#وجودك_أمان🤍
الحلقة [7]
روحت سمية و قالتها لهم كلهم و فرحوا بكل إلا وداد عشان سمية تشكر فيا روحت من العيادة لقيتهم مجتمعين بس ما قعدتش معاهم ركبت طول لداري مشن أيام و الأسابيع و الشهر الأول و الشهر الثاني وأنا نتابع في علاج سمية تعبت بكل لدرجة نص يومها في العيادة
نزهه : السلام عليكم
ريسبشن : و عليكم اىسلام تفضلي أختي
نزهه : عندي موعد مع الدكتورة سارة الفلاني
ريسبشن : اها الدكتورة سارة حولت حالاتها اليوم علي الدكتورة رحمه حمد
نزهه : أها باهي الدكتورة رحمه موجوده
ريسبشن : أكيدة تفضلي أختي الممر اللي مقابلك ثاني غرفة مكتب الدكتورة رحمه
نزهه : شكرا
عدت نزهه وين ما قاللها قمعزت كان واضع عليها التعب بعد عشرة دقائق
ممرضة : نزهه صالح
نزهه صبت : نعم
ممرضه : تفضلي
خشن لقتني نعقم في أيديا : السلام عليكم
أنا : عليكم السلام تفضلي تريحي
نزهه قمعزت تبحت فيا مستغربه عشان صغيرة في سن
أنا قمعزت ع كرسي وراء مكتبي
نزهه : كنت نتابع عند الدكتورة سارة قالولي حولت الحالات عليك
أنا : أها عندها حالة وفاة
نزهه : إنا لله و إنا إليه راجعون ربي يصبرها
أنا : إن شاء الله عطيني كتيب المتابعه
نزهه عطاته ليا : جايا مراجعه منها نشوف قصة الدوخه ملازمتني لها فترة مع أني في الخامس بس نتعب بكل يا دكتوره
أنا نقرأ في الكتيب : مش أول بطن صح
نزهه : لا ثاني مرة نحمل ولادتي الأولي كانت عملية قيصرية تعبت واجد الحق
أنا صبيت جبت مقياس الضغط و السكر : اها
نزهه تبحت فيا أنا نقيسلها
أنا : عندك هبوط سكر و ضغط لازم انديرلك تغذية كل يوم تقيسي الضغط و السكر و بعد أسبوعين تعاليلي نطمنوا اخرى
نزهه : إن شاء الله دكتوره
أنا صبيت نلابس في قلافز : تفضلي ع السرير نطمنوا ع الجنين
نزهه صبت ممرضة تساعد فيها
أنا درت لها صورة عزقت القلافز : وضع الجنين كويس بس ياريت ديري بالك على روحك أكثر اهتمي بالغذاء إن شاء الله ربي ينوضك بالسلامه " بحتت في ممرضه " ركبي تغذية في غرفة اللي جنبنا للمريضة خليك معاها لين تكمل التغذية
ممرضة : حاضر دكتورة
نزهه : شكرا دكتورة بارك الله فيك
أنا : فيك بارك الله واجبي
طلعن و ركبتلها في غرفة اخري التغذية قعدت تسأل عليا نزهه و الممرضه تجاوب فيها
........
سمية طلعت من حمام تبكي : جماااااال جمال
جمال طلع يجري مفجوع : كنك
فطن للدبشها مليان دم فنص
سمية تبكي : جمال البيبي يا جمال البيبي
جمال رفعها : اسكتي بس تعالي البسي نطلعوا للرحمه
سمية تبكي و جمال لبسها عباية و مفجوع طلعوا جوني في العيادة استقبلهم عشان جمال رن عليا في الطريق كنت متوقعه لأن حملها ضعيف بكل درتلها عملية تنظيف و طلعت لمكتبي
جمال برم عليا طول : ها طمنيني
أنا : ربي يعوضكم في البيبي
جمال اضايق : الحمدلله علي كل حال سمية كويسه
أنا : اها كويسة بس اليوم حتقعد هنا حسيتها تعبانه شوي لازم تقعد تحت المراقبه
جمال : نبي نطمن عليها نقدر نشوفها
أنا : صعب شويا الغرفه مليانه صبايا
جمال : باهي خليك معاها أنا برا
أنا : تمام
طلع و أنا اعديت قمعزت جنب سمية نراقب فيها عند ثاني يوم ما غمضتلي عين في القايلة روحنا لقينا الحوش مليان هللها و هلنا قعدت نحوس و نساعد في آمال عشان وداد ما تحركش بكل
