أحْببتُكَ بِصدق ♥(جاري تعديل السرد)

مشكله🙂البارت(31)🖤

جماعه حصلت مشكله في البرنامج وعلق معايا واتسمح الجزء الثاني....انا هنزل البارت الاول من الجزء التاني هنا وبإذن الله اشوف حل للمشكله....
روان:بجد....
حوده:اه والله....معقول يكون بيتاجر في المخدرات....
ياسين:لا ياعم انا عارفه....اكيد تشابه اسماء....
الفتاه:تشابه اسماء ايه هو احمد المهندس....
روان:انتي اسمك اي....
الفتاه:داليا يا اوخا وانتي....
روان:اوخا احنا في كباريه ياما ولا اي فوقي....
الفتاه:انتي جاهله اوي علي فكره اسمه نايت كيلاب....
روان:معلش غلط في وزاره الداخليه....
حوده:طب وانتي اي الدليل الي عندك....
داليا:هو بيقولي كل حاجه....وكمان انا مره سمعته دا بيشربها وبيتاجر فيها....
روان:يا سلام القضيه اتحلت كده في ثواني....
ياسين:بس يا روان احنا لسه متأكدناش....
روان:شاهده اهي يا عم....
ياسين:مع كل الاحترام للمزه....اااا....قصدي الشاهده بس ممكن بتتبلي عليه....
حوده:وهي هتعمل كده ليه يابني....طب معاكي صوره ليه طيب اي حاجه....
داليا:استني اشوفلك....
وفتحت حقيبتها ومسكت هاتفه واخذت تبحث عن صور لاحمد....
داليا:اهي....هو دا....
حوده:هو يا ياسين....
ياسين:طب هو بيجيلك امتي طيب اي الاماكن الي بيروحها علي طول....
داليا:لا بص مش عارفه هو بيجيلي كل يوم بس انا سمعته هيروح يقابل واحد اسمه زياد ولا اياد....ياختي مش عارفه اي الاسامي دي....
روان:....طب اتفضلي حضرتك معايا....
داليا:ليه ياختي انا راحه شغلي ورايا نمره....
وهنا دخل اللواء....
القوا الثلاثه التحيه وقالوا:تمام يا فندم....
اللواء:مين القمرررر دي....اااا....قصدي مين دي....
داليا:محسوبتك داليا هيهييهي وانت....
اللواء وهو يضع يده على صدره ويحكه:محسوبك سعيد....
داليا:يجعل ايامك كلها سعيده يا سعيد هيهيهيهي....
اللواء:بقولك اي....ما تيجي اوريكي مكتبي....
داليا:اجي يا خويا مجيش ليه....فتوكوا بالعافيه....
حوده وهو ينظر الي ياسين:عاجبك كده اهو اخدت المزه....اهي كانت مطريه القاعده....
ياسين:مكنتش اعرف ان اللواء شقي كده دا اخدها كده هوا علي طول مخدتش في ايده ثواني....
حوده:خبرة سنين بقي يا جدع....
اما روان كانت مصدومه مما حدث منذ ثواني....
حوده:روان....روان....هل تسمعني....حول....يااااا بتتتت....
روان:في اي....
حوده:مصدومه من اي كده....
روان:مصدومه من الي شوفته ولا دا بالنسبالك عادي....
حوده:يا ستي دا انتي مش في الدنيا....اول ما الراجل من دول يبقي معندوش شعر زي سعيد باشا بيبدأ يعمل كده متخديش بالك....
روان:والي عنده شعر وحياتك بردوا عينه زايغه وممكن اعميه في يوم....
حوده:احم....لا مش قصدي يا قلبي والله انا بردوا ابص لدي وانا معايا ست البنات....
روان:ايوه كل بعقلي حلاوه كل....
ياسين:حلاوه اي دي مربي وبالتين كمان....انا رايح اشوف الراجل دا بدل ما نتمسك اداب هنا....وخرج....
حوده:انا بردوا ابص لي دي انا بهزر وانتي عارفه اني بحبك انتي وبس وانك ماليه عنيا وملكتي يا ملكه قلبي وكياني....
روان:اقولك علي حاجه....عاكسها براحتك بدل المحن دا....
حوده:امشي يا روان بدل ما اكسر دماغك....
روان:بحبك....
