خرافات

نحنا اول شعب قطع الرحط وفتح الخشم وعمل الصبحية، نحنا اول من استعمل لستك العربيه ترتار وكرسي وقاعدة للطشت والزير وصنعنا منو شبط ونبلة نحنا اول من اكل ام فتفت والمرارة واستخدم الالتي نحنا اول من عاس الكسره بالطايوق واول من اخترع المفراكة والمعراكة والكرجاكة والمستراح. نحنا اول من سمى ست الريد وست البنات وست ابوها وست النفر وست النسا وستنا وعاشميق وسميره دنيا، نحنا اول من شال الجنازة في عنقريب ونشف العدة في نفس العنقريب نحنا اول من استخدم راس البيت مخزن والحوش اوضة نوم، واول من عمل حظيرة اكبر من البيت (سنة يالديامه) نحنا اول من قال كلام ساكت، وقام قعد، وكر عليك، وووب علي، وسجم الرماد، وسجمي نحنا اول من ادخل السوط بيت العرس وبيت الطهور، نحنا اول من اكل الرز بالعيش واول من شرب البلح وإتمسح بالسمسم ولبخ القرض نحنا اول من لعب البلي بغطاء البيبسي وكسر الفول بقزاز البيبسي () نحنا اول من لعب سكج بكج، وحرينا، وشليل وينو، والحجله والفات الفات، نحنا اول من لبس الجلابيه بالجنبين، والسروال ابو تكه والمركوب الاحمر والطاقيه الخضراء نحنا اول من استعمل علبة النيفيا للتمباك، والسفنجه للرصع، وام دلدوم في