معنديش عين حتي نقوللكم اقرو 🙂💔💔 وحق ربي الله وحق ربي الله الا افسه للمليون والترليون هي مننفعش اصلا 🙂 لاكن وربي تليفوني المعفن الحيوان ال استغفر الله المهم تسكر رك الازرق بعد الامتحانات تقول بياخد فتره نقاء واني بروحي ماخديتها بسس بي ادن الله قادمين و بي قوهه 🙂💔 من الحلقه الجايه تبدا في احدات وحاجات حلوه وجميله زيني 🙂💔 ووه عليا اقرو اقرو ومتسبونيس 🙂💔
حلقهه 6
نزل الراجل من السياره
مراد :لا مستحيل انتتت ..
انس : اهلين بولد عمي الغالي شدير اهني 🌝💔
مراد : والله ياوليد عمي الحاج باعتني نجيب البومبه متاع الببنزينه كلها وانت شن جاي ادير اهني
انس : والله حتي اني الحويج باعتني نمشط نافطه من المولدات متاع الناس ولا نجيبله سياره النافطه كامله يايدفل علي وجهي 😔💔
مراد يطبطب عليه : عادي عادي شده وتزول انت يدفل عليك لاكن اني يحشيني في المجاري اسكت بي الله
انس : هيا خلاص بلا تمستيك خلي نمشي ندور نافطه
مراد :هوينا طابور النافطه برا اوقف من غير سياره
انس :تم ياغالي مالا نتلاقو
رجع عمك مراد لي السياره مقعمز في الطبور يستنا ويشبح لي انس____________
رواد يلود بي السياره ويتكلم بروحه
محمد يعيط : رويدااا رويييييييدااااااااا
رواد يعيط : يرزييييك فيييهااا انشالله شن تبييي
محمد : شوف شوف حصان
رواد :انشالله يموت ويلحقه جدك عبد الرؤوف الخروف اهوااا
محمد : نبي نبي نبي
رواد :شن تبي
محمد نركب نبي نركب
رواد :وراس امك فكني
محمد :اي حقا وينها ماما ؟ اية قالت ماما مشت
رواد خبط علي راسه : ءءء اي اي توا تجي توا تجي
محمد : تاحشتها اني هيا امتي بتجي اكيد بتجيبلي شكلاطه سكنرز وماس وكدنر
رواد :اي اهو توا نجيبلك حتي اني محمد
رواد : وااااااااااكككك اني من وين بنجيب دين ام القاز
مشي لي الشيله الي يعبو في الغاز وقف طابور اطول من ستار حوشهم خش
رواد: السلام عليكم بي الله ياخوي عندكم قاز ؟
الراجل: خيرك وخي مش متعشي ؟
رواد : وانت الصادق طالع بي عبزي مش فاطر غير فكني توا شني مني مافيش قاز ؟
الراجل: مافيش قاز برا شوف منعرفش وين اني مش احني اختصاصناااا غاااز غاااز مش قاازز
رواد : باهي معاش تعيط تقول يقرصو فيك انت طِيييب ياراجل طِيب اكبر دير عقل
الراجل : باه تفضل وخي اطلع اني الحكايهه نوو وفي ناس وراك
راجل ورا رواد : هياااا ياخووونا خف الزحمه مش وقت هدرززهه
رواد :تي باهي حسستوني جيت قبلكم في الطابور اني كنت شاده من بكري تضرب فيا الشمس علي قبوعتي علاش النفخ توا اقعدو فيها اهو ماشي
ركب لي السياره
رواد ركب يغني : عيشه مشت تشحوير راجل يشد في طوابير صدق وايت بوي صدققق
محمد : هيا نبي نمشي حديقه الحيوانات
رواد :ماك زيهم خوتك تبي اطل عليهم
محمد : هيا هيا نبي نمشي هيااا
رواد : باهي ضم جلاغتك_____
مراد يغمز لي انس وانس يغمزله
مراد بعتله بوسه
وانس تلقاها ودار روحهه سااحح
نزل الراجل من السياره وماشي لي انس وانس قاعد يبعت في البوسات لي مراد
الراجل : انتتت ياحيوان ياصايع
انس : تكلم فيا اني عمي ؟
الراجل :انتتتت مالااا مني بيكونن يوزع في الغمزات والبوسات لي بناتي ياصايع اماليك معرفوش يربوك نربيك اني ياكلب يامعفن ياحرنيف
انس تزرط : اءءء اني مش بنتك اءءء قصدي منغمزش لي بنتك ياعمي كنت نغمز لي ولد عمي في السياره الي واركم شوفهه ها
الراجل تلفت شبح لي السياره
الراجل :السياارهه فاضيييه علي مني بتمشيييه عليا انييي ؟
انس مصدوم: تي وين مشي الاعوج هدا وحق ربي ياعمي الي كنت نغمزله خزي عليه ناكر للعشره
الراجل : تعرفففف تعاودهااا مره تانيههه ولا نشبح وجهك اهنيي ابصر شن بيصير هيا روح روووححححح
انس :تي باهي النافطه وربي جدي يقطعني
الراجل : توا تروح توااا
انس : باهي ياعمي .... مشي باعد عليه وقاله بصوت عالي بنااااتتتك هما الي يغمزولي مبكري الي مش متربيااااتتتتت 🙂 وكتح
الراجل ولا لونه بزاري 😂
مراد شاخ بي الضحك
أنت تقرأ
؏ــيَلَةٍُ بَـألَــفَ عَيَلَـﮫ ♥️🔥
Umorismoالروايةة عبارهه علي حيااة اليبينن بترتيب يعني في حميع المناسبات شن يديرو وشن ميديروش يعني كانك عايشه في نص هادي العيله لا يخلي الموضوع من الكومديه طبعا شويه رومنسيا مش هلبا مهناكش يعني الرواية عباره علي ضحك وضحك وضحك ونزيدكم ضحك وحده تانيه وانشالله...