حوده:وانا بعشق امك....اما ياسين....
فقد خرج وذهب الي مكتب اللواء....وطرق الباب ثم فتحه....
ياسين:اي يا سعيد مش كبرت علي الحاجات دي.... بردوا اومال احنا نتعلم من مين بقي....
اللواء:اخرج برا يا ياسين....
داليا:لا انا همشي بقي عشان ورا شغل....
اللواء:شغل اي الي يشغلك عني....
داليا:اي دا انت زعلت لا مقدرش علي زعلك....وقامت بتقبيل خده الايمن....
ياسين:عادي كده....طب وربنا لاقول لمراتك يا سعيد....
اللواء:لا وعلي اي علي اي اتفضلي يا انسه برا....
داليا:بقي كده يا سوسو....
ياسين:سوسو!!!!....عشت وشوفتك كده يا ريس سوسو....
اللواء:ولا دودو الي تقولها بس....
ياسين:دودو كمان....انا اي الي موقفني انا هروح اقول لمراتك.....وخرج....
اللواء:قول للتقوله هو انا هخاف....ذهب ياسين الي مكتبه....
حوده:اي الي حصل....
ياسين:وربنا لاتصل بمراته....
حوده:وانت محموق اوي كده ليه....
ياسين:اخدها مني ياعم....
حوده بضحك:....متتصلش لان لو اتصلت ممكن نترفد احنا....
روان:انا هروح اشوفه انا....
حوده:ماشي....ذهبت روان الي اللواء....
وفتحت الباب....
روان:اجيبلكوا لمون هنا مادما انت مش عارف تاخد راحتك يا ريس....
داليا:مالك يا بتتتت انتي مش طايقه نفسك ليه يابي....
روان:مين الي بتتتت....
داليا:انتي يا اوخا!!!!....
روان:طب يلا من هنا عشان محطلكش كلبش حلو كده علي ايديكي....يلااااا....
خافت داليا....وخرجت بسرعة....
روان:كده وانا الي اقول عليك هادي وحكيم فالح بس تشخط فينا وتزعقلنا بس اخص عليك....
اللواء:يلا يا بتتتت من هنا.....
روان:حاضر حاضر....
وخرجت وذهبت مره اخري الي المكتب....
حوده:خرجتيها....
روان:عيب عليك يابني....
ياسين:طب مجبهاش هنا ليه يا روان....
روان:انا مش عارفه ايه الي شدكوا ليها والله ما فاهمه....
حوده:هي عشان احلي منك هتقولي كده بقي....
روان وهي تمسك ياقت قميصه بغضب:مين الي احلي من مين ياض كده سامعني كنت بتقول اي....
حوده:كنت بقول انك احلي واحده شوفتها في حياتي يا ملكه جمال الأرجنتين.....
روان:ايوه كده اتعدل اتعدل....
ياسين:ايه يا كوتش....
حوده:لا مفيش بس هي كانت بتتعدلي القميص بس احم اقعد انت متشغلش بالك....بعد شويه....
حوده:يلا عشان اعزمك علي السينما....
روان:لا.....مزاكي اتعكر....
حوده:يا روان انا بهزر وانتي عارفه....انا عمري ما ابص بواحده غيرك انتي حياتي وكل حاجه فيا انتي ماليا عيني وماليا حياتي يا ملكتي....
ياسين:الله....اي الحلاااااوه الله عليك يا حبيب والديك....
روان:اقعد ياض....
ياسين:احم حاضر....
روان:اتفضل قدامي....
حوده:عنيا....
قاموا وذهبوا متجهين الي السينما....
ياسين:وانا بقي محدش هينكد عليا ولا اي ولا انا هفضل كده انا زهقت....
بعد شويه وصلوا السينما....
________
عند مريم
مريم:وربنا مش قاعده ورا اتصرف بقي....
عمر:يا بنتي قدام بيبقي غالي وانا مش معايا دلوقت.....
مريم:ما انا كده مش هشوف....
عمر:طب جربي....لمتي عليا الناس يخربيتك.....
قعدت مريم بتذمر....
عمر:....
عمر:تعالي يا مريم اقعدي قدام....
جذبته مريم بجوارها وقالت:حته لو هفضل واقفه بس معاك ميهمنيش....
