روايات اروى الطاهر المسلاتي 💓:
الجزء الثالث والثلاثين🌠
تابوت جديد محمول ع اكتاف طالع من حوش فتحي اللي اندار فيه العزي التاني لبنات العم...
صوت عياط وبكي ...
فضيله بتهبل شادينها النساوين بالسيف وامها تبكي بحرقة معاها...
آزم ودموعه ينزلوا كان قايم التابوت ع كتفه معاه بوها اللي كان يبكي بحرقه مالحق يكلمها لايحط عيونه فعيونها ويسمع منها حتى لو كان كلام قاسي المهم تكلمه ويسمع صوتها
من جهة تانيه كان قايم التابوت عمها فتحي اللي اذكر نفس اللحظه اللي عاشها قبل اسبوع ويبكي بالعبرة..معاهم كان قايم التابوت حتى هو تاشفين..
كان يذكر في حالته اللي عاشها من سنين ويسمع في بكي آزم كان يحس بغليله انشفي ..
حطوه في سيارة كبيره معاه تابوت صغير فيه أويس..
صكر عليهم ازم وهو يبكي بحرقه...
ومشوا كلهم للمقبرة...
صلوا عليهم....
بعدها...
آزم وبوها وعمها قاموها ونزلوها لمكانها الأخير في الدنيا وكل واحد فيهم دموعه سيل...
قام آزم ولده فحضنه وحطه فقبره حتى هو ...
وقعد يحط في التراب عليه وهو يبكي...
وبعدين بدي يحط في التراب ع اسما بس معاش قدر من قوة البكي..
جوا كملوا بوها وعمها...
كانوا سيفاو وموسى شادين آزم ويهدوا فيه..
وتاشفين معاه بعيونه اللي كانوا من ورانظارته السودا.
يشوفله ويذكر في نفسه...قبل سنين كان واقف في مقبرة بس من بعيد وكان يبكي بحرقه ومافي حد معاه بش يهديه او يواسيه
تاشفين حب من سنين بنيه اسمها تاله حبها بجنون وكانت بالنسبه ليه كل شي..ولأن البنيه كانت بنت راجل معروف ووحيدته وجميله العرسان عليها بالهبل.
خطبها تاشفين وبوها حس انها راغباته كان حيوافق بس لازم يسأل عن تاشفين كويس هادي بنته الوحيده...
كان يعرف عيلة آزم وآزم تحديدا قالوله انه قريب ع تاشفين..
شهده بالله انه يقوله كل شي عن تاشفين وهادي شهاده يتحاسب عليها قدام ربي قاله ان تاشفين كويس بس علته الوحيده الشرب اللي ياما حاول فيه بش يبطله ومابطلاش..
الراجل رفض الموضوع رفض قاطع بدون مايذكر السبب
لعند مرة جاه تاشفين يترجى فيه بش يوافق يعطيه تالا..
بس بوها صدمه صدمة عمره باللي قاله...
بو تاله: ولد عمك شهد عليك وقال انك تشرب مهبول اني بش نعطي بنتي الوحيده لواحد يشرب ؟؟؟
تاشفين قعد واقف مصدوم...
لزه بو تالا ومن بعدها معاش جي ...
انعزل عن الكل ومعاش يبي يشوف حد ...
لين جي يوم وسمع بيها تزوجت انقهر ع الآخر وحقد ع آزم هلبه...
بعد مده شهرين من زواجها ولإنها كانت تعشق تاشفين ومش قادره تتقبل وجودها مع غيره...لقوها شانقه روحها مش شدة الحزن برغم انها كانت بنت قريبه من ربي بس مع الأسف الشيطان استغل حزنها ووصلها لهالمرحله...
تاشفين لما سمع بيها قريب هبل..
وهو واقف ع قبرها بعد مشوا المشيعين ..عاهدها انه ينتقم من اللي فرق بيناتهم اشد انتقام ويشربه من نفس الكاس بالزبط...
تاشفين سيب الشرب ورجع لحياته بعد مده وبدي يبان للكل انه تخطا الألم وتجاوزه ..
ماكانش يعرف آزم ان تاشفين عرف بأن هو اللي خبر بو تالا
بحكاية الشرب وكان قاصد تاشفين يخليه مايعرفش ..
وبدي يراجي امتى يجي وقت الآنتقام..
وجت اسما الشركه وآزم طاح في حبها واول حد قاله تاشفين وهني تاشفين حس ان موعد الإنتقام قرب ..
كان يبي لآزم يوصل لأقصى مراحل الحب معاها...
بس كانت في مشكله اسما ماكانتش هاينه عليه وحس انها ماتستاهلش وهالشي خلاه يتردد...
كان يراقب في وضع مرت عمه معاها ويقول في نفسه خليها تجي من غيري المهم مايتهناش معاه.
بس العدو المبين ماخلاش الموضوع يمشي هكي..كان يزيد يولع في نار تاشفين ..كان يخلي فيه قصدا يركز عليهم في حركاتهم فضحكهم في هدرزتهم ويوسوسله ويقوله"شوف هو كيف عايش متهني مع اللي يحبها ومافي شي قدريفرقها عنه..هو هذا اللي فرق بينك وبين اللي تحبها للأبد"
تاشفين انعمي تماما بالذات وهو يشوف فصورهم ع الإنستقرام مع بعض من اخر سفرة...
زاد اصر انه ينفد اللي فراسه وابليس سانده بكل قوته وخلاه ينتقم من ازم حتى في ولده الطفل الرضيع اللي ماسلمش من السحر...
بس اللي آذوا هلبه ناس بالسحر ودمروا حياتهم لأسباب مختلفه..مافكرتوش لحظه ان اللي درتوه هذا ذنب عظيم
ذنب يخليكم خالدين مخلدين في النار ..بحجم الآذى اللي تسببتوا فيه حيكون العقاب..ولو ماخديتوشي توا حتاخدوه بعدين...يكفي انكم في حكم اللي طلع عن الدين بلجوئكم للسحر..
هاروت وماروت لما كانوا زمان يجوهم بش يتعلموا السحر او يديروا السحر كانوا يقولوا للي يجيهم
◇إنما نحن فتنة فلاتكفر◇
يعني انتم فوق اللي درتوه تعتبروا كفره..يعني جهنم خالدين مخلدين فيها للأبد...
والله مافي حاجه تستاهل والله...
انظلمت سلم امرك لربي هو ياخدلك حقك...
يلي يحسد ويبي النعمه تزول عن غيره او ياخده هو ..ربي قسم الرزق وحاجه مش ليك مش حتاخدها مهما درت ولو اراد ربي وخديتها بهالطريقة الشيطانيه مش حتتهني بيها ويجيك يوم اللي درته يولي عليك وتنكشف..
وفي النهايه راهي فانيه ومافي حد واخد منها شي غير عمله عمله اللي يحدد مقره الأبدي في الآخره إما جنه اونار..
"قصة السحر اللي ع
أنت تقرأ
العاشق الطاهر 💜
Fantasiمزيج بين الواقع والخيال الفنتازي .... تحكي عن السحر ونتائجه المدمره اللي ياما خربت حياة ناس وناس.. وتحكي عن قصة عشق فريده من نوعها بين انسيه وجني...😳 ايه جني.... اقروا وحتعرفوا كيف ووين وليش وامتى....💎 للكاتبة ((جمان فريد)) 💙
