نرجس: خلاص لوي..😳 امبعد نشالله.. ماما راهي تعيطلي.
لوي: اوكي.. بالاكي على روحك.. ياك. 💕💓
نرجس : اوكي.. صاحا..
رفدت نرجس التلفون وعيطت ليماها:
وي ماما واش كاين؟!
سوسن (ام نرجس): واش كاين...؟ ارواحي ترفدي معايا القضيان 😬،يدي حتتقطع!.!..قاعدة كي البقرة فالدار ونسيتي يماك برا...😁
نرجس:اوكي😨..اوكي راني هابطا...(دالها عقلها لوي 😂)
طلعت نرجس القضيان مع يماها، وصل الليل وهام يطيبو للعشا ولوي هاو يبعتلها فليميساج
مي ماقدرتش ترد عليه😦،باسكو لوكان تقعد غير مع التلفون تتوسوس يماها.. هههه
المهم خلاّت حتى تعشات 🍔 ووصل الليل باش ردتلو..
نرجس: وي لوي..
لوي: مالمقبيل وانا نبعتلك..غير الخير..؟؟
نرجس: لالا..كنت نتعشى علابيها😁..
لوي:اااه..امم..بصحتك..على حساب الشوفة كي طوّلتي.. باينة ضربتي كاش 4طباسى..ههههه
نرجس: هههه.. لالا 3طباسى برك 😂😂.. بالاك تضربني بعين تاني👀😅
لوي: 😂هههه.. ماعنداك كولي بصحتك.. تقراي نهار السبت؟؟!
نرجس: ايه..نهار السبت صباح..ونتا؟
لوي: لا لا..مانقراش انا..بصح نستناك.. قدام الجامعة صبح ياك..
نرجس: ااه.. 😳اممم.. نشالله.. كيما حبيت..(التلفة هدرتلها ههههه😂)
المهم جاز نهار الجمعةوهوما يڨصرو 🌹❣️كيفكيف💞 ويضحكو💘 ويتعرفو على بعضاهم كثر و كثر ..
وصل نهار السبت ناضت نرجس صباح اونفورم على غير العادة سڨمت روحا مليح 💅💄طراسات لايينار ودارت ماكياج 🎀 ستيكات روحا بيان😍😍 ماشي كيما كانت تروح كي الكشرودة ههه😂 (وش بيكم راح تتلاقى مع فارس الأحلام💐💓..اااه😁😁)، لبست ليكات وسروال وڤيستا قصيرة وخيمارها ..المهم خرجت تهبببببل حتى بدات تتوسوس يماها هههههه، خرجت مالدار بكري وراحت بالكوس للجامعة...
نروحو دوكا عند لوي اللي كان طاير مالفرحة☺️ وحس اول مره❣️ بشعور الحب💘 اللي عمرو ماحس بيه،هوتاني ناض بكري لبس سروال كلاسيك و تريكو بيض بالكول وزاد فوقو ڤيستا تاع الجلد 😍😍 ستيكا شعرو بيان و دار الريحة...اااه وش نقوللكم..اممم..معشوق البنات..كي يخرج ڨاع يرشڨو فيه...(سامحوني😁 تأثرت .احم..احم..المهم)
راح بطونوبيلتو 🚙 للجامعة ووصل قبل نرجس ووهاو يسنى فيها برا..والنساء كلاوه بعينيهم...😍..شوية هاكا وصل الكوس.. هبطت منو ويشوفها.. ااه.. اممم ماحبوش يتحركو عينيه منها وقلبو يضضضرررب ❣️❣️💓.. وهي تاني غير شافتو واقف رجليها تعوقو مالحشمة ااه البقلاوة المقطٌرة واش تدير اااه.... 😳😳😁😁......
يتبع......... .............❣️💓💘🌹💞🎀
أنت تقرأ
قصة صدفة حب 😍 (باللهجة الجزايرية)
Romanceقصة عشق💘💞 باللهجة الجزايرية 💋 فيها نوع من الرومانسية😳 و الدراما واحداث شيقة، بقلمي انا ❣️ @narcisse nina .
