لتعوفني وحدي

البارت الرابع

قررت اهتم بدراستي واتجاهل مشاعري
لأن بديت اصفن كلش ومن دون أراده افكر بيوسف الي صاير دايما يلمحلي على أنه يحبني و كيان الي تتغير تصرفاته 180 درجه بكل فتره ...
بيوم من الايام جنت داامشي ويا لمياء ..
لمياء بخوف: اهوووو والله خايفه اخاف الاسئله صعبه
زينب : توكلي على الله ولا تخافين ونشالله الاسئله سهله
لمياء : انشالله الله يسمع من كلامج
لمياء : اكلج زنوبه
زينب : هاا
لمياء وهي تأشر بعيد : هذا مو كيان دايتعارك ويايوسف
زينب بلهفه: وان

يالله متحسون اصار بيه شفتهم من بعد يتعاركوون لو انشبت نار بقلبي رحت عليهم وبديت افاركهم الاثنين شكله تعبان ومتأذي هذا المضرب عبطنه ودايكح دم والثاني مظروب على عينه خليتهم امكان بعيد عن الازدحام
وكتلهم
زينب : اشبيكم ليش تتعاركون
كيان بصياح :والله لعلمك يا كلب بصيطه
يوسف بصياح هو الثاني : اني الي اعلمك واحد نذل ومريض
كتلهم : بسس شبيكم
تقدم كيان وبده يكلي : زنوبه تدرين بيه احبج لا تعوفيني وخلي نتزو..
كاطع كلامه ضربه من يوسف : أخرس ياكلب
يوسف : زينب شنو راح تقبلين بيه شوفينيه مريض والله مريض شوفي شلون يهز براسه ولج هذا عنده انفصام بشخصيه راح تقبلين بواحد مثله باجر عكبه يأذيج ويأذي جهالج
انصدمت هذا عن أي انفصام يحجي باوعت ع كيان جانت ملامحه تقهر حزن والم وحسره
انتبهت شلون يهز راسه بستمرار دون اراديا يالله شلون منتبهت هذه من علامات الانفصام بس ماتحملت اشوفه زعلان أذكر من جنت ابجي منوا الي جان يشبكني ويمشلي دموعي
دفعت يوسف وكتله : عوفه انته معليك بيه
مسكت ايد كيان وكتله : يله تعال
بس فاجئني ودفعني وطلع شكله بلش الانفصام ماته
تقدم يوسف وجرني وراه واني ضليت ساكته ماعندي الطاقه لكلشي
فوتني بسياره مالته وطلع اوراق من السياره ونطانياها
كتله شنو هاي ..كلي اقريهن وهسه تعرفين
جانت تقارير عن حاله كيان بالانفصام الشخصيه حالته من الولاده هو هيج اذكرت من جان صغير شلون احيانا يكلي مااعرفج شلون هسه ..😔
ضليت ساكته .. بس هو كمل
كلي : انتبهت عحركاته مو مال واحد طبيعي لحكته لمده يومين بس اراقب بعدين شفته دخل للصيدليه يشتري أدويه فتت للصيدليه بعد ما طلع وسألته للصيدلاني كال أن هذا من سنين يجي هنا ياخذ ادويته وعنده انفصام من الولاده دائميه وبصراحه انصدمت مثلج رحت للمستشفئ مالته بعد مراقبه طويله ودخلت للدكتوره مالته وعرفت كلشي وهذه التقارير مالته
........
زينب..ضليت ساكته دااحس نفسي مخنوكه معد اكدر اتنفس اريد ابجي اريد اصرخ وطلع هموم الدنيه ليش حياتي هيجي ليش ماعندي حظ ويا الي احبهم ياما يكرهوني ياما اكو شي يبعدني عنهم دااحس نفسي تايهه مثل الطفل لمضيع أمه اريد احجي لبكلبي اريد افضفض بس ألم احجي ..اااه يادنيا كسرتيلي كلبي
طلعني من شرودي صوت يوسف يكلي
يوسف : زينب انتي بخير
باوعت عليه واني مالي نفس حته احجي هزيت راسي ب اي أو رحت ....
............................................
عند كيان ...
اني احبها من لمن جنت صغير من لمن شفتها وهي فاتت بكلبي صارت عندي ظروف ورحت بس جنت ناوي ارجع ولي خلاني اتنازل هو مرضي هذا رحت عند دكتوره ماتي و لأن هي الوحيده الي تسمعني وتفهمني
وكتله عكلشي صار ماتحملت كمت ابجي ماستحيت ابد لأن خلاص حياتي احسه موحلوه تخايلوا نفسكم بدالي كل يوميه بشخصيه شكل ( الله يبعدها عنكم) كل يوميه اتفاجئ اموقف مسويه بس ماحاس
عل نفسي
دكتوره انقهرت عليه حيل كلتلي: كيان مو هيج صير قوي صدكني لو تستمر على ادويتك مراح تجيك هالحاله غير بس قليل ولوقت قصير
كيان بحزن : دكتوره اليوم حبيبتي الي حجيتلج عنها درت بمرضي وخايف تعوفني والله مااكدر اعيش من دونها