سمية : رحمه
أنا نقدم في عصير برمت عليها : نعم
سمية : كملي و تعالي نبيك
أنا قدمت العصير ع الضيوف و عديتلها
سمية بصوت واطي : قلتلك توا أنا نقدر نحمل اخرى صح و إلا خلاص و الله يا رحمه ما حركت حاجة كيف ما قلتيلي اندير و الحوش يظم فيه جمال و الغذاء منكم و العشاء من المطعم " قريب تبكي " يعني كيف طاح ليا شهرين بس حتي الفراش متباعة عليه تقريبا بعد حملتي رقدت مرتين و إلا ثلاثة بس يعني مازالت ما فرحت به
انا : اسكتي ما توضحيش لهلك حاجة امسحي دموعك أنا قلتلك في آخر مراجعه كولي كويس و حملك كان ضعيف شويا قولي الحمدلله اهو حملتي يعني فيه ا٨مل كبير أنك ترجعي تحملي اخرى توا نرد نكتبلك علاج اخرى تحملي
سمية : باهي بعدين في الليل نحكوا بخصوص الموضوع هذا
أنا صبيت : إن شاء الله خير تريحي إنت توا
أم سمية : رحمه
أنا برمت عليها : نعم
أم سمية : ربي يحفظك يابنيتي سمية ديما تحكي عليك تقول صبت معايا كان مش هيا راه ماحملت
أنا ابتسمت : هذا واجبي يا عميمه تسلمي
شيماء : وين طلعتي دكتورة شاطرة و تفهمي في شغلك
سمية : أكيد بعدين رحمه الأولي على دفعتها تشتغل مع الدكتورة سارة الفلاني معروفه عاد
شيماء : اها ما شاء الله دكتورة أختي حتي أنا نحول عليها في عيادة ###
أنا : اها هيا مطلوبة في أكثر من عيادة
وداد : ريت هالحاجة الكبيرة
أنا طلعت مابيتش نرد عليها و لا في حد عبرها
وداد قربت من سمية : إنت كنك فسخه نبي نعرف بس كنك ترجي فيها تعالجك وين كرامتك بعدين تمشي بفلوس راجلك يا ماما فوقها العيل طاح دليل أنها دكتورة فاشلة طاح منها اكيده علاجها خطأ و إنت تهزي في راسك وراها و خلاص
سمية : أول حاجة جمال ماعمره دفع قرش رحمه حاكيه للريسبشن كل مانجيها ما يدفعش ثاني حاجة كيف دكتورة فاشلة وهيا الأولي ع دفعتها
وداد : لا يا ماما الأولي ع الدفعه بالإسم بس هذه من الناس اللي تحفظ و في التطبيق حمارة بعدين هيا بالعاني طيحتلك البيبي عشان تنقهري إنت و جمال تبيكمش تفرحول حسبي الله و نعم الوكيل فيها الشر في عيونها ما تحبكش غير إنت مضحكه
سمية قعدت ساكته تسمع
وداد : تي هذه لفعه من تحت التحت توري فيهم في الوجه البريء وإنت تصدقي فيها
فتحية : وداد جيبي اميه للحنك صبي
وداد : هي حاضر فكري في كلامي تبي تحن فيك مثلا اكيده تبي ترد ضرب جمال لها فيك
سمية ساكته وتفكر
أنا قعدت نحوس حطيت العشاء ع النار شربة و مكرونه و درت بطاطا امبطنه و سلاطة تساعد فيا آمال و عميمه حليمه حطيت العشاء و طلعن هنا تعشوا أنا خشيت بسفرة سمية حسيتها تكشخ عليا بس قلت ممكن تعبانه ا٥و مضايقة من المرقد مشي الوقت غسلت مواعين و درت الشاهي و ركبت رقدت كنت مش راقده نهائي شوي و روحوا كلهم ماعاد ام سمية مسكتها أمي عشان خاطر سمية
وداد : وينها اللي تبي تحكي معاك
سمية : مش عارفه
وداد ابتسمت : راقده يا حنه قتلك العيل هي طيحاته لك بالعاني غير إنت اااه منك تمشي وراه وحده كيف هذه
آمال : راجلك برا قالك هيا ضبحي لماهر يخش يطلع عويلك مرقدين
وداد صبت : توا نجيك الأيام الجايه نفهمك
أم سمية تبحت فيها حست بنتها مضايقة
وداد : تصبحوا على خير
طلعت و روحت أم سمية ركبت هيا و بنتها لشقة...
