انا كنت نكلم في دكتوري
انا: اعرف هذا جيدا ولكن مستشفى ال#####لا أحبذ ان أتدرب فيه وأفضل لو أمكن ان تختار مكان اخر
الدكتور: أسف جدا ان لم تقبلي وبالتدريب في هذا المستشفى فعليك بالسفر الى مدينة تورنتو والتدرب هناك
انا غمضت عيوني وتنهدت : اوكي اقبل التدرب بمستشفى ال%####ً وشكرا ع كل شيء دكتور ديفيد
د. ديفيد: اوكي في انتظارك غدا صباحا
انا: الى اللقاء ومشيت يدي ع شعري بقوة والتفتت وألقيت سمير واقف ايديه مشبكهم في بعض ومتكي ع باب الغرفة
انا حاولت نتمالك نفسي وابتسمت : صباح الخير
سمير وملامحه باين عليهم العصبية : من كنتي تكلمي وشن معنى انك بتدربي في مستشفى ؟ لا والمستشفى اللي نشتغل فيها انا !!!
انا بصوت يرجف: سمير بالله عليك ما تفسدش اللي قاعدين كل يوم نبنىوا فيه البارح كانت ليلة حلوة وقربنا من بعض ومازال نبي نقربوا اكثر .. خلينا نتفاهمو بهدوء
سمير بصوت عالي: انسي ليلة البارح والكلام اللي قلته والاتفاق اللي اتفقناه لان كله واقف ع اجابتك ع السؤال اللي اسالتهولك ..
انا قربت وحاولت نمسك ايديه بس هوا وخر وانا وجعتني حركته هادي في وسط قلبي 💔💔 رجعت شعري للخلف وشفت للبلكونه وبعيدون مليانة دموع : اوكي ع راحتك .. اول شي انا ما اتفقتش معاك اني نوقف تدريب قلتلك حيجي اليوم هذا
سمير : بس قلنا لو الموضوع يأثر ع صغارنا يعني حتفكري تفوتي الموضوع؟
انا : بس شغلي مش حياثر بالعكس هذا مستقبلي ومستقبل صغارنا
سمير بحدة: عن اي مستقبل تحكي ؟ لما تبدي مشغولة عنهم زيي بالزبط انت عارفة المستشفى مش زي العيادة هذا غير انك حتخدمي معاي في نفس المستشفى وانا مستحيل نوافق ونخلي نفسي موضوع يتهامسوا فيه من وراي
انا بصوت عالي: ايوااه هذا مربط الفرس زي ما يقولوا القصة في خدمتي معاك في نفس المكان وكاننا في ليبيا مش في كندا!! هذا غير ان كل واحد فينا في قسم ليش بس مكبر الموضوع ومن اللي بيتهامس عليك وانت في دولة متقدمة وما حد يشوف للثاني
سمير غمض عيونه ومن بين سنونه يتكلم : الدولة متقدمة بس فيها ناس من بلادنا طول عمري نتكلم قدامهم اني ضد خدمة بنت بلادي وقرايتها برا ونجي ببساطة ناخذ وحدة هكي
انا علّيت صوتي : سمير انتبه لكلامك محسسني وكانك جايبني من الشارع أو بار !! وَيَا سيدي اذا يريحك لا نعرفك ولا تعرفني ما في حد حيعرف اني مرتك
سمير شافلي بنظرة فهمت معناها كويس
كملت كلامي : فاهمة تلميحك وما تخافش الكل حيعرف اني متزوجة وع ذمة راجل وقمت يدي وهذه الدبلة مش محولتها من ايدي بكل بس اي حد يسألني من متزوجة مش حنجيب سيرتك متزوجة وبصغاري وخلاص واعتقد هكي الوضع يناسبك
أنت تقرأ
مد وجزر
Romanceرواية ليبية خيالية تحكي ع معاناة وكفاح امرأة وتجاوزها الصعاب رغم تخلي الكل عنها تخيل تفقد كل شي وكل شخص في حياتك لحظة واصعب انواع الفقد لما تختفي ناسك من محيطك بارادتها يعني تخلوا عليك ومزقوا صفحتك من كتابهم بكل بساطة
