روايات اروى الطاهر المسلاتي 💓:
الجزء السابع والعشرين💗🕸🖤❤
"أمي؟؟"
الحارث ركز ع نظره ع عيونها المدمعه المصدومه: ايه..امك..
تبدلوا ملامحها المصدومه لملامح حاده ممزوجه بالعصبيه: من قالك دور عليها ؟؟؟من قالك اصلا إني نبي نعرفها؟؟من سمحلك اساسا تدخل في شي مايخصكش؟؟
الحارث قدملها وقال بحده: لا يخصني ونص وانتي تعرفي..مافيش داعي لكلام زي هذا..من داخلك انت تبي تعرفيها ..تبي تشوفيها حتى إن شاء الله فصورة..تبي تكابري كابري لكن مش عليا اني اللي نقدر نعرف انتي فشن تفكري وشن تحسي ونحس بيه معاك اضعاف ماإنتي تحسي بيه..
فضيله تبدلوا ملامحها من جديد للحزن قعمزت ع الكرسي بهده ودموعها نزلوا وقالت: الموضوع هادا يتعب فيا هلبه...مش مجرب انت شعور اللي يعيش يتيم وبوه وامه عايشين وسيبوه بإرادتهم..وكإنك جيت بالحرام...ضحكت بتهكم ...ياريت لو جيت بالحرام كنت عطيتهم عذر انهم خافوا من الفضيحه ...حتى لو كان عذر اقبح من ذنب ..بس عذر..عذر يخليني مانحسش ان امي وبوي مش راغبين فوجودي وفي الغالب تمنوا لو ماكنتش جيت ع الدنيا اصلا..
الحارث قدملها ونزل ع رووس صوابعه: حلوتي..قتلك قبل عندك حق ومانقدرش نلومك..لكن في امور تصير في حياتنا اغلبها مجهول مالينا منها إلا الظاهر وحكمنا عليها يكون ظالم لإننا مانعرفوش كل شي...نعرفوا ان بوك جابك وحطك ومشي ومعاش ولا..لكن مانعرفوش كيف خداك من امك ولانعرفوا عن امك أي شي..بروحك قلتي كلام زي هذا..
فضيله سكتت قعدت تشبح لإيديها اللي تفرك فيهم في بعض ودموعها ينزلوا..
هو مسحلها دموعه بأصابعه الإبهام الزوز وقعد شاد وجهها وقال بإبتسامه:خلاص..توا نصكروا ع الموضوع ...بس هاه فكري فيه وخودي وقتك واني مش حنجيبلك سيرتها نهائي...خودي قرارك براحتك...
فضيله : ايديك سخان..
الحارث استاقض وانحرج حولهم طول وقال بربكه: اسف..
فضيله ضحكت وقعدت تشوفله..
هو حك حاجبه وعيونه لوطا :نسيت نفسي..
فضيله ابتسمت بعدين قالت : كيف خديتها الصورة..
شبحلها وقال بضحكه: هادي اسرار...اشر بسبابته بالنفي..لايجوز السؤال عنها..
ضحكت فضيله وقالت : غامض..
الحارث بضحكه مع رفعة حاجب: انتي قصقاصه..
فضيله : هههههههه..صح...
الحارث قعد يضحك...
طق الباب..
شبحوا للباب..
الحارث : عمك...
"بنتي فضيله"..
شبحت للحارث وضحكت..ناضت للباب وفتحاته...
فتحي : بنتي فضيله كيف حالك..
فضيله : الحمد لله عمي..خش..
فتحي : لا بنتي مستعجل..حط يده في جيبه وطلع فلوس ومدهولها ..سامحيني يابنتي ليك عندنا مده طويله ماقدرتش نمدلك فيهم قرش تشبحي في الظروف ..
فضيله رداته بيدها:عمي خيرك سابق..ناكل ونشرب من رزقك من بعد فضل ربي..وماناقصني شي الحمد لله..
فتحي : بارك الله فيك يابنتي..لكن هادم بتاخديهم مني يعني بتاخديهم ولا والله نحرج..
فضيله ابتسمت خدتهم منه وباست يده اللي ماد بيهم الفلوس..
باس فتحي راسها وعيونه تعبوا دموع...
فضيله قامت راسها ودموعها نزلوا: ربي يطول فعمرك ويحفظك..
مسح ع شعرها ولف ومشي بسرعه..
فضيله سكرت الباب وهي تمسح فدموعها...
الحارث تألم هلبه : حلوتي..
فضيله شبحتله وكأنه تكلم فيه بعيونها كلام مش قادره تقوله" فرق كبير بينه وبين بوي اللي عمره ماقال نسمع حتى صوتهم...اااه وخلاص "...
الحارث تنهد بألم وقربلها وهو يشوفلها صفق بصوابعه جت فيده ورده...مدهالها..
فضيله من بين دموعها: هههههههههه...
الحارث بضحكه: هادا اللي فكرت فيه...هو مرة واحد انسي سألته قالي المراة تنسى الزعل والألم لما تعطيها ورده وقعدت عالقه فراسي ...درتهالك مره مانفعتش قلت بالك تنفع هالمره..
فضيله : اللي نصحك هالنصيحه نسي اهم شي من يكون الشخص اللي يعطي ورده ونقبلوها وننسوا كل شي...خدتها منه وشمتها💓...
الحارث بإبتسامه: من يكون؟
فضيله : شخص القلب يقبل منه كل شي حتى الجرح يحبه بكل شي فيه...
الحارث :واني هكي عندك؟
فضيله ابتسمت ومشت للدولاب وخدت منه حوايجها وحطت الورده ع الطاوله شبحت لصورة امها شويه ..بعدين مشت متوجهه للباب..
الحارث برفعة حواجب: ياهوووو كإن في حد هني يستنى في إجابه ع سؤاله..
فضيله ابتسمت وتجاهلاته وطلعت...
الحارث ضحك بعدين تنهد: ربي مايحرمني منك ومن دلالك اللي زايدك غلا ع غلاك💗💗💗💗💗
*
العشيه...
كلمي فضيله..
اسما : عازمها؟
ازم:من اخر مرة تلاقينا فيها قالها..
اسما : حسبته يجامل وخلاص..
آزم: لالا ...
اسما : باهي تو نكلمها..
آزم: بنمشوا اني وياك..وتانس..
اسما ابتسمت: عارفه..
آزم قرب باسها ع راسها: سلملي العاقل...
...
طبعا بيرفعهم الزوز ع اساس عدل..اي عدل يحكي عنه هو يبات عند وحده بس..
امال : كيف عرفتي؟؟
زهويه :مايدرق عليا شي فحوشي..
امال هزت راسها بإيجاب..
زهويه شربت القهوة وقالت: اممم..بس موتيتلها حاجه...لولد ولدها ماتنساها...
امال برفعة حاجب:الله !شن هي؟!!
زهويه : فوقتها تعرفيها وتشوفيها...
*
ماشيه زياره لحوش اهل راجلها اللي ع قد ماحاولت فيه يجيبلها حاجه تخش بيها عليهم شي ولا عدل عليها ...
وصلت غادي ...
سلمت ع عزوزتها وحمواتها وشيبانيها اللي كان طا
أنت تقرأ
العاشق الطاهر 💜
Fantasyمزيج بين الواقع والخيال الفنتازي .... تحكي عن السحر ونتائجه المدمره اللي ياما خربت حياة ناس وناس.. وتحكي عن قصة عشق فريده من نوعها بين انسيه وجني...😳 ايه جني.... اقروا وحتعرفوا كيف ووين وليش وامتى....💎 للكاتبة ((جمان فريد)) 💙
