Unicode
" ကိုကို! ကိုကိုက.. "
"ဟုတ်တယ် ကောက ပေါ်တိလေး အတွင်းရေးမှူး လုပ်မလို့..
အာ ဒါနဲ့ ကိုယ့်အရည်အချင်းနဲ့ကိုယ် ၀င်လာတာနော်.. ပါး အကူအညီနဲ့ မဟုတ်ဘူး "
ခေါင်းလေး မော့ကာ မော့ကာ ပြောနေသည့် ကိုကိုက အတွင်းရေးမှူး ဖြစ်တာကို ဂုဏ်ယူ၀င့်ကြွားနေဟန်။
" မဟုတ်ဘူးလေ ကိုကိုရယ် ကိုကိုက ဘာလို့ အတွင်းရေးမှူး လုပ်မှာလဲ?
မလုပ်ရဘူး "ကျောင်းပြီးပြီဆိုတော့ သူ့ကိုကိုကို ဘာအလုပ်မှ မခိုင်းဘဲ အိမ်မှာ ဥထားမည့် ရိပေါ်ရဲ့ အကြံဉာဏ်လေးက ရေဘောလုံးလေးလို ရေစုံမြောသွားလေပြီ။
" ဘာလို့လဲ ငါလုပ်ချင်တယ် "
" မဖြစ်ဘူး ကိုကိုရဲ့.. ကိုကို စာတွေ အများကြီး သင်ထားတာ သားအတွင်းရေးမှူး လုပ်ဖို့မှ မဟုတ်ဘဲ "
"ကျောင်းပြီးရင်လည်း အလုပ်လုပ်ရမှာပဲလေကွာ..
ဒါပေမဲ့ ငါမင်းနားနေပြီး အလုပ်လုပ်ချင်တယ်လေ "" မဟုတ်.. မဟုတ်သေးဘူး ကိုကိုရယ်...
ကိုကိုလုပ်ချင်ရင် သားရဲ့ အထက်က ငွေသိမ်းတဲ့သူလုပ်.. မဟုတ်ရင်လည်း.. လာ.. သားနေရာမှာထိုင်.. CEO လုပ်.. အတွင်းရေးမှူးတော့ မလုပ်ရဘူး "သူ့ပုခုံးကနေ ကိုင်လို့ အတင်းဆွဲခေါ်ရင်း သူ့ထိုင်ခုံမှာ ထိုင်ခိုင်းနေသည့် ရိပေါ်ကို နားမလည်တော့။
အတင်းရုန်းရင်း သူ့လက်မှ ရှောင်ထွက်လိုက်သည်။" မင်း ဘာတွေပြောနေတာလဲ!...
ငါက မင်းနားနေချင်လို့ လာလုပ်တာလေကွာ.. မင်းရာထူးတွေ လိုချင်လို့ လာလုပ်တာမှ မဟုတ်တာ "" သားအဲ့လိုပြောတာ မဟုတ်ပါဘူး ကိုကိုရာ..
သားပြောချင်တာ .. ကျစ်! ကိုကို ရာ..
ကိုကိုလုပ်ချင်ရင်တောင် သားရဲ့ အိမ်တွင်းရေးမှူးပဲလုပ်.. ဒါတော့မလုပ်ရဘူး! "" ဘာလဲ မင်းက မင်းအတွင်းရေးမှူးနေရာမှာ ကောင်မလေး ချောချောလေးတွေပဲ ထားချင်တာလား!..
ငါကစိတ်ရှုပ်စရာကောင်းတယ်ပေါ့ အင့်!..ငါက မင်းနား တခြားသူလာမှာ စိုးလို့ကို "
မျက်တောင်လေး ပုတ်ခတ်ပုတ်ခတ်နှင့် ပြောလာသူကို ရိပေါ် ဘယ်လို ရှင်းပြရမယ်မှန်းမသိ။သူ့ကို ဒီလိုပင်ပန်းတာတွေ မလုပ်စေချင်လို့တောင် ကိုယ်က အလုပ်တွေ ကြိုးစားနေတာလေ.. ဒါကိုသူက ကိုယ့်အတွင်းရေးမှူးလုပ်မယ်ဆိုတော့ ရိပေါ် စိတ်ရှုပ်သွားတာအမှန်။ကိုကို့ကို စိတ်ရှုပ်တာတော့ မဟုတ်.. ပါးပါးကို!