قصص مكرره فيها المشاهد..

البارت الرابع.... اغتصاب.

السلام عليكم...

دائما ابده بهاي الكلمه...

اوووووف اليوم الموضوع هو مكروووه...وزايد عن حده....وكثره المشاهدات بي اكثر من الناس الي موجودين عله الكره الارضيه...

وخاصه من نوع الانحراف والي دائما يكتبون +18

والي الناس دائما ترغب تروح وتشوف هالقصص الي تطيح  حض لواحد....وخاصه من عمر ١١ لحد عمر ١٨

اكثر الفئات يفوتون لهيج نوع من القصص....المراهقاتت...

يربي....شنو الواتباد صاير بي...

والله لو اني اكدر اسوي شي...جان مسحت الواتباد من العراقييين جميعا...

لان الواتباد مضر كلش....والله وخطير اخطر حته من اليوتيوب...او الفيس او الماسنجر.....الخ..

اكيد لكل انجر لهل انحراف والي يخليج تفوتين غصب...

انتي تكولين مااريد افوت...والشيطان قوي...يخليج كوه تفوتين...

واني هم بدايه الواتباد..نجريت لهل انواع هايه....

وقريت روايه....ووعدت نفسي بعد مااقره هيج روايات....او حته قصص +18

....وطبعا اني الي قريتها...قصه عاديه...بس لما توصلين للنص....تلكين بيها هالاشياء....

جانت قصه عراقيه...

بس كرهت حته الكاتبه...

ولعنتها ميت مره...

يمكن جانت اسمها  الضابط..ومااعرف شنوو..

جانت بالبدايه شخص يلحك وره وحده للجامعه..وهيه ماتريده ولاتحبه...

وضل يلحك وراها...

الى ان اخو هاي البنيه...ضرب هذا الرجال..

وصارت فصليه اله..

بالبدايه..مابيها اي انحراف..

بس من تزوجو....اول شي اغتصبها...وثاني شي..كامت تحجي اشياء اخجل اكولها...

بحيث حته بلغت عليها....ولعنتها هوايه...

ليش جرتنه للقصه....وتطلع كلها فساد في فساد...

لاا....وطبعا...مايحله الاغتصاب من دون حب...

اول شي البنيه برئيه....ذات الشفاه الكرزيه والعيون الخضراء...وذات الشعر القصير او اطويل...وذات الخدود الرمانيه...وذات الخشم الخياريه...

همه بالاول يلغون هوايه....

يجي الرجال....يموت عليها...وهيه ماتقبل بي...

يجي ويغتصبها...

لا الي يخرب من الضحك...

هو تحبه بعد الاغتصاب...

ولجن بابا..تعرفن شنو اغتصاب...ماكو هيج شي..يغتصبوها وره شهر تكوم تحبه...

يربي عقوليه هالمراهقات هايه....