لكل فتاة

⭐انا مش جميله⭐

الحلقه الاولي ♥
حلقه النهارده عن البنات اللي بتقول انا مش حلوه:

كتير اوي من البنات بتقول: هوا انا ليه مش حلوه زي صاحبتي
هوا انا ليه مش بيضه زي اختي
هوا انا ليه جسمي مش حلو زي بنت عمي وكتيير وكتير اوي
اقولك ايوه انتي ياللي بتقرأي كتابي
حابه اقولك = انتي جميله لا انتي اجمل واحده في الدنيا اه سدقيني متستغربيش انتي احلي بنت عارفه ليه
علشان انتي عمرك ما اذيتي حد عمرك ما كرهتي حد عمرك ما زعلتي حد
اكيد هتقوليلي طب انا مش حلوه شكلي مش حلو ليه انا بالذات اشمعنا انا ما صاحبتي احلا مني و....و... كتيير اوي
هقولك: تعرفي حاجه ان البنات الحلوه دي بتتعرض للتنمر اكتر منك
هتقوليلي ازاي يعني ياجومانه انتي هتضحكي علينا ازاي هيا حلوه وهتتعرض للتنمر
هقولك ياقلب جومانه الموضوع ده هنخليه في الحلقه الجايه
هتقوليلي طيب انتي برضوا مقولتليش اشمعنا انا اللي مش حلوه
هقولك:ياحبيبتي ربنا خلقنا كل واحد له مميزات وعيوب
يعني مثلا هتقوليلي طيب البنات الجميله دي عيوبها اي
هقولك: مثلا في بنات جميله بس مش بتحب ربنا زيك؛ بنت جميله بس مغروره وشايفه نفسها؛بنت جميله بس حقوديه؛بنت جميله بس غيوره
شفتي بقاا كل دي عيوب في بعض البنات الجميله
هتقوليلي اكيد مش كلهم
هما فعلا مش كلهم بس في منهم
اي رأيك بقاا عاوزه تبقي زي البنات دي
هتقوليلي لا انا عاوزه اكون جميله وفي نفس الوقت اكون طيبه و متواضعه والكل يحبني
هقولك ياحبيبتي كلنا ليه مميزات وعيوب ومنقدرش نعيب في خلق ربنا لاننا احنا شبهه احنا بنمثله هوا
ها بقاا هتعتبري نفسك مش حلوه مره تاني!
سدقيني انتي اجمل بنت في الدنيا بصي لنفسك في المرايه وابتسمي وقولي انا جميله فعلا هتحسي انك جميله لانك جميله اخلاقيا وجميله شكليا لأنك بتمثلي ربنا لان ربنا خلقكك شبهه هوا علي مثاله هوا
اي كانت ديانتك مسيحيه مسلمه يهوديه دي كلها اديان ربنا وانتي بتشبهي ربك
يمكن في ناس بتعيب علي الشكل الخارجي ومش بيشوفوا الشكل الداخلي
هما ناس مش طبيعيه هما ناس انانيه ومجتمع فاشل
متسمعيش منهم خليهم يقولوا اللي عاوزينه وخليكي انتي واثقه من نفسك ورافعه رأسك لفوق لأنك اجمل بنت في الكون كله

اتمني حلقه النهارده تكونوا استفدتوا منها يابنات واتمني تشيروا الكتاب ل صحباتكم علشان كلنا نستفاد وكلنا نعيش في مجتمع راقي مش مجتمع فاشل بينظر للشكل الخارجي بس.

حابه اقولكم حاجه يابنات: انا بحبكم اووي مهما كان شكلكم مهما كانت صفاتكم انا بحبكم اوي وزي ما انا حبيتكم اكيد في ناس غيري هتموت فيكم بس انتوا خليكم واثقين في نفسكم لانكم جوهره غاليه اوي

واخيرا دمتم لي🌺