أحْببتُكَ بِصدق ♥(جاري تعديل السرد)

البارت(19)🖤

مر يومين علي ابطالنا....
كانت تتحسن حاله روان تدريجيا وكان حوده معاها لم يتركها ثانيه واحده وكذلك عائلتها....
ونورين اتحبست اسبوعين بعد ما دفعوا كفاله ومضت علي عدم التعرض فإتخفف الحكم من عليها
عمر ومريم حددوا ميعاد كتب الكتاب وهيبقي بعد الامتحان وطبعا والدها مكنش موافق لكن لما شاف ان عمر عايزها بجد وافق....
وفي يوم من الايام....
كانت غرام تتسوق في الماركت لتجلب اشياء لوالدتها....
غرام:بقولك اي يا عمو اطلع بالجنيه....
البائع:معييش فكه تاخدي لبان....
غرام:خالي البان دا ليك انا عايز الجنيه بتاعي....
وفي نفس اللحظه دخل ياسين الماركت....
ياسين:سلام عليكم....
البائع:وعليكم السلام....
غرام:هات الجنييه بتاااعي....
البائع:يرضيك كده يا باشا عايزه جنيه والناس اتفرجت عليا وبقولها خدي بيه لبان مش راضيه....
غرام:وانت بتقوله لي يعني بقولك اي هات الجنيه ولا اعمل الي متعملش....
البائع:خدي وربنا ما بيعلك حاجه تاني....
كانت غرام تنظر الي مصاصه بالفراوله اول مره تشوفها....
غرام:اولا اسمها اتفضلي ثانيا المصاصه دي بكام....
البائع:بجينه....
غرام:هاتها وحلال عليك الجنيه يا عم....
كان ياسين يتابع الموقف وهو يضحك علي طفوليتها وعلي طريقتها في الكلام....
غرام:تسلم وخرجت....
البائع:الجيل دا طالع لاسع علي الاخر....
ياسين بضحك علي شكل غرام تشبه علبة الكنز الا حد كبير:....هات ياعم اتنين بيبسي....
البائع:حاضر....اتفضل....
ياسين:شكرا....
وذهب....
في طريق غرام طلع واحد من الشباب الصايعين ومسك ايدها....
الشاب:الا الجميل رايح فين....
غرام:اقولك راحه فين ولا تزعلش....
الشاب:وانا اقدر ازعل بردوا من المزه دي....
غرام:ياسطا المزة دي تبقي امك....
الشاب:لمي نفسك يا بتتتت....
غرام:لما تلمها انت الاول بروح امك....
ثم ضربتة في معدته....
(ابطال الروايه دول جامدين اوي اوي😂🙂)....
الشاب:ااااه....شكلك مش بتيجي بالساهل....وجاي يضربها قلم لكن اوقفه ياسين....
ياسين:اي يا شبح هتعمل ايه....
الشاب:وانت مالك وسع كده....تعالي يا بتتتت معايا هديكي الي انتي عايزاه....
ياسين:لااااا دا انت عايز تضرب....
وقام بضربه ولكمه في وجه عندة لكمات ضربه بكل قوة....
وكانت غرام تقف مبهوره وكل ما تقوله:اديلو اديلو يا معلم....
ياسين:عارف لو شفتك هنا تاني....هطلع ميتين*....
الشاب:ان شاء الله مفيش تاني يا باشا....وفر منه سريعا....
رجع ياسين الي غرام وقال لها:انتي كويسه....
غرام:ايوه انت كويس....
ياسين:ايوة....
غرام:شكرا....
ياسين:العفو....دا واجبي....
غرام:اي دا لحظه واحدة هو انت الي كنت عايز توصلني يومها....
ياسين:اه انا ازيك....
غرام:مممم الحمدلله....
غرام:سلام....
ياسين:طب اوصلك....
غرام:عارفه طريقي سلام....
ياسين:سلام....
اتجهت غرام سريعا الي بيتها....
غرام:الحاجه اهي يا ماما....
الام:ماشي....
دخلت غرام الغرفه....
غرام في نفسها:في اي يا بتتتت كل شويه اما تشوفيه قلبك يدق كده لي....يكنش بيدعي عليا....اه والله ممكن.....اكل المصاصه بقي....
موده وعمار تقربوا من بعضهم واصبحوا اصدقاء لكن مودة لحد الان يشغل تفكيرها حودة....
وذهبوا معا لزيارة روان في المشفي....
موده:الف سلامه عليكي يا روان....
روان:الله يسلمك يا حبيبتي....
عمار:الف سلامه عليك ارورو....
حوده:انت بتدلعها قدامي....طب استناني اما امشي....
عمار:اي عادي دي رورو عادي يعني....
