ثلاث سنين من شقى عمري
البارت 12
ام سعود وهي تصيح : ولدي سعوود ولدي انتم السبب ليش سويتوا فيه كذا تو من شوي يكلمني شلووون رااااح شلون مات انتم السبب انتم
ايوسعود والدموع على خده: ياأم سعود خلاص هذا شي مكتوب
قبل ماينولد سعود ماتنفع الدموع الحين ادعيلهم بالرحمه والمفغره محتاجين دعواتنا محتاجينها ياأم سعود
ام سعود: المستشفى هم السبب هم ياعبدالعزيز صدقني انا مكلمته مافيه الا العافيه
ابوسعود: الله يهديك ياأم سعود انتي الحين العاقله تسوين كذا المفروض تروحين تواسين عيالك روحي شوفي كيف حالهم خلاص هذا شي وصار والموت حق كلنا بنذوووقه
فهد اللي توه جاي : عظم الله اجركم ..الله يرحمهم ويغفرلهم ... انشاءالله
ابوسعود: امييين ... فهد وانا ابوك خذ امك وروح معاها للبيت تعبانه ومحتاجه ترتاح
فهد: انشاءالله يبه ... راح فهد واخذ امه وزوجته وطلعوا من المستشفى بعد الخبر المؤلم اللي سمعوووه ....
في طرف ثاني من المستشفى ...
محمد اللي كان جالس على الكرسي ومسند راسه على ورا ومغمض عيوووونه ودموعه تنزل على خده وكلها الم وحسررررره وندم...
ابونواف: يلا يابوي قوم معاي نروح للبيت
محمد بصوت تعبان: ابي اجلس مابي اروح
ابونواف: محمد جلوسك هنا ماله داعي
محمد: يبــه .. اتركوني هنا .. تكفون خلوني مابي اروح
نواف: يبه خلاص انت روووح للبيت وانا بجلس عند محمد
ابونواف قام : الله يعافيك ياولدي ... خلاص انا بروح مع امك
نواف: خلاص يبه .. لاتشيل هم
عبدالعزيز: هاه خالد شصار بشر
خالد: مدري ياعبدالعزيز الدكتور ماعطاني جواب صاحي
عبدالعزيز: شقالك؟؟
خالد: تو جدي عند الدكتور يسأله قال له شوي حالتهم صعبه لازم عنايه
عبدالعزيز جلس على الكرسي وهو يتنهد: الله يستـــر
خالد: اميــن
عبدالعزيز: انا بروح عند امي وانت روح شف جدي شصار معاه
لطيفه اللي كانت جالسه وضامه ساره لصدرها وهي تهديها
لطيفه: متى بتروح للبيت ياعبدالعزيز
عبدالعزيز: راح اتطمن على غاده وغيداء وبروووح
لطيفه: ماشفت جدك؟؟
عبدالعزيز: ابروح له الحيييين
راح عبدالعزيز عند جده اللي كان جالس ع الكرسي ينتظر أي رد او خبر من الدكتور