عمر:يعني انتي مش زعلانه انك تقعدي قدام....لو انتي عايزه اقعدي وانا هتصرف....
مريم:لا يا قلبي انا مش عايزه اقعد قدام كفايه انك عايز ترضيني عشان مكونش زعلانه....
عمر:انا بحبك وبعشقك وبموت فيكي....
مريم:وانا بعشق امك يا مووووز المزاميز انت....ضحك عمر...وهنا دخل حودة وروان....ولمحهم عمر....
عمر:انتي عازمه العيله بقي انتي جيباهم ليه....
مريم:مين....
عمر:حوده وروان هنا....
مريم:بجد الله دي هتبقي خروجه حلوه اوي....
عمر:خروجه حلوه اي دول جايين علينا....انا كده مش هعرف ابوس....
مريم:ايه!!!!....يعني انت مقعدني ورا ومش عايز حد يجي عشان تبوس اه يا وقح....
عمر:انتي لسه شوفتي وقاحه....بقولك اي استخبي بدل ما يشوفونا....
وهنا رأي حوده عمر ومريم....
حوده:عمر ومريم هنا انت قولتلهم انك رايحه هي حفله....
روان:بجد....انا مقولتش لحد علي فكره هقول ليه وبعدين انت مضايق ليه....
حوده:لا خالص مفيش حاجه تعالي نروحلهم....
روان:يلا....وذهبوا إليهم....
حوده وروان:ازيكوا يا عيال....
عمر:اي دا اهلا ازيكوا عاملين اي ايه للي جابكوا هنا....
حوده:انت جاي هنا ليه....
عمر:عشان ات....
مريم:عشان يبوس قليل الادب....
روان:بسم الله مشاء الله تبارك الله....دا في حد هيموت انهارده....
عمر:مهو حوده جايبك بردوا عشان كده....
نظر حوده الي السقف....
روان:واضح ان احنا وقعنا في باد بوي يا مريم....
مريم:هو في احلي من الباد بوي وحلاوه الباد بوي....
حوده:شايفه اختي اتعلمي بقي اتعلمي....
وبعد مناقشتهم ابتدي الفيلم....جلسوا علي المقاعد الموضوعه....كان الفيلم رومانسي ودراما....كانت مريم قاعده تعيط....
مريم:ازاي يعمل كده....
عمر:اهدي يا مريم دا مجرد فيلم يا حبيبتي....واحتضنها....
روان:اه انت من النوع الي بيبوس في الزحمه احنا مش في الميكروباص هنا نزل ايدك ياض....
عمر:ح.حاضر....
حوده:انت مش بتعيطي ليه زي اختك....
روان:اعيط علي ايه الي انت جايبني ليه دا....
وهنا كان شخص يجلس امام روان وحوده....والتفت لهم....
الشخص:انتي معندكيش دم ازاي دا فيلم رومانسي في احاسيس ومشاعر ازاي متعيطيش....
روان:مين الي مش عنده دم سامعني كده....
الشخص:انتي اي هتضربيني....
حوده:لا انا الي هضربك يا روح امك....انت بتشتمها عيني عينك كده....
روان:انا هسيب الرجاله ترد عشان انا لو اتكلمت هقل منك وهيبقي شكلك وحش لما بنت تقل منك في هخلي الرجاله ترد احسن....
حوده:انت حيوان....
الشخص:وانت مالك انا بكلمها هي....
حوده:انا جوزها يا حيوان....
الشخص:جوزها....
حوده:ايوه جوزها عندك شك في كده....
الشخص:انا اسف يا فندم بس مراتك يعني المفروض....
حوده:وانت مالك انت جاي هنا تتفرج وبس ملكش دعوه بالناس دي حاجه تقرف....
الشخص:انا اسف....وجلس....
حوده:اي رأيك....
روان:انت زودتها يعني احنا لسه اتجوزنا يابني....
حوده:قريب ان شاء الله ياروان ولو مش موافقه هيبقي غصب عنك....كملي الفيلم وياريت تعيطي عشان احضنك كل الناس حاضنه في بعض اهي وقاعدين يعيطوا....
روان:اعيط علي اي اي المحن دا....دموعي مش عايزه تنزل....
حوده:كملي الفيلم يا روان كملي....بعد نهايه الفيلم....خرجوا....وكانت مريم تبكي....وعمر يهدأها....
