اول اسكريبت ليا يا رب يعجبكم
"كونى غاليه 1"
الام: اصحى يلا يا ريم هتتأخر على المحاضره
ريم:حاضر يا ماما
فى الكليه
ريم :ازيك يا رحمه عامله ايه
رحمه : تمام يلا عشان نحضر المحاضره اتأخرنا
بعد المحاضره
احمد:ما تعرفوش مذاكرات الماده فين
طبعا رحمه الى ردت عشان انا مش بحب اكلم ولاد مش عشان حرام بس اتعودت على كده
( اعرفكم بنفسى انا ريم فى تالته جامعه وحيده اهلى )
رحمه:انا مش عارفه هتفضلى كده كتير يعنى
ريم: قصدك ايه
رحمه: انتى فاهمه قصدى كويس يعنى فيها ايه لو رديت عليه هو هياكلك و بعدين كان بيسأل على حاجه فى الكليه يعنى
ريم:انا كويسه كده مبحبش اكلم حد
رحمه:انتى حره بس علفكره فى مشروع مشتركه هنعمله سوا
فى البيت
-معقول كلام رحمه صح و انا الى معقده الدنيا فيها ايه لو كنت رديت عليه يعنى
-الضمير:بس انتى مش متعوده على كده و اهلك ربوكى على انك ما تكلميش ولاد
-بس هنتكلم فى الدراسه مش فى حاجه تانيه
-الضمير:بس يكون فى حدود فى تعاملك مع الشباب عشان ما تخسريش حياءك
-خلاص انا هفضل زى منا
فى الكليه
احنا هنشتغل كلنا على المشروع و هنعمل جروب على الواتس عشان نتناقش فيه سوا
رحمه:مالك
ريم: مفيش
رحمه:هتفضلى ساكته المفروض تتناقشى معانا فى المشروع
ريم :هقوله ايه اعملوا الى انتو عايزينه انا ماشيه
فضلت متمسكه بمبدأى الى كان بمثابه السد المنيع الى بدا ينهار بمرور الوقت
رحمه:انتى كويسه
ريم: مش قادره تعبانه اوى عايزه اروح
رحمه: تعالى اروحك انتى شكلك تعبان اوى
رحمه: معلش يا احمد كملوا انتوا انا هروح ريم عشان تعبانه
احمد:عادى ولا يهمك
احمد:الف سلامه عليكى يا ريم
ريم ( كانت اول مره ارد عليه):الله يسلمك
روحت البيت و فضلت يومين فى البيت مش بروح الكليه
و لقيت رساله من احمد
( ازيك يا ريم عامله ايه انا قولت اطمن عليكى مش بتيجى الكليه اليومين دول )
مسكت الموبيل عشان ارد عليه
الضمير: انتى هترد عليه
-اه فيها ايه بيطمن عليا لازم ارد عليه
الضمير:طب و مبادئك الى اتربيتى عليها
-انا هرد عليه اقوله كويسه و مش هكلمه تانى عيب ما رودش ده بيطمن عليه
رديت عليه ( و ده كان بدايه انهيار سدى المنيع)
الحمد لله كويسه و قفلت الموبيل و قمت اشوف مذاكرتى
تانى يوم فى الكليه
احمد:الف سلامه عليكى
ريم: الله يسلمك
رحمه :يلا نبدا
احمد:معلش يا ريم امسكى كده
الضمير :انتى هتكلمى معاه عادى كده
-فيها ايه عادى يعنى احنا فى مشروع سوا مش بعمل حاجه غلط
احمد:ريم انتى سامعنى
ريم : فى حاجه
احمد :امسكى كده الورق ده
ريم :حاضر
و من هنا بدأت صحبيه مع احمد لحد ما تحولت لحب كنت ببرر لنفس كل مره بحجه شكل بس كنت فى الاخره بكلمه مش مجرد زميلى فى مشروع لا احنا بقينا بنروح فى كل حته سوا و بقينا معروفين فى الكليه اننا مع بعض علطول
#يتبع
#آيه - عفيفى