دكتوره : استهدي بالله يااخي لاتحزن بعدين اني متأكده حبيبتك مراح تعوفك كلبي يكلي هيج ... شوف بعينك
كيان ببتسامه حزينه : يعني تتوقعين متعوفني
دكتوره : انشالله
كيان : الله يسمع من كلامج
دكتوره ببتسامه : اسمها زينب مو
كيان ببتسامه : اي ..
دكتوره : حلو اسمها
كيان : حته اني جنت اكللها اسمج حلو
...............................
يوسف بصراحه اني مجنت احبها بس تصرفاتها غريبه ومثيره للاهتمام ضليت اراقب تصرفاتها اكو شي يشدني الها ويوم بعد يوم بلشت احبها هي ما تختلط ويايه حته متحاجيني بس مدري ليش حبيتها لهل درجه بديت اغار عليها كلش مره رحت وره الحديقه وشفتها شابكه كيان حسيت بجمر بكلبي اريد هسه افجرهم من عصبيتي انتبهت عتصرفاته و وشلون دفعها لزينب ...ضليت اراقبه لحد مااعرفت مشكلته اني هم انقهرت عليه حالته حاله بس بنفس الوكت لازم اخليه يبعد عن زنوبتي اي زينب الي وحدي يمكن تكلون اناني بس لا اني مو اناني يعني اني متأكد مراح تكدر تعيش وياه سعيده واحد يتغير باي لحضه ويمكن يصير قاتل الله وعلم هو ميدري بنفسه تردوني ماخاف عحبيبتي ... كتلها كلشي تغير وجهها وصارت صفره كركم خفت عليها وانقهرت بعد .... عافتني وراحت اني ضليت امشي وراها من بعيد اخاف يصير بيها شي مرتاحيت إلا فاتت البيتها بعد خمس ايام انتظرها تجي للكليه بس ماكوا بديت اخاف عليها اشتاقيتلها حيل دايما اروح لبيتها على أمل اشوفها بس ماكوا للاسف
............................................
زينب .... بعد ماعرفت بقصه كيان كمت اتعصب كلش ادري هذا الشي مو زين بس مو بيدي اتعصب وختنك احس نفسي راح اموت
ضليت خمس ايام بالبيت ماريد اطلع أن حاليا تعبانه كلش تعبانه مو جسديا لا نفسيا ..
وراها داومت لان حسيت ماكوا فايده مذااتحسن ... دخلت للكليه تلكتني لمياء خطيه شبكتني وتكلي مشتاقتلج تحبني وكلش متعلقه بيه لأن احنه صديقات من الثانويه فعلاقتنه قويه مع ان شخصياتنه مختلفه ...كعدنه وسولفنه وشويه حسيت بالراحه لأن ضلت تشاقه طلعتني من جو الكأبه 😌 عاشت ايديها ...
بعد محاضرتين خلصتهن رجعت للبيت عادي والحمدالله ماشفت لا كيان ولا يوسف لأن صدك جنت مطايقه أحد ¤¤¤
ثاني يوم كعدت وسبحت طلعت من احمام الي موجود بغرفتي وتفاجئت بمحمد كاعد ويباوع عليه بنظره خوفتني ( مااعرف اوصفلكم الي دااحسه لأن محمد من يومين دااحسه مخطط عل شي) بينتله ممهتمه وكتله ..
زينب : كم مره كتلك تستأذ قبل لتفوت
تقرب مني وشبكني غصب عني وبدئ يبوس بيه واني احاول أو خره عني ماشفت نفسي غير بس ضربته عبطنه
ابتعد عني وهو لازم بطنه ووجهه بيه ملامح الألم تقدم الي وهو يتوعدلي وبده يضربني ضرب قوي نيمني عالفراش واستغل ان البيت مابي احد غيرنه لأن ماما راحت للصالون أو بابا راح لشغله وبده يبوس بيه وكلمن اعترض يضربني بالموت الاحمر كدرت انهزم منه راحت للمطبخ وهو ورايه لاحكني طلعت السجينه واني ابجي كتله وخر ترا والله اقتلك بس هو مانتبه للسجينه لبيدي وتقدم بسرعه فاتت السجينه ابطنه واني بس ارجف من الخوف شفته شلون وكع بالكاع وعيونه مفتوحه وحلكه يطلع دم شكله مات بديت ابجي يعني معقوله اني اقتل .. احذت موبايلي بالكوه واني ارجف ماادري ليش دكيت على يوسف وكتله تعال ساعدني .... بعد دقايق هو اجه وانصدم دم بالكاع واني كاعده يم جثه محمد ابجي تقدم ببطئ وكال شنو السالفه

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
اتمنى تعجبكم روايتي ( لتعوفني وحدي)
بقلمي : حبيبه الشتاء❤ واشكركم عل تعليقاتكم الحلوه نلتقي بالبارت الخامس
ماذا سيحدث لزينب؟
راح يساعده يوسف؟
شنو رده فعل ابوها واامها ؟
وصدك محمد مات؟
( أمانه لا تنسوني بتعاليق والتصويت ادري بيكم حبابين 😉)