النهاية
بعد مرور عدة سنوات
محمد:رهف ....جيبي محمود لا يوقع بالمسبح
رهف:شو عم تعمل انت
محمد:ما بدي اترك سياخ الشوي هلأ بيحترقو واهلي معاد الا يوصلو
حضنت محمود وانا عم بوس فيه
رهف: وصلت التيته يا روحي
محمود:اكيد جايبتلي اكلات طيبه
نزل ودغري راح ركض لعندا حضنها وبلشت فيه تبويس
حماتي:شو كبران الازعر
محمود:بس ما كبرت ع الاكلات الطيبه
عمي:الاكلات الطيبه بس لحبيبي
محمود:وما بدي خليه حنين تاكل منهن
حماتي:ليش هي اختك لصغيرة
محمود:مو هنن الي وبعدين بابا بحبها اكتر مني
رهف:حاجتك لعي محمود وانزل عن ستك تعبانه
محمود:حاضر
رهف:شو وين احمد واحلام ولولاد ولونا وصابر ولولاد
حماتي:ها ليكن
فاتو وهنن عم يضحكو ومبسوطين
احمد:الله يا محمد شو هالروايح
محمد:يلا ارفعلي عن زنودك راح موت من الجمر
احمد:يلا صابر شد همتك
قعدنا نحن نجهز السلطه والمقبلات وهنن على الشوي يقبر قلبي كيف تعبان وشلح القميص من الشوب وطبعن ما هان عليي حدا يشوف عضلاتوو ودغري اخدت لبلوزة وبلشت لبسو اياها
محمد:شوي لك رهف
رهف:عيب عليك في نسوان غريبه
محمد:مافي غير احلام واحلام متل اختي
رهف:لا مافي بدك تلبس
محمد:شو يامو شايفه جنانها بعينك وبتحكيلي ليش نحفان من نكدها
رهف:اي انا نكدة وبدك تلبس
حماتي:خايفه عليك من ضربه شمس
احمد:لا غيرانه عليه 😂😂😂
احلام:متل اختو انا
لونا:يمكن مني بتغار كمان
صابر:على اساس حلو جوزها
حماتي:يقبر قلبي احلى واحد فيكن
احمد:اعترفت امي الحمد الله
رهف:😡😡محمد البس ابوس ايدك
محمد:لا ما بلبس وبدي اسبح بعد هالتعب
رهف:😣😣ممنوع
محمد:شو بكيفك
بلشت لبسو غصب عنو وهنن فرطانين ضحك علينا حضني قدام الكل رفعني عن الارض
محمد:مجنونه وربي
رهف:نزلني يا مجنون فضحتنا قدام العالم
محمد:ما حدا غريب
رهف:نزلني 😡😡
ما حسيت غير ونحن واقعين بالمسبح وضل ماسكني لطلعنا روسنا من المي
رهف:خنقتني
محمد:ما احلى المي
رهف:بهدلتنا
محمد:طالعه بتجنني بالمي
رهف:😂😂شوف حالتك انت
محمود:ماما ....بابا اطلعو
طلعنا من المي ونحن ماسكين ايدين بعض
محمد:راح نبدل اواعينا احمد جهز الباقي
احمد:اي لا تتأخرو بس
حماتي:احمد 😡
محمد:ما بوعدك بس اندهولي جوعان
رهف:محمد شو جنيت انت شو هالحكي
محمد:😂😂😂انتي سببتيلي وشه بعقلي
رهف:الله يسترنا بس
بدلنا تيابنا وتغدينا سوى ولولاد عم يلعبو مبسوطين وعمي حماتي عيونن عم يضحكو وكل لولاد كوم ومحمود كوم تاني بموتو عليه وطلباتو اوامر ونحن عم نحكي ونضحك على ازواجنا نازلين ببعض تخبيط ومكاسرة وكل وحدة عم تشجع جوزها واكيد محمد الي انتصر
احمد:نحن ما غلبناه كرمال ما تبكي عليه رهف
رهف:لا ما حزرت لانو ما قدرتولو
احمد:شو صابر
صابر:😂😂حرام وهلا محمد بيبكي