روان:انتي بتعيطي علي اي يا مريم....علي المحن دا....
حوده:يا بنتي كل البنات بتعيط ماعدا انتي....كله قاعد يحضن ماعدا انا.....
روان:اتلم....وبعدين اي الي اعيط علشانه كله محن في محن المفروض البطل كده يخدلة غزه في بطنه عشان البطله يموت او حاجه ابقي اعيط الا دا كل شويه يبوسها ويقولها انتي روحي وعمري وقرف وتلزيق طول الفيلم....
مريم:انا مش بعيط علي كده يا روان....
روان:اومال بتعيطي علي اي.....
مريم:الفشار بتاعي عمر اكله كله....
عمر:نعمممم يا روح امك....انتي بتعيطي عشان كده وانا قولت انك مرهفة الحس واني اخترت صح....احنا اضحك علينا يا ابو حوده....
مريم:يعني اعيط علشان ايه فين الدراما فين الاكشن كله تلزيق المفروض البطل يخدله 25 غرزه كده ولا حاجه ولا يضرب بالنار كده يعني دراعه يتقطع....
حوده:احنا اخدنا ناس من المدبح ياسطا....
عمر:اه والله انا بقول نرجع البضاعه دي احنا اتغشينا....احنا نروح نشوف من برا....
مريم:تشوف فين ها تروح تشوف فين دا انت ليلتك سوداااا ومش فايته انهارده....
حوده:انت الي جيبته لنفسك....
عمر:حبيبي انا بهزر انا اقدر بردوا ابص برا ومعايا حرمي المصون بقي ازاي....
مريم:ايوه كده اتعدل....
حوده:وانا بقي مش هقولك يا حرمي المصون بقي....
روان:عايزه انااااام....
حوده:كل شويه يا جعااااانه يا عايزه انااااام....قداااامي....ضحكوا جميعا....
ركبوا كل منهم سيارته وانطلقوا الي بيوتهم....
روان:هنعمل اي في المهمه....
حوده:عمار راح يشوف الحوار وهيعمل تحريات علي الموضوع ويقولنا....
روان:مش عارفه شامة ريحة كمكمه كده وحاسه ان الموضوع كبير اوي....
حوده:وانا كمان....ربنا يستر....
روان:يارب....وصلوا البيت....
حوده:طب مفيش بوسه طيب اي حاجه....
روان:روح يا حوده عشان مطلعش الشرشوحه الي جوايا واخلي الي ما يشتري يتفرج عليك وهخلي العيال يركبوك حمار ويحدفوك بالطوب....
حوده:قد اي انتي بتحبيني دي بتعشقني بجد....ربنا يحفظك....
روان بضحك:سلام....
حوده:سلام يا قلبي....
________
عند علي وبسنت
بسنت:شكرا يا علي انك جيت....
علي:متقوليش كده انتي تؤمريني بس....
بسنت:ربنا يخليك....
علي:طب اركبي بقي لان العربيه محتاجه تصليح جامد....هوديها للمكانيكي اتفضلي اركبي....
بسنت:ماشي....وصعدوا الي السيارة....
حل الصمت المكان....
علي:ما تقولي حاجه بدل السكوت دا....
بسنت:اقول ايه....
علي:لا إله إلا الله....
بسنت بضحك:سيدنا محمد رسول الله....
علي:اي حاجه....طب اقولك تعالي نسأل بعض....اي رايك....
بسنت:ماشي....
علي:اسألي....
بسنت:لا انت الاول....
علي:ماشي....اي مواصفات فتي احلامك....
بسنت:الي يجيبه ربنا كويس....
علي بضحك:ونعم بالله العلي العظيم....
بسنت:اصل الموصفات دي مش موجوده في مصر....
علي:ليه انتي هتتجوزي من المريخ ولا ايه....
بسنت:ياريت نفسي اسيب الدنيا واطلع اعيش في المريخ مع غرام و استاذ عنبه والصحبه الكريمه....
علي بضحك:يا بتتتت هتشيليني....اي مواصفات الزفت الي هيتنيل يتجوزك....
بسنت:طب براحه طيب....عايزاه واحد من بي تي اس لو كان ينفع اجوزهم كلهم هااااح....ياسلام علي جين وجمال جين يخربيت جمال امه....وشوقا دا بقي مز المزز بجد موز موز يعني....هااااح ار إم هو في احلي من ار إم وجمال ار إم انا عايزه كلهم....