حوده وهو يمسك ياقة القميص تبع عمار بمرح:اطلع برا ياض....
عمار:اهدي يا كبير هتتهور ولا اي....
روان:خلاص هتتشكلوا....الله يسلمك يا عموره....
حوده:اي يا روح امك....
روان:اي هتضرب ولا اي يا خطيبي....
عمار بضحك:طب نمشي احنا بقي....
خرج عمار وموده من الغرفه وكانت موده حزينه الا حد ما....
حوده:كنت بتقولي اي....
روان:اي يا حوده يا خطيبي شكلك يخوف اوي يا مااماا....
حوده:عارفه لو قولتي كده تاني هعمل فيكي اي....
روان:هتعمل اي يعني....انا كنت بهزر معاكي ياختي يا حلوه انتي كانت تقول وهي تمسك خدوده....
حوده:ايوه كولي بعقلي حلاوه بهبلك دا....
روان:لا بحب المربي....
________
عند مريم
وكان وراها امتحان....
عمر:ذاكرتي يا اخرة صبري....
مريم:اه سمعلي كده....
عمر:هاتي....يلا قولي....
مريم:....
عمر:قولي يلا....
مريم:طب طب قول اول حته كده وانا هقولك الباقي والله العظيم....
عمر:وانتي في الامتحان هتقولي كده يعني....
مريم:لا....هات اراجع تاني....
وهنا كان الامتحان علي وشك الابتداء....
عمر:يلا روحي لا اله الا الله....
مريم:سيدنا محمد رسول الله....
دخلت مريم الامتحان....
وقعدت تبص للورقه وتجيب فيها يمين وشمال....
مريم:هو احنا اخدنا دا في المنهج....
قعدت تبص للورقه ومش فاهمه حاجه....
وبدأت تفكر في عمر وتهزقه وتقول انه مش بيحبها وهو مش مهتم بيها(اللهم صل على النبي الهرمونات اجت في الوقت الغلط يا مريوم😂😂🙂)
جاء المراقب عليها وقال:مش بتحلي لي يا انسه....
مريم وهي تفكر في عمر وفي الماضي:واي الفايده لما احل....
الدكتور:هتنجحي....
مريم:واي الفايده لما انجح....
الدكتور:هتروحي سنه تانيه وبعدين بقي ربنا يكرمك وتتخرجي وتفرحي اهلك....
مريم:وانا مين يفرحني....
الدكتور:اي دا في اي....
رمت الورقه علي الارض وقالت:رد عليا انا مين يفرحني....
الدكتور:وعهد الله معرف....
مريم:ولما انت متعرفش بتتدخل في حياتي لي....
الدكتور:انا اسف....
مريم:بتصحي اوجاعي وتقولي اسف....
مريم:ملعون ابو الحب....
الدكتور:في اي يا انسه انتي ملبوسه ولا اي....
مريم:هلقيها من الامتحان ولا من عمر انا قرفت....
الدكتور:عمر مين....
مريم:خطيبي
الدكتور:خدي ورقتك اهي يا....مريم....وركزي في امتحانك احسن....
مريم:تعرف ان عمر عمره ما جبلي الماس زي اسلام جاب لليان....
الدكتور:اسلام مين....
مريم:بطل الرواي الي بقرأها....
الدكتور:طب وانا مالي....
مريم:انت مين اصلا وبتتلكم معايا ليه....
الدكتور:انا مراقب الماده....
مريم:ماده اي....
الدكتور:الماده الي حضرتك بتمتحنيها....
مريم:اي دا هو انا بمتحن....
الدكتور:اه....ركزي في مستقبلك مستقبلك الي هينفعك....
مريم:صح يا دكتور انت صح....
الدكتور:يلا حلي....
مريم:طب انا مش عارفه حاجه ده اصلا شكله مش من المنهج....
الدكتور:مريم انتي صعبتي عليا اوي....
مريم:اه والله يا دكتور انا غلبانه و....
الدكتور:طب خلاص قطعتي قلبي....
مريم وهي تمثل البكاء....
الدكتور:طب استني....هاتي الورقه....
مريم:اي دا لية....
الدكتور:انتي قاااعده ترغييي معااايا ومش بتحلي هاتي الورقه واطلعي براا....
مريم:في اي يا دكتور انت قلبت كده لي....
الدكتور:هاتي الورقه واطلعي براااا....
مريم:خلاص يا دكتور ونبي اخر مره....
الدكتور:حلي يلا....
وذهب الدكتور بعيد....
مريم:ربنا ياخدك داك سل يسلك وانت عامل زي وشوشني كده....
اروي بضحك:الله يخربيتك مش قادره همووت....