رهف"صحيح محمد
محمد:من غيرتهن ما قدرو يقاومو
رهف:😂😂يا حرام انغلبتو
لونا:الرجولة مو بالعضلات
رهف:لكن بشو
احلام:بالعقل
رهف:يقبر قلبي كمان عقلو بيوزن بلد
لونا:بيوزن بلد وشلح ورماكي بالمسبح
محمد:صابر مرتك غيرانه روح ارميها
صابر:😂😂😉لا مرتي عاقله
احمد:شو قصدك مرتو مجنونه
محمد:الا رهف لا حدا يجيبلي معدلها بالعاطل
احمد:😂😂الا رهف قال
احلام:تعلم استاذ احمد شوية رومنسيه من اخوك
احمد:الله يستركن انت وياها بدنا نعرف نام الليل
محمد:😂😂😂
رهف:😂😂😂
همسلي"شايفه لازم كل يوم تصلي لربك ركعتين شكر على هالنعمه
رهف:😂تقبر قلبي كل ثانيه عم بشكرو هلى هالنعمه
محمد:صرت خايف ننحسد تخيلي
رهف:الله يحمينا
احمد:شو عم تتهامسو
محمد:بخجل احكيلك بس اذا مصر بخبرك
احمد:😂😂لا لا خلص فهمنا
ضربتو بكوعي على صدرو ليخفف تلميحات مالها داعي بس ولا يمكن مستحيل وعم يجاكرني
محمد:بتغاري عليي وليه
رهف:اي بموت غيرة وعم حس بنغزة بقلبي وقت غار
محمد:سلامة قلبك يا روحي
محمود:ماما
رهف:يا روحي
محمود:حنين وقعت وعم يطلع الدم منها
رهف:شوووو وينها
محمود:ليكها
وقفنا وركضنا كلنا لعندها ومحمد دغري حملها وراضاها ودموعي انا عم يسيلو
محمد:مافيها شي لا تبكي
رهف:ياروحي موجوعه
محمود:منذر ابن خالتي دفشها
محمد:خلص رهوفتي لا تبكي البنت مافيها لو خدش
رهف:😤وين الدم يا حمار يا كزاب
محمود:ما بعرف بس وقت صرخت فكرت انو نزل دم منها
رهف:😬لكسرلك راسك يا ابو نص لسان
محمد:شو يا عمري تحسنتي والله لالعن امو ل منذر
لونا:😂يا عمري انت وياها سلامتها للأمورة
محمد:حاجتك تبكي رهف جننتيني
رهف:ماني قدرانه خفت عليها
نزلها من ايدو واجى لعندي ليراضيني وحاوطني بايديه التنتين
محمد:خلص ما صار شي امسحيلي دموعك
رهف:مو بايدي بخاف عليهن
محمد:انا معك لا تخافي
رهف:بحاول بس ما بوعدك
محمد:يا حبي انتي
رهف:المدفون
محمد:😂فضحتيني وليه
رهف:تقبر قلبي ريتك
محمد:روقتي ارتحتي هلا
رهف:اي
محمد:مشالله مجهزة دموعك للبكي ما نشفو😂
رهف:لاا ما راح ينشفو لموت
كل يوم خميس انا ومحمد عم نزور قبر محمود الله يرحمو عم نقرألو الفاتحه ونسقي القبر ونحط ورد
زكرياتي معو مستحيل تكون مو حلوة انا وياه انخلقنا لبعض كتير شغلات صارت ضد الواقع بس استمرت وكلشي بالدنيا قسمه ونصيب لازم نآمن بالقضاء والقدر لانو الصبر وراه فرحه وفرج والحمد الله الله عوضني ب محمد وبأبني محمود وببنتي حنين وعم مارس حياتي بشكل طبيهي وعم اتقبل الواقع بكل الوانو وظروفو واشكالو بس كانت نقطه ضعفي محمد ولولاد ازا بشوف واحد منهن انجرح بجن جنوني وعم غار عليه من اقرب الناس الو هاد الي انا وبس 😍😍😍
قصة: #حب_مدفون
للكاتبة: #مايا_الحجازي
▪▪▪▪▪▪النهاية▪▪▪▪▪▪
