79xiaomei

အပိုင်းသစ်တွေ မျှော်နေကြမယ်ထင်တယ်။ ကိုယ်လည်း ခေါင်းကိုက်နေတာ တစ်ပတ်ကျော်လောက်ရှိပြီ မသက်သာသေးလို့ရယ်။ ခေါင်းကိုက်နေတော့ စာရေးဖို့ စိတ်နှစ်မရဘူးဖြစ်နေလို့ပါ။ 
          
          သိတဲ့အတိုင်းပဲ ဘာဆေးမှသောက်မရတော့ သက်သာဖို့ကြာနေတာ။ ပုံမှန်ဖြစ်နေကြလည်း ဖြစ်တော့ တစ်ပတ်နှစ်ပတ်လောက်ဆိုရင်တော့ သက်သာလာမယ်ထင်တယ်။
          
          ဒီကြားထဲ ရေးလို့ရရင်လည်း ရေးပေးပါ့မယ်။ ရေးမရရင်လည်း ဆက်ပြီးစောင့်မျှော်ပေးကြပါဦးနော်။
          
          ဘာမှမပြောပဲ ခဏခဏပျောက်ပျောက်သွားတော့ အားနာမိလို့ပါ။ အားလည်းမအားတော့လေ။ 
          
          ဘာမှတော့မဟုတ်ပါဘူး။ အဲ့တာလေး လာပြောပြတာပါ အဟီးး…။
          
          ချစ်တယ်နော်…(⁠*⁠＾⁠3⁠＾⁠)⁠/⁠～⁠♡
          
          
           #ရှင်း

ဒီရက်အတွင်း ဇေးငယ်လေးတို့ကိုပဲ အပိုင်းသစ်တွေဆက်တိုက်ရေးပြီး အပ်ပေးဖြစ်နေတာ သိကြမှာပါ။ 
          
          အဲ့တာကလည်း အရမ်းတွေ စိတ်ကူးထဲမြူးထူးနေလို့အပြင် ဇေးငယ်လေးတို့ကို ရေးလာတာ နှစ်နှစ်ခွဲလည်းကျော်နေပြီမို့ အမြန်ဆုံးလည်း ဇာတ်သိမ်းပစ်ချင်နေတာကြောင့်လည်းပါပါတယ်။ 
          
          နောက်ပြီး ကိုယ်တိုင်ကလည်း ဘာတွေဆက်ဖြစ်မလဲဆိုတာကို အရမ်းတွေစိတ်ပါဝင်စားနေတာကြောင့် စိတ်ကူးလေးမြူးထူးနေတုန်း ဆက်တိုက်တွေရေးနေမိတာပါ။ သိတဲ့အတိုင်း စိတ်နှစ်မရရင် အကြာကြီးပျောက်သွားတတ်ပြီး အပျင်းတစ်နေပြန်ရင်လည်း မရေးပေးဖြစ်တော့ အခုလို စိတ်နှစ်လို့ရတုန်းလေး ရေးထားရတာဆိုတော့ ဆက်တိုက်ဆိုသလိုဖြစ်နေရတယ်ပေါ့နော်။
          
          ကျန်တဲ့ ဝတ္ထုတွေဘက်ကိုလည်း လှည့်မှာပါ။ ဒါပေမယ့် ဇေးငယ်လေးတို့ကို အရင် ဇာတ်သိမ်းပစ်ချင်တာမို့ ဦးစားပေးပြီးရေးဖြစ်နေတာပါဗျ။ ဒါ့အပြင် နည်းနည်းလည်း အားနေတာကြောင့်ပါ။ ဒါကြောင့် ကျန်တဲ့ ရေးလက်စလေးတွေကို အချိန်ခဏလောက်တော့ စောင့်ပေးကြပါဦးနော်…။
          
          အခြားမဟုတ်ပါဘူး။ အဲ့တာလေးပြောချင်လို့ပါ ဟီးး…။
          
          ဆိုတော့ ဒီလောက်ပဲနော်။ အများကြီးချစ်တယ်ဗျ…။
          
          
           #ချစ်လှစွာသောရှင်း #၂၆.၈.၂၀၂၆... ဗုဒ္ဓဟူးနေ့
          

မနက်က အားနေလို့ ဇေးငယ်လေးတို့ကို နောက်တစ်ပိုင်းထပ်ရေးလိုက်တာ ပြီးခါနီးအထိ ရေးဖြစ်သွားတယ်။ နေ့လယ်ရောက်တော့ သင်တန်းသူအစ်မကလာတော့ အတူတူလေ့ကျင့်ရင်းမအားတော့ ဆက်မရေးဖြစ်တော့တာ ညနေကျတော့လည်း အလုပ်တွေ ထပ်ရှိသေးတော့ လုပ်နေရတာ စာရေးတဲ့ဘက်မရောက်တော့ဘူး။ 
          
