ابن عمي دمر حياتي

بارت ٢٠ 🎶

بارت ٢٠ ✨
#ابن_عمي_دمر_حياتي#

الكاتبة ✍️
         🥀Shahad mushtaq 🥀

مساء الخير حبايبي

   قراءة ممتعة للجميع ☕

             🎶🎶🎶🎶🎶

اسلوبة حنيتة طيبتة شي مو طبيعي اهلي سكنوا بالبصرة قريب على بيتي  مرت ٣ اشهر من اجمل ٣ اشهر بحياتي صهيب مدللني دلال مو طبيعي ويحبني بشكل ما كنت اتوقع كل هذا حب تغير كولش وياية هادئ مثلي وطبيعتة حلو منظم وكولشي الة نظامة وهل شي يناسبني اليوم بالدوام كل شوي ادوخ معرف شبية بحيث ساعة ٩ رجعت من وصلت للفرع اشوف ناس ملتمة يم بيت جد صهيب خير شكو نزلت من تكسي اركض شكو خير دخلت خايفة زلم كومة ما احس اله احد سحبني ودخلني جوة

ادخلي لخاطر الله شعندج برة

محمد شكو

جدي مات

هاااا نزلت دموعي صهيب صهيب وين

برة لا تطلعين

دخلت هوسة وناس تعيط وناس تبجي الحجية قهرتني تبجي بحركة تقربت يمها مااعرف شكول كل كلمات هربت مني جان رجال كولش طيب لزمت يدها بيبي كولي يا الله ما خير لا ما ختارة الله وهذا وقتة

وج هذا عمود بيتي راح يمة راح شمعت البيت جااا شلون عفتني بنص الدرب

جنت ابجي وياها حسيت بحركة قلبها هذا زوجها وحب حياتها ابو اولادها معرف ليش صرت اقيس هل شي على نفسي وممكن بيوم اخسر صهيب فقدت بالبجي مجرد تفكير ناس وهوسة بالي كله يم صهيب شلونة هسة اريد بس احد يطمني علية راحت بنت من اقاربهم جابت للكل دشاديش سود انطوني وحدة بدت سوالف مروة وزينب وسارة وحور بنات خالة وبنت خالتة كل شوية وحدة مسوية شي خاصة من كاعدة اسوي جاي واصب اني اسرع منهم بهل شي

هاي منو البنية الواكفة على طباخ

ما عرفتيها زوجة ابو نمر بنت حماية

هاي من بغداد

اي هي دكتورة

حقة جااا مملوحة وشاطرة خفيفة

صلي على النبي خية لا تحسدينها

شبيج عمة من حورها تحسدها

زينب صيري مثلها وبعدين احجي

اي مو هذي العزيزة بنت حماج واني بنت الكرعة

ولج انتي ليش طايحة حظ البنية من الصبح لهسة واكفة صوت ما طلعلها كفت نسون كلها جاي ومي المطبخ ماعون ما خلت

بعد سويها حتى جادر نصبتة

اخ كون هسة يدخل ابو نمر يذب قهر الدنيا بيج وبلسانج لو سمعج تحجين عليها يكص راسج

هااا سكتت طبيتي دفاع جاااا انة مو بنت حماتج ما دافعيلي شكد خبزت ٣ هناجين محد كال شكر