جمال مصبي على باب الحوش برا : كويسه توا
سمية مصبيه ع الباب جوا بزعل : الحمدلله كويسه
جمال : ما تزعليش حبيبي إن شاء الله ربي يعوضنا
سمية : نبي نرد نعالج نبي نحمل اخرى
جمال أبتسم : باهي نقصي حسك أمك راه تسمعنا
سمية : ماما في الحمام ، تبي تبات لوطى انت
جمال : اها تبي حاجة ناقصتك حاجة
سمية : لا كل شي فيه بس في الصبح جيب خبزة ساخنه عشان ماما لازم تفطر أنت عارف عندها السكر خايفة عليها تهبط
جمال : من عيوني يا عيوني توا نجيبلكم
سمية قربت من جمال بساته ع خده بصوت هادي : نحبك
جمال لصق فيها باس رأسها و خدها يوشوش : نعلاي نا و خلاص خلاص خشي حبيبي تصقع مش كويس عليك
سمية : تصبح على خير
جمال : و إنت بخير ياقلبي
نزلت و أمها طلعت من الحمام
أم سمية قمعزت ع الصالون : سمية
سمية جتها تمشي بشويش قمعزت جنبها : نعم
ا٥م سمية : كنك امبدري قلتي تبي تغيري الدكتورة كنها رحمه
سمية قعدت تحكيلها شن قالت وداد
أم سمية : لا يا سمية أنا ماربيتك ع الظلم بنت شن شورها الله غالب ربي مش كاتبلك حملك يكمل معقولة اظني في البنت هكي هي اللي صبت معاك بعد ربي ،، و يقولك ارقد مظلوم و لا ترقد ظالم بعدين رحمه تحكي عليها و إنت حامل البنت في شغلها لا في قبلها و لا بعدها صبت معاك أكثر من أنها دكتورة توا بعد طيحتي قعدت اخي تعرفي و الله كان مازال رمزي خوك ما خطب راه خطبتها له بنت من شكلها هادية غير وداد هذه استغفر الله العظيم و خلاص وإنت يقولك واحد كلام تمشي عليه و تصدقيه وين عقلك اه وين
سمية : و الله معاك حق يا ماما رحمه كويسة معايا استغفر الله العظيم و خلاص
.......
بعد شهرين مع سمية علاج مكثف و قرايتي و العيادة كنت نتعب بس نقول كله يهون المهم نرفع راس بابا الله يرحمه
درت تحليل لسمية و طلعت حامل فرحت واجد جمال قريب طار من اىفرحه بس هيا وحمها واعر مشكلة تجيها ع الماكلة هكي خطأ لازم الجنين يتغذى ف تص اليوم يكمل في المستشفي يوم مرضت علينا في الليل و أنا طبعا ما نمسكش في الليل بس جمال عشان سمية خذاني معاه كاين خايف ع الجنين يطيح خشيت العيادة طول عطيتها ابرة تثبيت ركبتلها تغذية كانت تاعبه بكل درتلها دخول طلعت نبي ناخذ قهوة خذيت و رديت سهرت ع سمية صبح لقيت حالة ولادة
ممرضة : دكتورة رحمه جابك ربي دكتورة المناوبه سارة و طلعت هذه جت حالة ولادة ع أساس تبي الدكتورة سارة بس سألت ريسبشن قالولي أنك موجوده
أنا : خششيها بسرعه نلبس و نجيك
عقمت روحي و لبست و خشيت لقيت نزهه
أنا نكشف عليها : نزهه إنت ولادة طبيعية مستحيل لازم عملية
نزهه : الله يربحك جيبيني حتي قيصري خلاص معش نتحمل
انا : خششوها للغرفة عمليات بسرعة
خششوها للغرفة عمليات خشيت أنا معاها كانت عملية صعبة جدا كنت خايفه من الضغط و السكر يهبطن عليها في العملية كملت العملية و الحمد لله جابت بنت الممرضه طمنت زوجها و مراه كبيرة شوي و طلعت أنا بجد كنت كلمة تعبانة شويا خشيت ع سمية اطمنت عليها قعدت النهار و الليل كله بين نزهه في العناية و سمية طلع الصبح عليا و أنا بين المرضى
أنا : الحمدلله علي سلامتك
نزهه بتعب : الله يسلمك
أنا نبحت في أوراقها : وين يا نزهه سلامتك كبيرة راه خشيتي حتي العناية
الباب دق خشت المرأه و راجل
مراه تزغرت : لووووولووووووي حمدالله على سلامتك بنيتي
أنا حطيت الأوراق : حمدلله على سلامتها
نزهه : الله يسلمك سامحيني دكتورة تعبتك الممرضه قالتلي أنك سهرتي جنبي الليل كله
ا٦نا : لا عادي هذا واجبي نستاذن
طلعت ...
طمنت علي سمية قعدنا لعند العشية و روحنا...