          အခု အားသွားလို့ စာရေးမယ်ဆိုတော့ ဘာရေးရမှန်းမသိတော့ဘူးရယ်༎ຶ⁠‿⁠༎ຶ
          
          စာလုံးရေက ၁၅၀၀ ပြည့်ဖို့ ၃၀၀ နီးပါးလောက်ပဲလိုတော့တာရယ်။ ကိုယ် ဒီတိုင်းလေးပဲရပ်ပြီး တင်ပေးလိုက်ရမလားဟင်။ ထည့်မဖြည့်တော့ပဲနဲ့လေ…။
          
          ထပ်ဖြည့်ပေးဆိုရင်လည်း ကိုယ်စိတ်နှစ်လို့ရမှ ရေးပေးလို့ရမှာရယ်။ အဲ့တာ ကိုယ့်အချစ်လေးတို့ ဘယ်လို သဘောရလဲဟင်?…
          
          ဖြေပေးခဲ့ကြပါဦးနော်…❤️
          
           #ချစ်လှစွာသောရှင်း
          

ပြောရင်လည်း အစပြန်ဖော်သလိုပါပဲ။ ဒါပေမယ့် တကယ်ကို မြန်လွန်းတယ်လို့ခံစားရတယ်။ နှစ်နှစ်လောက်ထိ ဖော်လိုဝါတစ်ရာပဲရှိတဲ့ ကိုယ်က။ နောက်ထပ် နှစ်နှစ်ကြာတော့ ဖော်လိုဝါ ငါးထောင်ထိရှိလာတယ်။ အထူးသဖြင့် ခြောက်လကျော်အတွင်းမှာ နှစ်ထောင်ထိရှိလာတာပဲ။ 
          
          အရင်က ဒီလိုကိန်းဂဏန်းဆိုတာ အိမ်မက်တစ်ခုလိုဖြစ်ခဲ့တာ။ ဖြစ်လာဖို့လည်း မမျှော်မှန်းထားဖူးဘူး။ ယုံကြည်မှုမရှိဘူးလို့ ပြောရင် ပြောလို့ရတာပေါ့လေ။ အခြားသူတွေကို ကြည့်ပြီး အားကျခဲ့ရဖူးတယ်။ ငါရော ဒီလိုအထိ ဖြစ်လာနိုင်လောက်လား? ဆိုပြီး တွေးဖူးတယ်။ တကယ့်တကယ်ဖြစ်လာတော့ ငါကလည်း ဒီလိုအထိ ဖြစ်လာနိုင်တာပဲ ဆိုပြီး ပြန်အ‌တွေးပေါက်လာမိတယ်။ 
          
          အမှန်တိုင်းပြောရရင် ပျော်ပါတယ်။ ဝမ်းလည်းသာပါတယ်။ ဒါပေမယ့် အရမ်းမြန်လွန်းတော့ လန့်တော့လန့်မိသားရယ်။ တကယ်မြန်လွန်းလို့ ချွေးပါပြန်ချင်ချင်ပဲ။ 
          
          ဒါပေမယ့် ကိုယ့်အနားမှာ ယခုလို ဝန်းရံပေးကြတော့ အရမ်းပျော်တယ်။ ကြည်နူးမိတယ်။ ကျေးဇူးလည်းအရမ်းတင်တယ်။ ကိုယ်က စကားကို ဖွဲ့နွဲ့မပြောတတ်တာသိမှာပါ။ ဒါကြောင့် နည်းနည်း ထော်လော်ကန့်လန့်ဖြစ်စေမိရင်လည်း တောင်းပန်ပါတယ်ဗျ။
          
          ဘာပဲဖြစ်ဖြစ် တကယ် ကျေးဇူးအများကြီးတင်ပါတယ်ဗျ။ ဆက်လက်ပြီးလည်း ကြိုးစားသွားပါဦးမယ်နော်…။
          
