لتعوفني وحدي

البارت الخامس

زينب ببجي وانهيار : يوسف  اني قتلته ..قتلته بيدي
يوسف يحاول يهدئني : أهدي 
بنفس الوقت فاتوا ماما وبابا وتفاجئوا بوجود يوسف
والاكثر محمد جثته بالكاع واني لازمه السجينه وبجي
ماما كامت تبجي وتصرخ : ابني مات يمه ابني
أما بابا جرني من شعري وبده يضربني راشديات ويكلي ليش سويتي هيج  ضربني وانواع السب والشتايم يحجي
يوسف وخره عني ..
وكال بصياح: مو وكتكم  يله خابروا الإسعاف ختجي
بابا بده يباوع عليه بعيون حمر كلي: والله لو محمد مات لشوفلج الويل
المهم ...      

. ( راح اسرع الاحداث )
محمد مات واني انسجنت  سنه بس بعدين حولولياهن لمده كم شهر لأن اني جنت مضطره اضربه دفاع عن النفس كيان ويوسف  دايما يزوروني ويطمنوني أما ماما أو بابا تبروا مني
بعد ما طلعت من السجن كيان ويوسف طبعا كيفوا كلش
كيان ببتسامه : الحمدلله عسلامه حبيبي
دفعه يوسف بعد مانطاه نضره 😒 وكلي : الحمدالله عسلامتج اكلج زنوبه اني عندي بيتنه بيه اختي أو ماما أو راح يكيفون عليج تعالي ويايه
دفعه كيان وبده يصيح : شنو هالكلام لا مستحيل تجي وياك ( وجهه كلامه الي ) زنوبه اني عندي شقه محد يفوتلها حته اني مافوتها إذا تردين تعالي والله ينور بوجودج ..
ظلوا يتعاركن مثل الديوجه ...
بس اني صرخت حيل وكتلهم : كاااافي لا انته ولا هو اني أدبر نفسي
دايحجون بس اني نطيتهم نضره همه عرفوها شنوا ورحت ...
اما همه كل واحد يناضر الثاني بنضره كره وحقد وراحول بطريقهم لأن يدرون مراح يفيد إذا لحوا واني الي اسويه اسويه مابيها مجال
رحت لبيت لمياء وضليت يمها اني بالبيت
واهلها وهي خطيه ماقصروا ويايه ..
جانوا دايما يكلولي اعتبري البيت بيتج
.. وراها قررت قراري خلاص لازم انسه اني هسه حره محد حيتحكم بحياتي أو محد راح يمد ايده عليه اهلي وتبروا مني لبست ملابسي ورحت للكليه ويا لمياء ضليت مجتهده بدروسي خليت تركيزي كله يم دروسي ما سمحت لشي يأثر عليه
وأريد اعترفلكم بشغله ( اني من لمن صار الحادث للان مدري ليش بديت احب يوسف بس بنفس الوكت احب كيان مااعرف المن اختار ثنيناتهم يحبوني بس مابينت لحد ) 
عده اليوم والثاني والثالث  ونفس الحال كيان كرماله يتغير  ويوسف يتقربلي
فكرت وكلت هو صوجه عافني وسافر  بالله شنو يريد يدرس خلاص وبعدين هو عنده أنفصام اخاف يأذيني ويأذي جهالي بالمستقبل
(اوووووف راسي حينفجر من التفكير😤😧)
خلاص قررت قراري ....
رحت ليوسف  وطبعا هو تفاجئ اني اجيت عليه 
كلي : ها زنوبه تردين شي محتاجه شي
كتله : اي اريد احجي وياك بموضوعنا
تعدل بجلسته وكلي بهتمام : أو أي شقررتي تعيشين ويايه لو وياه
اني كتله بعد تنهيده : لا وياك بس بالأول اريد اكله
لزم ايدي وهو مبتسم ممصدك : كولي والله
كتله : والله
ارتاح كلش وبده يحجي ويايه مثل الممصدك كلساع يكلي
    يعني انتي تحبيني  .. يعني راح تعوفينه وتجين عليه ...ومن هالسوالف
رحت لكيان   لأن لازم احدد شي لازم  اقرر واني اخذت قراري بس جنت خايفه ومتردده
بشنوا  رده فعله ؟؟؟؟
بس شفته كلبي كام  يرجف من الخوف أيديه تجمدت صارت بارده
خطيه قابلني ببتسامه كلي : ها زنوبه بيج شي
كتله : كيان اني اختاريت يوسف
انمحت الابتسامه من شفته وغوركت عيونه بدموع الحزن ( تمنيت ماكتله .. تمنيت لو متت ولا شفته هيج .. تمنيت اشبكه هسه )
المهم
بده يضحك ويبجي لدرجه صرنه محطه أنظار كل الناس واني بس ساكته اباوع بالكاع
لزمني من جتفي وهو يبجي يكلي : انتي تشاقين مو
اني مارديت ضليت ساكته بس دموعي تحجي
كلي وهو يهز بيه: زينب تدرين بيه مااكدر بلياج  ... (كمل بصوت مخنوك) لا تتركيني
فجئه تغيرت ملامحه للاستغراب (شكلله رجع الانفصام) لزم خده شاف دموعه ضل يباوع عالطلاب مجتمعين يباوعون علينه تراجع بخوف وبعدين بده يركض ماسمعت غير بس انصدام سياره رحت لمكان الصوت طلع كيان مندعم ودم دااير مدايره بديت اصرخ وكله : كياااااااان لا تعوفني وحدي
لا تعوفني وحدي .. بس ميجاوب وجهه انترس دم معد اكدر اشوف ملامحه
ضليت ابجي واني امسح على وجهه وكله لاتعوفني يله فتح .... بس ماحصل غير بس السكوت ...
جتي الاسعاف وشالونه كدامي  وخلوه بسيدي  وطببونه بالسياره أو مشوا
أما اني ضليت اباوع عالفراغ اباوع عل ملابسي ويدي كلياتهن بيها دم مال كيان
معد اكدر اشوف شي بسبب الدموع لبعيني
صرخت صرخه رجت الكليه كلها :لاتعوفني وحدي
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ بعد مرور ثلاثه اشهر
كيان مات ... 