......
بعد أسبوعين نزهه ردت للعيادة عشان نشوفلها في الجرح
بعد ثلاثة أيام ردت اخري
نزهه : السلام عليكم دكتورة رحمه
أنا صبيت سلمت عليها : عليكم السلام أهلين نزهه شرفتيني
نزهه : الله يسلمك دكتورة هذه ماما.
خيرية عيونها قريب يبلطن مبتسمه : أهلين ببنيتي دكتورة و صغيرة ما شاء الله
أنا انحرجت سلمت عليها : خير يا عميمه كيف حالك
خيرية : الحمدلله و شكر لله
نزهه : كنت عند دكتور العظام عشان ماما قلت نجي نسلم عليك
انا : سلامتها إن شاء الله تفضلن قمعزن
خيرية قمعزت تبحت فيا و مبتسمه : نزهه تحكيلنا عليك و على تصبايتك معاها الله يربحك بنيتي
أنا : الله يسلمك عميمه واجبي
نزهه : كيف حالك إنت شن دايره
أنا : الحمدلله كيف حال البنوته عاد شن سميتيها
نزهه : سماها باتها يا حنه نتعبوا نحن و هما يسموا ع الواتي سماها مريم
أنا : ما شاء الله ربي يحفظها لكم
نزهه : عاد إنت المنقذه هههه
أنا ضحكت
نزهه : دكتورة عادي تعطيني رقمك نزورك في حوشك حسك خشيتي خاطري
أنا ابتسمت : توا نكتبلك رقم امي
خيرية نطت : خير و خير يا بنتي خير و خير
أنا قعدت نكتب رقم أمي فتحية و خيرية تبحت فيا مبتسمة
دق الباب
أنا : تفضلي
دكتورة عائشة : السلام عليكم دكتورة
أنا : عليكم السلام تفضلي
دكتورة : الدكتوره ساره طالبتك للعملية الثالثة قالتلك آخر عملية توا تروحي ما تخافيش
أنا ضحكت : تمام إن شاء الله
دكتورة عايشة : شن صار في العملية الثانية
أنا : تفضلي خشي نكمل و نحكيلك
دكتورة عايشه خشت
انا٦ عطيتها الورقة : سامحيني ع التأخير إن شاء الله تجينا نتشرف بحضرتك
نزهه صبت : تسلميلي
خيرية صبت : بالسلامه توا
أنا صبيت : الله يسلمك عميمه
طلعن و أنا قعدت نحكي مع الدكتورة على العملية دق الباب
ممرضة : دكتورة في مريضة برا طلبت مني إن زوجها يبي يخش
أنا : اه عادي دخليهم ممكن عندهم مشكلة
ممرضة طلعت خششت المريضة و زوجها
دكتورة عايشة : خلاص نتلاقوا بعد نص ساعة
أنا نغسل في ايديا : تمام عويشه نتلاقوا
الممرضة : تفضلوا قمعزوا
أنا طلعت انصدمت قعدت مصبيه
ليلي مبتسمه : أهلين دكتورة
أنا ساكته
حكيم يبحت فيا
ليلي : دكتورة
أنا تماسكت : أهلين تفضلي
برمت قمعزت على مكتبي و نبحت فيها
ليلي : سمعت عليك واجد قلت نجي نتابع عندك لو مافيش مانع
أنا : شكرا تفضلي
ليلي : نبي نتعالج ليا كم شهر مازالت ما حملت نبي نعرف سبب تأخير
أنا نكتب : هذين تحاليل ديريهن إنت بعد يطلع رديلي "خذيت ورقة جديده" هذا تحاليل للزوجك
ليلي : تمام إن شاء الله
أنا صبيت عيون حكيم عليا : تفضلي ع السرير عشان نكشف عليك
عديت نعقم في أيديا و نلبس في قلافز
ليلي رقدت ع السرير مبتسمه
أنا سكرت الستار اللي بين المكتب و السرير و نكشف عليها قريب نبكي
ليلي : دكتورة هو نبي نقولك إن راجلي بعد يعني هههههه كيف نجيبها لك قصدي يعني مكان هذا يوجع فيا بذات بعد نرقد مع زوجي هو يكثر " ضحكت بصوت عالي "
أنا هنا انصدمت دموعي نزلت و وخرت منها حولت قلافز
حكيم صبي
أنا نغسل في ايديا : تفضلي البسي و تعالي للمكتب
ليلي لبست بسرعه حولت الستارة : دكتورة كيف يعني شن ناخذ ما جوبتنيش مافيش حاجة تنصحيني بيها
أنا دموعي ينزلن معش قدرت نسيطر عليهن : وضعك مش باين عليك أي مانع بالصورة و الباقي بعد التحاليل