وكذلك ضحكت ملك....
مريم:ونبي غشيشوني....
ملك:طب قولي....
مريم:السؤال الاول....
ملك:ماله....
مريم:بيسلم علي امك هو اي الي ماله....
الدكتور:في صوت هناك لي....
مريم:....
ذهب الدكتور بعيد مره اخري....
مريم:قولي بقي....
املتها ملك الاجابه بسرعه....
مريم:اخر سؤال....
اروي:ماله....
مريم:تعبان شويه....اخلصي....
املتها اروي الاجابه سريعا....
اروي:عايزه الاختياري....
مريم:لا لا دا الاختياري دا لعبتي....
ملك:هتحليه ازاي يعني....
مريم:حادي بادي وهي حادي بادي اخترعت لي عشان الامتحانات السوده الي زي دي....
الدكتور:في صووت هناااك وشكلي هطرد....
مريم:اشوفكوا مزنوقين في امتحان الاخره زي ما انتوا ما زنقينا في امتحانات الدنيا كدا يا بُعدا....
اكملت مريم الامتحان وخرجت وكان ينتظرها عمر....
عمر:عملتي ايه....
مريم:مخلصه اول واحده اصلا دا سهل دا....
عمر وهو يمسك الورقه:مممم طب عملتي الاختياري اي....
مريم:حادي بادي....
عمر:اي....
مريم:عملت حادي بادي كده واخترت الاجابه....
عمر:بجد
مريم:اه والله....انا احب اشكر صاحب فكره حادي بادي اللي ساعدني إني اخد اهم قرارات حياتي....وفي الامتحانات بردوا....
عمر:قدامي يا فاشله....
________
خرج عمار وموده من المشفي وكانت مودة صامتة....
عمار:موده مالك....
موده:مفيش....
عمار:مش احنا قولنا ننسي الي فات اعتبريه ماضي خلاص بقي....
موده:مش قادره انساه....
عمار:عارف انو صعب عليكي بس اقعدي مع نفسك كده هتلاقيه مجرد اعجاب صدقيني....
موده:شكرا يا عمار علي وقفتك جنبي....
عمار:دا واجبي يا مدمد....تعالي بقي اعزمك علي حاجه....
موده:اشطا....
________
عند بسنت
الشاب الذي كانت مرتبطه به:انا مش هقدر اكمل....
بسنت:ليه انا عملت اي....
الشاب:انا مش بحبك....
بسنت:ازاي ازاي يعني انت بتهزر صح....
الشاب:لا انا مش بهزر انا كنت فاضي ومش لاقي اعمل حاجه ولقيتك جايه سكه في قولت العب بيكي شويه....(اية البجاحة دي يلا)
بسنت:انت انت ازاي تعمل كده....انا حبيتك بجد
الشاب وهو يطبطب علها ببرود:معلش معلش....
دفعت بسنت يده....
الشاب:انتي ازاي تصدقي الكلام دا يا قطه معلش اضحك عليكي سلام....
ومشي....
بسنت ببكاء:انا الي غلطانه اني كلمت وامنت لواحد زيك....
مشت وهي تبكي بشده....
وهي في طريقها الي البيت اصتدمت بس شخص وكان علي....
بسنت:انا اسفه....
علي:في اي يا انسه بتعيطي لي....
بسنت:م...مفيش....
علي:لو سمحتي قولي ممكن اقدر اساعدك...
بسنت وهي تعلم ان لن احد يسمعها من عائلتها او اصدقائها لانها تعلم انها مخطئة كما انهم انهوها عن هذا الشئ من قبل:حبيبي سااابني....
علي:....
بسنت:ب....بيقولي انوا بيلعب بيا وانا كنت لعبه بالنسباله وبيتسله بيا....
علي:....
بسنت:انا مش قادره اصدق....هو كان بيقولي انو بيحبني و...و....
علي:اهدي يا انسه تعالي اقعدي....
كانت بسنت تبكي ومنهاره بشده....
علي:اسمه اي....
بسنت:م..محمد....
علي:محمد اية....
بسنت:محمد علي الذاهد....
علي:محمد علي الذاهد....ابوه عنده مصنه كبير للقماش....
بسنت:ايوه انت تعرفه....
علي:ايوه....
بسنت:لحظه واحدة انت زميل روان في الشغل....
علي:ايوه....بصي....انتي الي غلطانه انك امنتي ليه لو كان بيحبك كان جه اتقدملك....
بسنت:دا الي قالتهولي روان بس بس هو قالي انو بيكون نفسه....
علي:بيكون نفسه وابوه عنده مصنع كبير للقماش....
بسنت:هو قالي انو مش بيحب يعتمد علي حد....
