The Girl in Ripped Jeans (To Be Published Under PHR)

Si Ice Zuniga ang tipo ng babaeng hindi girlfriend material; nagyoyosi, walang fashion-sense, hindi sweet at higit sa lahat prangka kung magsalita. Madalas din na nakatabing ang buhok nito sa mukha. Hindi nakakapagtakang wala itong boyfriend. Sa maikling salita, si Ice ang kabaliktaran ng mga tipo ng isang Nathaniel Morales na sikat sa buong campus ng St. Francis.

Reigning chess champion ng eskuwelahan si Nathan o Nate sa malalapit na kaibigan. Dahil may hitsura, hindi lang iisa ang interesado sa binata kahit na may girlfriend na ito. Hindi naging hadlang ang girlfriend niya para sa mga babaeng pinupursige siya.

Tadhana na ang gumawa ng paraan para paglapitin sina Ice at Nathan. Until one kiss made them aware of each other. Hindi pa man nila napapangalanan ang damdaming umusbong sa pagitan nilang dalawa, patung-patong na ang problema. Nariyan si Phoebe na girlfriend ni Nathan at may isang tao mula sa nakaraan ni Ice ang nagbabalik.

Masabi pa kaya nila sa isa't-isa ang mga bagay na kinikimkim ng kanilang mga puso?