لتعوفني وحدي

البارت الثاني

زينب بصوت مخنوك : لا اني ما ضوجته بس همه يكرهوني ( زاد البجي ) محد يحبني
كيان : تعالي ويايه

زينب ..بعد ماكلي تعالي ويايه ضليت اباوع عليه .. واني لأن جنت صغيره أو محد علمني أو كلي لترحين ويا غريب أو لتاخذين شي من أحد ف..رحت وياه
كتله : وان راح نروح

لزم ايدي وكلي : راح اوديج المطعم يخبل دايما اروح عليه وبعدين ارجعج لهلج مهما يكونون هذوله اهلج أو لازم تحترمينهم همه يخافون عليج ..
ضليت ساكته لحد ما دخلنا المطعم وجابلي كباب وبده ياكل كلي : ليش مذا تاكلين
اني مارديتله ..ابتسم وسوالي لفه دايطعمني
بس اني وخرت راسي وكلت ما اشتهي مع العلم اني ميته جووع ...
هز كتفه بمعنه براحتج وبده يتلذلذ بالفات واني اباوع عليه وبطني تزقزق تريد بس تاكل
من دون شعور فتحت حلكي ضحك عليه😂 وبده يطعمني لاول مره احس بالحنان لأول مره احس بالدلال اني جنت طايره من الفرحه وشويه شويه راحت الخوفه بعد ما خلصنه رجعنا ليم بيتنه ولحسن الحظ طلع جارنه جديد منتقل وكلي كلمن اريد شي او اضوج اجي يمه وأنه عايش وحده ..لأن ابوه واامه حاليا بسوريا ....
المهم عده هذا اليوم ومرت الايام عسريع واني بدت علاقتي ويا كيان تقوه صار كلشي بنسبه إليه وكلمن اضوج اروح لبيته ويخليني العب وياه واحيانا يخليني أقره بكتبه بس لاحظت بعض التصرفات الغربيه يعني كل فتره تجيه مره دكيت عليه الباب طلعلي وكال انتي منوا
اني تفاجئت كتله هذه اني زينب بس هو صيح بوجهي وسد الباب وره بفتره يرجع طبيعي ويضحك ويشاقه اني مادرت بال مااهتميت بالموضوع ..بعد شهرين رحت عليه ودكيت الباب بس محد فتحه رحت كلت يمكن طالع رجعت ثاني يوم وثالث يوم بس ماكوا معد شفته اختفه .. سألت الجيران عنه كالوا أنه طلع سافر يريد يدرس ويخلص دراسته هناك
طبعا اني تفاجئت كلش يعني هو عافني .. تركني وراح خلص بعد مااشوفه انقهرت كلش
وضليت ايام واني على هالحال لان محد فهمني أو عوضني عن الحنان غيره بدت تصرفاتي تتغير صرت اقلده بكلشي بالأكل الي يحبه بالاوان والستايل وكلشي جان يحب الستايل يكون غامق فبديت احبه غامق
تعمقت بحياته كلش وصرت بنت ثانيه البرود والصمت هي حياتي ..يعني بالمختصر صرت كلش هادئه بعدماجنت مرحه واجتماعيه .
...................................................... ...

لفتره من الزمن أحببت الصمت
.........
اعشق الصمت
وأظنه أروع صفاتي
حتئ أن لغه الصمت هي إحدى لغاتي
الصمت عنوان اسطره في ابيات
الصمت عندي قاعده اتبعها في حياتي
فليس من الضروري أن أتكلم حتئ تفهم محتوياتي
فبأمكانك أن تنظر في عيني
فتجد كل اجاباتي
فمن لم يفهم صمتي كيف سيفهم كلماتي

بقلمي : حبيبه الشتاء❤
...................................................
اتمنى تعجبكم روايتي هاي اول تجربه ألي اتمنى السند والتشجيعات منكم
عبر التعاليق والتصويت
😘لاتنسوني بتعليقاتكم 😘
وصوتولي لا تضربوني بوري تره اني احبكم😁😉