           #ချစ်လှစွာသောရှင်း #၁၅.၈.၂၀၂၆... စနေနေ့

System fic လေးဖတ်နေတယ်နော် going လည်းလိုက်မှာမို့သေးသေးလေးပဲဖြစ်ဖြစ်အားဖြစ်အောင်လာပြောတာပါ

လျှောက်လှမ်းလာခဲ့တဲ့ လမ်းခရီးလေးက အခုဆို လေးနှစ်တောင်ပြည့်ခဲ့ပြီ…။ 
          
          ကျန်ရစ်ခဲ့တဲ့ ခြေရာတစ်ချို့ကို ပြန်အောက်မေ့မိတဲ့အခါ လွမ်းမောစရာ အမှတ်တရ‌တွေချည်းပါပဲလေ။
          
          ပထမဆုံးခြေလှမ်းကို တွေးမိတဲ့အခါ အလိုလိုပြုံးမိတယ်။
          
          စတင်ခဲ့တုန်းက အပျင်းပြေအပျော်သဘောနဲ့ဖြစ်ပေမယ့် ယခုတော့ မြတ်နိုးတွယ်တာမိလို့ဆိုတဲ့ စိတ်နဲ့ဆက်လက်ပြီး လျှောက်လှမ်းနေမိခဲ့တာ။ ရှေ့ဆက်ပြီးလည်း ပိုလို့သာမြတ်နိုးတွယ်တာလာမိမှာပဲထင်ပါ့။ 
          
          ဒီတစ်လျှောက်လုံး ပိုပိုသိလာရတာက ကိုယ့်ဖန်တီးမှုလေးတွေဟာ ကိုယ့်ဘဝထဲမှာ နေရာယူလာတဲ့ အဖော်မွန်ကောင်လေးတွေဖြစ်လာခဲ့တာပဲ။ ဘယ်လောက်ပဲ စိတ်ညစ်ညူးနေပါစေ သူတို့လေးတွေကို တွေးမိတဲ့အခါ ရင်ထဲကနေကို လှိုက်လှိုက်လှဲလှဲကိုပင် ပြုံးမိနေတော့တာမျိုး။
          
          နောက်ပြီး ဒီတစ်လျှောက်လုံး အတူရှိပေးခဲ့ကြတဲ့ ကိုယ့်ရဲ့စာဖတ်သူအချစ်လေးတွေကိုလည်း ကျေးဇူးတင်မိတယ်။ အချစ်လေးတို့ကြောင့် ကိုယ်ပိုပြီး အားအင်တွေဖြစ်ခဲ့ရတာ။ ရှေ့ဆက်နိုင်ဖို့ တွန်းအားပေးပြီး ကိုယ့်အတွက်ခွန်အားဖြစ်စေခဲ့တာ။ လက်လျှော့ချင်ရင်တောင် ကိုယ့်အချစ်လေးတို့ရှိနေသေးတယ် ဆိုတဲ့ စိတ်နဲ့ အားခဲနိုင်ခဲ့တာ။ ဒီအထိ လျှောက်လှမ်းလာနိုင်ခဲ့တာက ကိုယ့်အချစ်လေးတို့ကြောင့်ပါ။ တကယ်ကို ရင်ထဲကနေ လှိုက်လှဲစွာပင် ကျေးဇူးတင်မိတယ်။
          
          ရှေ့ဆက်ပြီးလည်း အတူတူရှိပေးကြပါဦးလို့ တောင်းဆိုချင်မိတယ်။ 
          
          အားလုံးကိုချစ်တယ်နော်…။
          ရှေ့လျှောက် အတူတူရှိသွားကြမယ်နော်…။
          
          
           #ချစ်လှစွာသောရှင်း #၃၀.၇.၂၀၂၆... ကြာသပတေးနေ့
          
          

You're My Man မတင်တော့ဘူးလားမင်မင်ရေ

ဇေးငယ်လေးတို့က Bonus Arc လေး ဇာတ်သိမ်းသွားပါပြီနော်…။
          
          
           #ရှင်း

မင်္ဂလာနံနက်ခင်းလေးပါဗျ…။
          
          ကျွန်တော် ရေးသမျှမည်သည့်ဝတ္ထုကိုမဆို အသံဇာတ်လမ်းလုပ်ချင်တာ၊ အစအဆုံး tt မှာ ပြန်တင်ချင်တာမျိုးတွေရှိရင် ကျွန်တော့ဆီမှာ ဦးဆုံးခွင့်လာတောင်းပေးပါဗျ။ 
          