اني ضليت حاصره نفسي أبيت لمياء مااطلع ابد كاعده بغرفه ضلمه هندس أو بس ابجي  أو يوسف كل مره يجي يطمن عليه ويروح
مره من المرات حلمت بكيان كاعد دايبجي  كتله : لا تبجي
كلي : زينب الله يخليج روحي عيشي حياتج تره اني دااتعذب روحي للتحبينه وعيشي حياتج
كعدت من النوم ابجي وشهنك
صح اني حبيت يوسف بس مو معناها انسى كيان ..كيان جزء من حياتي 
ضليت كل يوميه احلم بيه يكلي نفس الكلام مره شفته ملابسه امشككه من الضرب يبجي والدم يطلع من جسمه يكلي : كااافي تره والله تعبت اني جوه الكاع دااتعذب بسبب كل دمعه منج
كعدت وسميت البسمله : شنو هالحلم
فسرته عند واحد يشتغل بهاي الشغلات كال أن الميت دايتعذب بسبب دموعج ويكلج عيشي حياتج ويا الي تحبيه علمود ارتاح
نفذت الي عليه وقبلت بيوسف
أو يوسف طبعا كيف خطيه  وتزوجنه
واني هسه عايشه حياتي من لمن تزوجنه
معد شفت كيان بحلمي آخر مره شفته جان لابس لبس ابيض يبتسملي ويكلي شكرا
عمتي ام زوجي واخته زينين ويايه امدلليني
واني امدلل ه يوسف وهو مدللني صار  بنسبه الي هو الأب والأم والصديق والحبيب والزوج والأخ واني هم صرت بنسبه اله الصديقه والزوجه والأم والاب عايشين حياتنه عادي
بعد  سنه كامله أنجبت توأم  بنت و ولد
سميت الولد عل اسم كيان وطبعا يوسف ممانع هالشي بالعكس هو شجعني و البنت سميناها نور
وعشنه عيشه سعيده
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
اتمنى تعجبكم روايتي المتواضعه هاي اول مره اكتب روايه  اواتمنه تنال اعجابكم من كل صميم قلبي ❤  الحياه عباره عن تجارب مهما جانت الصعاب لازم نتغلب عليها ونكون اقوياء 💪💪
ننسى الماضي ونصنع المستقبل
        مع تحياتي وحبي : حبيبه الشتاء ❤ 
الروايه : لا تعوفني وحدي