وقف علي السياره وقال:انزلي يا بسنت....
بسنت:في اي ياسطا....
علي:بقولك انزلي بجد عشان معملش تصرف ميعجبكيش عايزه تتجوزلي من بي تي اس شويه شواذ....
بسنت:لااااا كله الا دا متغلطش فيهم لااااا انا اعترضت....
علي:انزلي يا بسنت....
بسنت:هتسيبني انزل في نص الاستروت لوحدي في عز الصن كده....
علي:استروت وصن لا انزلي بجد....انزلي....
بسنت:في اي يا عم....انت مش فاهم انجليزي يعني طب ما تقول كده ماتتكسفش....
علي:لا هو انا مش فاهم ومستعجب يعني....انتي قولتي انك في كليه اي....
بسنت:السن....
علي:مممم السن والانجليزي بتاعك كده....
بسنت:اومال انت فاكر اي الالسن دي مش بيدخلها الا الناس الهاي كده الي زيي....
علي:زيك اي يا معفنه انتي دا انت لابسه كوركس خليني ساكت....
بسنت:ماله الكوركس بتاعي يلا ماله لونه احمر وجميل اهو انت بس عشان غيران مني سوق خلينا اروح لسه ورايا ترويق وبلاوي سوده....
علي:ماشي انتي عليكي الدور اسألي....
بسنت:اي مواصفات فتاة احلامك....
علي:كان في واحده في دماغي بس هي بتحب ناس تانيه ياريت مكتفيه بواحد....
بسنت:تؤ تؤ تؤ اي البنت دي لا دي صايعه بقي....
علي:شوفتي نفسي اقولها كده لكن استحي....
بسنت:طب اسأل....
علي:انتي حابه تتجوزي ولا لا....
بسنت:اكيد اه كل بنت اكيد عايزه يعني....
علي:طب انتي حابه تتجوزي ليه....اكيد في سبب....
بسنت:بص انا هقولك بس ماتتضحكش عليا....
علي:قولي....
بسنت بشرح وتمثيل بيدها:انا نفسي اتجوز عشان نقعد علي السفره واقوم فجأه اشمر الكمام واقسم الفرخه نصين والخوايش تقعد تخشتخشتخش كده وانا بقوله كل يا حبيبي ورم عضمك هيهيهي ويقوم مشتكيلي من مشاكل الشغل اقوم قايله ونبي يا خويا متشغلش بالك حسك عندي بالدنيا هيهيهيهي بردوا.....
وهنا انفجر علي من الضحك....
بسنت:انت قولت انك مش هتضحك عليا....انا نزله....وفتحت السياره....
فمسك علي يدها وهي يضحك وقفل الباب....
بسنت:يوووو متضحكش بقي....
علي:انا مش بضحك....مش قادر....
بسنت:طب سيبني بقي انا نازله....
علي:خلاص خلاص اهو....احم....
بسنت:وربنا لهخاصمك....
علي:لا خلاص خلاص....طب سؤال تاني....
بسنت:اتفضل....
علي:انتي بتقولي عايزه تتجوزي من بي تي اس دول هتعملي معاهم كده....
بسنت:محسسني انهم معايا دلوقتي....
علي:انتي بتتفرجي علي الحاج متولي كتير صح....
بسنت:ماخلاص بقي يا علي بقي وربنا هنزل....
علي:خلاص....اسألي....
بسنت:طب انت عايز تتجوز ليه....
علي:بصي هو مفيش سبب محدد....بس عشان الطش ولادي في الراحه والجايه اطلع الي كان بيتعمل فيا....ضحكت بسنت....
علي:ضحكتك حلوه علي فكره....
بسنت:شكرا....و.و.وانت كمان....
علي:وانا اي....
بسنت:ض.ضحكتك حلوه....
علي:تسلملي العيون الي شافت ضحكتي....ضحكت بسنت وكذلك علي....
وبعد ذلك وصل الي منزلها....
________
في الصباح
عند اروي....
استيقظت اروي وذهبت الي الحمام اخذت حمام ساخن واتوضت وصلت فرضها وبعد ذلك قامت بإرتداء ملابسها👇👇