ابن عمي دمر حياتي

بارت ٣٦ 🥺

بارت ٣٦✨
#ابن_عمي_دمر_حياتي#

الكاتبة ✍️
🥀Shahad mushtaq 🥀

مساء الخير حبايبي

قراءة ممتعة للجميع ☕

✨✨✨✨✨✨✨✨

لا تخافين ماكو شي بس ابقي بيتج ولا تطلعين

هزيت راسي صاح سعاد

سعاد اخذي تاليا وفاطمة وادخلن جوة ممنوع تطلعن فاهمات

راح دخلت وراية سعاد ومروة كعدت وكعدت فاطمة بحظنها لميت رجلية وخليت راسي بين رجلية مرة ابجي مرة ادعي يارب يارب رجعلي بنتي وزوجي سالمين يارب والله نذر علية لأطعم ٥٠ عائلة لوجهك الكريم يارب يارب مالي غيرك يارب بقيت ابجي وادعي يارب

تاليا هسة يجون جااا هاي مو اول مرة

رفعت راسي مستغربة كلام مروه شنو مو اول مرة

دائما تصير هيج طلايب جاا يسويها زعطوط من عشيرة ثانية بدون علم شيخهم ويحاسبونة ويرجع كلشي

يارب يسمع منج ويرجعون سالمين ساعة هو ماكو كمت الوب ادك الجهاز مغلق دخلت امي وريمان رحت عليها ماما راما ماما

ادري يمة ادري اهدئي هسة يجيبها لا تبجين

اهدئي تاليا هسة تنحل

شهدي شهدي اكللكم زوجي وبنتي ماكو وانتو تكولولي اهدئي بقيت ابجي وكل شوية اباوع بلكي اجوي لكل اجية خواله وخالاتة وزلم برة مرت ٤ ساعات احس مو ٤ ساعات لا كأنو اشهر وسنوات اخر شي تهسترة بعد ما اتحمل ابجي بصوت ما احس اله صوت راما كالت امه عبالي دا اتخيل صوتها رجعت عاطت بصوت وكالت امة رفعت راسي صهيب شايلها ومبتسم ركضت عليهم حظنتهم اثنينهم بعد لا تعوفوني ابجي وحاظنتهم اخذتها منة ابوس بيها صارت هوسة هو طلع بقيت حاظنة بنتي وهي لازمتني من تشيرت التراك نتبهت عليها نامت بحظني سعاد انطتني ممه رضعتها دا اخليها بمكانها عاطت رجعت كعدت ما تقبل تروح يم احد بس يمي

تاليا انطينيها بنتي

عاطت ما قبلت تروح يم ماما ما تقبل لا تنام ولا تروح يم احد امة ياروح امج وقلبها حظنتها حيل تباوع علية وترجع تباوع على موجودين ما اعرف ليش جدت صهيب صايرة تعاملني زين خاصة من طفل مات تغيرة وياية كولش تعاملها وكلامها هي ومروة تغير جذري

جااا يمة الفرخة خافت

اي بيبي ظاهر هيج

ديري بالج لا تيهينها جنها جمارة

بعيون صارت ساعة ١١ لكل راح اباوع عليها طفت وما تقبل تنام بدلت ملابسها يلة امي ارضعي حبيبتي ما تقبل ترضع ولا حتى تنزل من حظني خايفة حظنتها احسسها بأمان صرت احجي وياها ازيل الخوف منها للساعة ١٢ ونص يلة نامت هي ونايمة رضعتها خليتها بمكانها بدلت سبحت هستوني مددت عاطت جبتها بحظني نامت دخل صهيب ساعة وحدة ونص جنت صافنة عليها