"Matang magkakilala sa unang pagtagpo..."
Mahiwaga parang araw,
Sinliwanag ng kalangitang bughaw.
Mula sa malayo ay tinatanaw,
Dalangin ay laging ikaw.
Mga matang kumikislap,
Isang tingin ay para bang nasa ulap.
Ngiti mong laging hinahanap,
Makita lang ay sapat.
Sa tuwing titingin,
Nakikita ang magandang tanawin.
Sa langit ay humihiling,
Na sana'y maging akin.
At kung hindi man,
Ikaw ay pakakawalan.
Nawa'y ikaw ay pangalagaan,
Ng babaeng iyong inaasam.