ليلي مبتسمه : اها تمام
حكيم طلع
أنا عطيتها بالظهر : تفضلي بعد تحاليل يطلعن ردي عليا
ليلي طلعت تضحك
كمال : شن ادير هنا
حكيم : هذه مش عياده كيف شن ادير
كمال شاف ليلي طلعت من مكتبي : اقسم بالله و اقسم بالله مانك راجل
عدا و سيبه و طلع حكيم وراه ليلي
"#قزونه_و_عليك_اعبيت_وانت_رخيت
#اجعل_زهاك_ملطوط_يالله "
كمال دق علي الباب
أنا نبكي : صبرا جميلا و الله المستعان اللهم ارحم ضعفي و قلة حيلتي اللهم اجبر كسري يارب يارب
دق الباب اخرى
أنا مسحت دموعي : تفضلي
كمال فتح الباب و خلاه مفتوح : السلام عليكم
ا٦نا : عليكم السلام دكتور
كمال : كيف حالك
أنا : الحمدلله كويسه
كمال : شفته حكيم
أنا سكتت
كمال : و الله بعد الموقف هذا طلع فيها ما هو راجل ما تحطيش في بالك اللي نفس هذا ما تعبريش
أنا ساكته
كمال عرفني مانبيش نحكي : نستأذن منك
أنا : تفضل
كمال طلع و بعد خمس دقائق خشت عليا الدكتورة عايشة
كمال طلع و بعد خمس دقائق خشت عليا الدكتورة عايشة
عايشة : رحمه
أنا : نعم
عايشة : كان تعبانه روحي توا نحضرها أنا العملية
أنا تنهدت : اديري فيا خير عشان تعبانه ع الآخر
عايشه : تمام روحي أنا توا نحكي مع الدكتورة سارة
أنا سلحت البالطو خذيت التليفون و عايشة طلعت
كمال : شن صار
عايشه : شكلها تعبانه صح قلتلها كيف ما قلتلي توا سيبتها تبي ترن ع خوها
كمال تنهدت : شكرا دكتورة
عايشة : عفوا دكتور
عدوا كل حد و شغله
..........
بعد ثلاثة أيام
بالقاسم نزل من سيارته : السلام عليكم يا خويا
حكيم : عليكم سلام تفضل
بالقاسم : قتلك نبي نسألك علي حوش حمد الفلاني
حكيم : وصلت جيرانا
بالقاسم : تمام نبي نسألك شن جوهم عايلة كويسين و يعني من حيث التربية و الأخلاق
حكيم زمط ريقه : لا ما شاء الله شهاده نشهد بيها يوم بكرا تربية و أخلاق و علم
كمال مخطم
حكيم : كمااال تعال
كمال ازلط مايبيش يحرجه جاء : السلام عليكم شباب
بالقاسم و حكيم : عليكم السلام
حكيم : الشاب يسأل علي عيت عمي حمد
كمال انصدم : من أنت
بالقاسم : اسمي بالقاسم صالح نبي ناسب ال### جاي نسأل عليهم
حكيم و كمال انصدموا
بالقاسم : نبي نسألكم عندكم بنت دكتورة
حكيم : اه
بالقاسم : عندهم دكتورة
كمال تمالك نفسه : أها عندهم تبارك الله ع التربية خويا
بالقاسم : تسلم منورين شباب هي السلام عليكم
حكيم منصدم
بالقاسم ركب سيارته وطلع وكمال رد للحوش.....
......
بعد يومين
جمال : عليكم سلام ، من ، اهااا ناصر ولد عمي صالح مرحبتين بيك ، الله يسلمك كويسين كلهم ، الحمدلله بخير ، الله يسلمك كويس أكرم مازال يشتغل في سرت ، تسلم يا طيب والله ، مرحبتين بيكم في اي وقت تنوره ، تشرفونا مرحبتين ، إن شاء الله وانت طيب ، سلملي ع عمي صالح وشباب كلهم ، ديما طيب اوكي اوكي ...
سمية : من هذا
جمال يلبس : شاب نعرفه قتلك انا نازال للامي بعدها طلع تبي حاجة
سمية : سلامتك حبيبي
جمال نزل : امي امي
فتحية : كنك
جمال : الخميس جايين هل صاحبي اعبو برواحكم تنقص حاجة قوليلي
فتحية : عليش جايين
جمال : وين نندري شن نقوله عليش جاي اعبو برواحكم وخلاص
فتحية : باهي ان شاء الله خير....
......
# يتبع...
#Fafy faa
