حكاية جود

واكفه على المرايا الي عكست وجهها .....
وهيه بالفستان الابيض تشوف خيالها ...
بالمرايا يضحك بس بالواقع عيونها...

تصب دموع وهيه واكفه وراح تصير...
بعد دقائق لشخص ماتريده لشخص...
كارهه الدنيا بسببه....

فزت من ذكرياتها على صوت ...
الهوسات والرمي عرفت راح...
يزفوه الها بس هيه مجانت...

خايفه جانت تعتقد تكدر دافع ...
عن نفسها وتمنعه ياخذها لمه دخل...
شافت الابتسامه على وجهه...

من الاذن للاذن دخل وقفل...
الباب وهيه واكفه بمكانها كدام...
المرايا ماتحركت وصافنه عليه...

شلون يضحك ويسولف وياها...
وهيه دموعها تصب مثل الشلال...
خله ايد على كتفها والثانيه حوط...

خصرها وكاللها باعي للمرايا كامت...
تباع للمرايا تشوفه حاضنها ويضحك...
وكأنما ممصدك راح يتزوج...