علي:انا هتصرف بس اوعديني انك متثقيش في حد بسهوله.....وكمان انتي غلطي انك حكيتيلي ممكن اعمل انا زيه وتبقي غلطانه لو سمعتي كلامي انا شخص كويس ممكن تسألي روان وهي تقولك واستحاله العب ببنات الناس....احنا ممكن نبقي صحاب علي فكره....
بسنت:وانا ات...اتشرف بمعرفتك بس زي ما قولت انا مش هثق في حد تاني بسهوله....
علي:براااافو عليكي هو دا....
ضحكت بسنت بخفه....
علي:الا اسم للجميل اي....
نظرت له بسنت....
علي:لا انا مش بشقط لا والله....
بسنت بضحك:اسمي بسنت....
علي:محسوبك علي....
بسنت:اهلا يا علي انا لازم امشي دلوقتي عشان متأخرش....
علي:ماشي اوصلك....
بسنت:عارفه طريقي....باي....
ومشيت....
علي:ماشي يا محمد يا ذاهد وحيات امي ما هسيبك عشان مره تضحك علي اختي وبعدين تضحك علي بنات الناس وربنا ما هسيبك....
ثم رفع هاتفه وتحدث الا شخص ما....
علي:محمد الذاهد يكون عندي في الجراش ماشي....
الشخص:في اي ياسطا عايزه لي....
علي:اعمل الي بقولك عليه بس يا ممدوح....
ممدوح:ماشي....
وقفل معاه وذهب....
________
عند ام نورين
ام نورين:رايح فين....
ابو نورين:سايب البيت ورايح في داهيه....
ام نورين:وسايبنا كده وبنتك في السجن....
ابو نورين:حطي بنتك مكان البنت الي كانت هتموت كنتي عملتي اي ابوها ولا امها عاملين اي دلوقتي ها انتي مش بتحبي غير نفسك وبنتك زيك عمرك ما فكرتي بلي هتعمليه دا هيأذي الناس ولا لا.....وانا متأكد انها عملت كدا عشان حوده خطبها ومتأكد انك متفقه معاها من ساعة ما خطبها.... للدرجادي الغيرة توصل لكدة....
ام نورين:انا معماتش حاجه ولا بنتي....
ابو نورين:لو بنتك معملتش حاجه كانت طلعت من السجن مش محطوطه فية علي العموم هي كلها اسبوع وهتطلع وانا مش عايز اشوفها سلام....
ومشي....
ام نورين:ليه عملتي كده يا نورين ليه....متوصلش لكده انك تسميميها....
________
عند روان
كان حوده قاعد بيتفرج علي فيلم هو وروان....
روان:متعرفش انا هخرج امتي انا زهقت....وقامت من علي السرير....
قام حوده بسرعه واتجها نحوها وحملها وقال:انا لو كنت قاعد مع طفله كانت سكتت اترزعي هنا...
روان:يا عم زهقت طهجت عايزه اخرج....
حوده:اقعدي اتفرج عي الفيلم حلو....
روان:طب بقولك اي تعالي نلعب شايب....
حوده:هو نموك العقلي وقف لغايت عشر سنين....
روان:اه اذا كان عجبك....
حوده:المشكله انك كلك علي بعضك عاجبني....
روان:بس بقي بأُحرج الله....
حوده:اي دا انتي بتتكسفي يالهوي دا احنا بقينا اخر الدنيا خلاص....
دخل الدكتور وقال:انتوا ناويين تقدوا شهر العسل هنا ولا اي....
روان:شهر عسل اي احنا مخطوبين....وبعدين مش انت الي قايل اني اقعد هنا لغايت ما تتحسن حالتي....
الدكتور:انتي حالتك زي الفل بس حوده بيه هو الي عايزك تقعدي في المستشفي انتي اصلا من المفروض تروحي من يومين....
روان:لا والله....
الدكتور:اه والله....
روان وهي تنظر الي حوده وهو كان ينظر الي السقف....
روان:الكلام دا صح....
حوده:هفهمك....
روان:اه معاك معاك....
حوده:انا مش بشوفك غير في الشغل وكنت عايز اشوفك واقعد معاكي كتير....
روان:طب يلا عشان عايزه اروح عشان متغاباش عليك....
حوده:تتغابي علي مين ياما....
روان:مش علي حد يا خطيبي....
حوده:ايوه كده اتعدلي....
روان:هو مين الي المفروض يتعصب يلا بجد عايزه اروح....
حوده:يلا....
جهزوا اشيائهم ووصلها البيت....
وذهب حوده هو الاخر الي بيته.................يتبع🖤

صلوا على النبي ﷺ♥️
وتصويت وكومنت في رأيك
بحبكوا🖤