محتاجك حلم يحظني طول الليل
ومحتاجك حقيقه وياك اكظيها
ومحتاجك حياه بروحي اشريها
دخيلك روحي ترجف ضمني ليك بساع
بلمس حنانك روحي دفيها
مااحمل غيابك نار بيه تصير
واهات الليالي ألما تحس بيها
احلفنك يغالي بكل كلام الشوك
لترخص عيوني ولاتبجيها
مجنونك صرت والعقل هايم بيك
وعطشان المشاعر وانته ترويها
abbas haji
طبينه المستشفى متوقعت امي حالتها هيج خطرى كتلها دكتوره شبيها خلي نسويلها تحاليل وفحص هذاك الوكت نعرف هيه شتقربلج كتلها امي دكتور بس شو خوفتيني خير دكتوره عليج الله كوليلي شبيها احنه شاكين جلطه بس خلي نشوف تحاليل ونحللها هذاك الوكت يبين النه شو هاي وكعت كلبي عزه بس لا يصير بيها شي هيه مجانت هيج فد مره يا ربي ارحمنا وباوع لسمه واكول ربي ما عندي احد بهل دنيه بس امي ربي شافيها وعافيها وشفت تحليل بيدي رحت يم ممرضه كتلها متشوفين هاي شنو كالت هاي تحليل كتلها اعرف تحليل بس شوفي شنو ناتج مالها كالت ماكو شي كتلها يعني مو طفل كالت لا مو طفل وراحت واني حمدت ربي لان مطلع طفل اجو سوولها تحاليل وشوفهم داير مدايرها يفترون وخلولها موغذي وكامو يخلون ابر بلمغذي كتلها دكتوره خير شكو شبيها
دكتوره كالت عيني جلطه دماغيه وحالتها مو زينه بس زين سويتو جبتوها بساع ما اخرتوها دكتوره يا ستار شون يعني حبيبتي عدها دمار بدماغ طاك وضعها ميطمن وراح نحاول وياها عسى ولعل نوصل نتيجه وياها بلكت تطلع من خطوره يربي اني وحدي وامي هاي حالتها واني وحدي وياها رقم اخوها ثاني ما اعرفه ولو هذاك هم نفس ياسر لان بحياته مخابرها ولا سال عليها دورت ملكيت رقمه كلت اخابر ياسر مهما يكون اخوها خابرته ميجاوب وره ساعه خابر ها شكو تخابرين كتله هيج زين حالتها خطره هيه بين الحيات والموت شوهاذا سده بوجهي ادك عليه قفل مبايله اصلا احسن شي اخابر حيدر خابرت حيدر
حيدر،،، ها ابتسام
ابتسام،،، حيدر امي ضربها جلطه وضعها مو زين فد مره واني وحدي
حيدر،،، هسه اجيب امي واجي بطواري مو
ابتسام،،، اي بطواري
حيدر،،، زين هسه نجي اني وامي
ابتسام،،، اي والله فدوه والله وحدي بقيت شويه صار نص ساعه وشوف يضربونها ابره بل مغذي اجت ام حيدر
ام حيدر،،، ها يمه شبيها امج
ابتسام،،، والله ما اعرف دكتوره تكول جلطه
ام حيدر،،،، يا صدك
ابتسام،،، اي والله خاله لزمت الممرضه ها يمه شونها كالت اللمرضه والله يا خاله نريد حالتها تستقر واحنه دنحاول وياها بلكت الله طلعت من خطوره
أنت تقرأ
ذنبي طاهر
Roman d'amour🔞🔞🔞🔞🔞🔞 السلام. عليكم ورحمة الله وبركاتو القصه تتكلم عن فتاة بسن المراهقه لم تبلغ الحلم، تفقد عذريتها من اقرب شخص لها وواجهت الكثير من الصعوبات وعاشت حياتها تحت رحمه زوجه ابيها طبعن القصه بلهجه العراقيه، ادخلو القصه راح تعرفون الاحداث، ،،،،
