وانته هم شوكت ما يعجنه نروح سوى هناك نبات  همه يجون يضلون يمنه اني واخت حيدر رحنه نظفنا البيت كله  نظفناه بس كل  مكان بلبيت بي ذكريات حلوه وبيها ذكريات تشلع الكلب  خلصنه تنظيف ورجعنه للبيت بليل كعدنه  عمي كاضم كال ميصير روحتكم  تنسونا حيدر كال بابه هوه وين رايح فرعين ليغاد يعني شوكت متريد تمرونه ومحمد بنهار بيتكم  وبليل اني اجي ارجعه للبيت يا بويه  كال الله كريم ابني براحتك المهم رجعنه للبيت وشلنه هناك كتله حيدر باجر خلي نروح نرجعها الامي خطيه كلي حيدر ها ابتسام رجعتي للبيت رف كلبج عليها كتله ميخالف هيه سوتها وياي غلط بس اني ميصير اصير نفسها وكلامك صحيح هيه ندمانه عله الغلط الي غلطتها وياي وراح  انسى الماضي وخليها ترجع المهم طلعنه صبح حيدر اخذني يمها  اتفقت ويه مديره طلعها بره اريد اشوفها  شتسوي من تشوفني  جابوها بعربانه للممر اني وحيدر وكفنه باب الممر  من بعيد تشوفني وتباوع علينه بس متعرف احد متقربت عليه بعد عشر امتار منها وكفت كلت يمه رفعت عينها ليفوك وجانت تباوع عليه  كبل عرفتني كامت تبجي تكول بنتي  رحت تقربت عليها كامت من كرسي مالها حضنتني

حيدر،،، اباوع عله منضرهم صدك انترس عيوني دموع والمديره كامت تبجي  كتلهم كافي ولكم خليتو حته زلم تبجي الي يشوفكم يكول سنين مشايفين الاخ هوه كلها سنه 

ايناس،،، سنه قليله يا حيدر تعرف اني اصلا متوقعت اشوفها بعد ..الله يوفقج دنيا واخره يا بنتي والله الي ينتقم من جان سبب  لو عندي طفل مجان يسوي الي انتي سويتي الي بس اخ اني بلمقابل شسويت حطمت حياتج كلها

ابتسام،،، الحمد الله يمه الله عوضني بكلشي

مديره،،، هسه ارتاحيتي ليل ونهار متنامين بس تكولين بنتي بنتي مو كتلج بتج اصيله وراح تجي تاخذج

ايناس،،، لا اني ما اروح وياها خليها تعيش حياتها اني هسه اذا اموت هم ميخالف لان حضنتها وشفتها

ابتسام،،، طولت العمر الج شون ما اخذج وياي لعد منو عينه على محمد مو انطيتيني وعد تربين جهالي واني هسه اخذج وياي حته تربين جهالي من يجون لدنيه

ايناس،،، لا يمه خليني مرتاحه هنانه  ويه هل الناس الطيبه بس  زوروني كل فتره
،،،،،،،،،،،،،،،،،،،               ،،،،،،،،،،،،،،،،،،،،،،                ،،،،،،،،،،،،،،،،،

رجعت ايناس وياهم ابتسام رجعت اتكمل دراستها وهسه عدهم اطفال 3 محمد  وحسين  وهند الي سمتها على اسم صديقتها وإيناس كامت على حيلها صح مو مثل قبل بس احسن تمشي شويه تتحرك يعني بدون عكازه او كرسي 
المهم حكايتهم مستمرة لحد الان الانسان شكد ما يجمع افلوس مراح ياخذ وياه بس الكفن وبل اخص اذا جان فلوس حرام راح يخسر دنيا والاخره وليتيم الله اكبر علي يعادي او يتقرب الماله  لأن مال اليتيم محد يكدر يتهنه بي ابتسام غلطت من البدايه جان لازم تشتكي لو مشتكية جانت تخلص من تهديدات واذا تخاف حيدر موجود تكدر تحجيله وجان يوكفلها  ومن رادت تكتل روحها اكبر غلط لان الغلط ميتصلح بغلط وياسر شكد خطط وشكد عذب هاي اليتيمه لاكن وينه وشحصل وايناس محد ما وكفلها غير البنيه ربتها وكبرتها جان ملازم تنطي مجال الياسر ولا تشارك بهل شي وعمار الله يرحمه انته شون تجيب شاب البيتك وانته عندك بنيه شابه  صح زوجتك ربت بنتك حته اذا اخوها ميصير تجيبه بيتك وبالعلم تعرف اخلاقه مو زينه  ومو كل رجل مثل حيدر نشمي واخو خيته  ولا كل رجل مثل ياسر الدنيه بيها زين وشين ولا تخلي طمع ياثر عليك
من حركت كلبي تره لا تلوموني ماعرف شكلت حبايبي وتحياتي الكم انتضروني بقصه اخرى بنات حجي جباك عن قريب ان شاء الله بس ارتاح فد اسبوع انزلها الكم تحياتي  لكم
النهايه