ذنبي طاهر

البارت الرابع

مساء الخيرحبايب كلبي

رحل مني عزيز الروح. .مارد

ودمعي صار للعربان. ..مارد

انمرد كلبي بسبب فركاه مارد

عميت وكامو. .يدلون. ..بيه

الكاتب Abbas hj

كاظم... هو مدنك بنتي البقيه بحياتج

ابتسام... شنو يعني شنو قصدك

كاظم... حيدر روح حضر تابوت

ابتسام... الدنيا ظلمه عيوني كامت ما تشوف ويفتر الشارع و الحياطين بيه محسيت بروحي فتحت عيوني لكيت نفسي بالمستشفى اني همينه من الصدمه فقدت الوعي يا ربي ما اعرف اصدك ابويه مات لو هذا الحجي كله كذب كمت وطلعت برا امي ادك وتلطم و اني صايره مثل مخبله وبعدني ما مصدكه ابويه متوفي وراها طلعو ابويه ولافينه ابطانيه اجت هندو حيدر وكفوني على حيلي صعدوني بالسياره

هند... ابتسام شبيج صاير بيج شي

ابتسام... اباوع على هند ومااكدر احجي اي كلمه يا ربي كون نايمه وداحلم حدما وصلنا للبيت و كل النسوان ملتمه ويواسون بامي وبيه هند كاعده يمي وخاله ايديه بين ايديها دخلوا التابوت رحت ركض والنسوان يلزمني بس ردت احضنه واشوف هو لو لا اشكد ما اكتل بروحي مايخلوني ولا خلوني احضنه ودخلو الزلم شالو التابوت كلتلهم عوفو شويه وملخت نفسي عمي كاظم من شافني اصيح وعيط كال نزلو التابوت شويه من نزلوه كبل حضنته هذاك الوقت يلا عرفت انو اني ما جاي احلم يا بويه ما خليتني احس اني ما عندي احد جان صديقي وابويه او امي او اخويه من اشكي من شيء ما يخلي دكتور ما ياخذني من اضوج وين ما اريد يفرفرني شنو اللي بكلبي يسويلي ياه جان والنعم من اب مرت علينه فتره امي جانت فاقده نهائيا واني من مات ابويه بعد ما رحت للمدرسه وياسر ظل عايش ويانا ايروح للدوام ويرجع بس من ذاك الوكت جان ماله شغل بينا يطلع ويطب براحه كلبه
حد ما فد يوم زارونا بيت هند

ابو هند... شلونكم شخباركم ان شاء الله ابخير

ايناس... الحمد لله عايشين

ام هند... ام ابتسام ليش بنتج صارلها فتره تاركه المدرسه

ايناس... شسويلها ما تروح اشكد اكوللها روحي ماكو فايده

ابو هند... ام ابتسام احنا لازم نحاول واياها ولازم ترجع لدراستها ليش هل سنه اتروح من عدها هند كالت المعلمات باجر راح يجوكم ويحجون ويا ابتسام

ام هند.. ام ابتسام انتي هم لازم مضلين هيجي ترى البنيه صغيره اذا انتي امها حزنانه تريدين هي شلون ما تتغير خلي الحزن بكلبج لان حرامات بنتج التضيع من ايديكم الله يرحم المرحوم مات راح الدار حقه هسه البنيه ما عدها احد بس انتي  لاتهمليها

ايناس... ابتسام يمه تعالي ام هند اني شعندي بهالدنيا بس هاي البنيه اذا الله وفقني راح احاول وياها وما اخليها تحتاج اي شيء اصير امها وابوها