تارا: أني بتجيني صاحبتي ابنطلع
سعاد: كترت طلعاتك الفتره هادي
منى: خليها تستمتع قبل ماتتجوز الهم يلي حصلت فيه 😂
تارا: والله حق هي سلام 😂
....
تارا: تتمشى ع شط البحر؛ أني خايفه
المجهول: تخافيش نبيك تجيبيلي رقمهه
تارا: بخوف؛ تت تمام
تارا: امتى يشوفوك ويعرفوكك الناس
المجهول: اسمي المجهول وبس
تارا: هي سلام
المجهول: سلام
الباب يدققق..
سعاد: مني؟
تارا: اني تارا
سعاد: فتحت الباب ؛غريب روحتي بكري؟
تارا: اها اي صقع روحنا
سعاد: مني صاحبتك يلي طلعتي معاها؟
تارا: نجوى بنت جيرانه
سعاد: تمام
تارا: بنرقد نرتاح شويه ونهدرزو
سعاد: اوكي
......
سعاد: ألو نجوى
نجوى: مني معاي
سعاد: أني سعاد بنتي تارا يلي طلعتي معاها اليوم♥️
نجوى: لالا غالظه طلعتش مع تارا أني واصلا مش صحبات هلبا
سعاد: انتي متاكده؟
نجوى: اي وأصلا عندنا عرس مش فاضيه
سعاد: تمام أسفه ع أزعاج
نجوى: ولا يهمك سلام
سعاد: سلام
.....
سعاد: أهلين ريم شنحالك وحال الصغار
ريم: الحمدالله بخير شنحالكم انتم
سعاد: بخير الحمدلله
سعاد: عازماتك ع العشي اليوم باش تتفضلي أنتي والعويله
ريم: أن شاء الله تو نجو قداش لينا عليكم
سعاد: تمام هي باي❤️
نعرفكم ع عيلة عبد الله
مرته ريم (أخت سعاد)عندها زوز بناويت وولد
ماريا مواليد 99 و عائشه مواليد 2003
ولدها اسمه كريم مواليد 2001
.....
ساعه 6 العشيه
سعاد: تارا منى واتو روحكم بتجي خالتكم ريم
تارا: بأزعاج تمام
منى: ماما نضفت الدار ضيوف وين حاطى البخور؟
سعاد: واتي روحك تو نديرها
منى: تمام ماما
بعد مرور ساعات
الباب يدقق...
منى: أهلا خالتي تفضلو
سعاد: أهلين وخيتي شرفتونا
ريم: شن ي منى مواليا حلوه ♥️
منى: تحشمت وقعدت ساكته
سعاد: شن جوك مع قرايا ي كريم
كريم: اهو ماشي حالها ي خالتي
ريم: متعبني لا يقرا لا شي ديما في شارع
كريم: شنجو منى
منى: تحشمت منه بالحكم أنه ماتشوفش فيه الا في مناسبات....تت تمام❤️
كريم: حس بشعور غريب اول مره يحس بيه في حياته يمكن انه حبها!... لالاااا فييق ي كريم أنت مش متاع حب 🤦🏻♀️😂😂
ريم: وين تارا؟
سعاد: راقده مريضه تعبانه شوي
ريم: لاباس عليها
سعاد: سلمك....وين عائشه وماريا
ريم: عندهم عرس صاحبتهم
سعاد : اها عقباليهم♥️
ريم: ان شاء الله
كريم: ونييي امتى 😂💔
ريم: تحشم ع وجهك وأنت قاعد تلعب 😂
سعاد: مزال بكري عاد 💔😂
كريم: يشبح لي منى كيف ساكته ومتحشمه
كريم: منى عندك إيميل ع الفيس
منى: بفررررح ايي عندي
كريم: ضيفيني ......هذا
منى: اها اوكي♥️
ناضت منى تجيب الضيافه
منى: تفضلي خالتي ♥️
ريم: سلمك ♥️
منى: تفضل كريم
كريم : كيف بيأخد منها طاحت الصفره ع كريم وكله تلللبززز بالعصير كان يطلع برا في جنان يمكن توقف عليه مليون نحله 😂😂😂💔
كريم: بصدمه ومتعصب! وين عيونك انتي
منى: أسفه كنتش نقصد مش عارفه كيف طاحت
ريم: حصل خير عادي برا غير ملابسك في دار معاد
كريم: ناض بتعصب وغير ملابسه
منى: اتلاقت معا في مامر الحوش
كريم: لا عادي غر مره تانيه ديري عيون بس كيف بجو ويخطبوك 🙂💔
منى: ع قولتهم ألف واحد يتمناني 😌😂
كريم: كان لقيتي واحد من ألف خوذي يلي تبي 😂
قعمزو كلهم يتعشو قاطعهم صوت تارا تعيط بأعلا حسها
كلهم نخلعو وركبولها ونصدمو لما شافو تارا 😳
* هل بتصير قصة حب بين منى وكريم؟
ومني تتوقعو يكون المجهول وهل في مجهول هوا أساساً؟؟؟
وعلاش تارا عيطت وشن يلي شافو حتى انصدمو؟؟؟