          ခွင့်လာတောင်းရင် ကျွန်တော့ဘက်က ဘယ်လိုပဲဖြစ်နေပါစေ ခွင့်ပြုပေးမှာပါ။ ဒါပေမယ့် ကျွန်တော့ရဲ့တောင်းဆိုချက်ကိုတော့ လက်ခံပေးရပါမယ်။
          
          စာရေးသူမူပိုင်ခွင့်နဲ့ ကလောင်မှာ ကျွန်တော့ရဲ့ ကလောင်ကို ထည့်သွင်းပေးရပါမယ်။
          
          ဒါလေးပါပဲ။ ကျန်တာ ဘာမှမလိုချင်ပါဘူး။ စာမူခလည်းမလိုပါဘူး။ အပေါ်က အချက်လေးပဲ လိုချင်တာပါ။
          
          Telegram Acc - MeiXing79 
          Tiktok Acc - xing_790
          
          ဒါက ကျွန်တော့ကို ဆက်သွယ်နိုင်မယ့် နည်းလမ်းနှစ်သွယ်ပါ။ Facebook ကတော့ သိပ်ပြီးမသုံးဖြစ်ပါဘူးဗျ။
          
          အရင်တည်းက ကျွန်တော့ရဲ့ဝတ္ထုတွေကို Tiktok မှာ ပြန်တင်ထားတာလေးတွေတွေ့ပါတယ်။ ဒါပေမယ့် ကျွန်တော်ဘာမှမပြောလိုပါဘူး။ ဘာမှမဟုတ်တဲ့ စာရေးသူလေးတစ်ယောက် အရမ်းတွေတင်းကျပ်နေတယ်လို့ ထင်မှာဆိုးလို့ပါ။ ဒါ့အပြင် သဘောကျလို့ လုပ်ကြမှန်းလည်းသိတာမို့ ခွင့်ပြုပေးထားတာပါ။
          
          ဒါပေမယ့် Audio Book ကိစ္စတွေက နှစ်စတည်းကနေ အခုထိ ဆက်တိုက်ဆိုသလို ဖြစ်နေတော့ တင်းကျပ်လိုက်သင့်ပြီထင်လို့ပါ။ လုံးဝကြီး တားမြစ်နေတာမဟုတ်ပါဘူးဗျ။ ခွင့်ပြုချက်လေးပဲ လာတောင်းစေချင်တာပါ။ ခွင့်လာတောင်းရင် ခွင့်ပြုပေးမှာပါ။
          
          ဒါလေးပါပဲ။ ကျန်တာမလိုပါဘူးဗျ။
          
          ကျေးဇူးတင်ပါတယ်ဗျ…။
          
           #ရှင်း
          
          
          

သူကြီးလေးတို့တုန်းထဲက ထပ်ခါ ထပ်ခါ သတိပေးထားတဲ့ကြားက အခု ထပ်ဖြစ်တယ်။ သူကြီးလေးတို့ ပြီးတော့ နောက်ထပ် အခြားဝတ္ထုတွေကို ထပ်လုပ်တယ်။ အကောင့်ခွဲမှာတောင် ပြောင်းတင်လိုက်သေးတယ်။
          
          ငါက နင်တို့ လှန်လိုလှန် မှောက်လိုမှောက် လုပ်လို့ရတဲ့ သူများမှတ်နေတာလား? ။ 
          
          တကယ်ကို ဒေါသလည်းထွက်တယ်။ စိတ်လည်းပျက်တယ်။ 
          
          ငါက YT ကို သိပ်မသုံးဖြစ်ဘူးဆိုပေမယ့် Google ကိုတော့ အမြဲသုံးတယ်။ ငါ့ဝတ္ထုတွေကို ငါ့ဟာငါ ပြန်ရှာပြီးကြည့်နေကျ။ မနေ့ညက ရှာကြည့်တာ ထွက်လာလိုက်တာများ တန်းစီလို့ပဲ…။ 
          
          အခု သတ်ပေးချက်ထပ်တင်ထားတယ်။ ပိုဆိုးလာမယ်ဆိုရင်တော့ ငါ့အဆိုးမဆိုပါနဲ့။ သဘောကျလို့ ကြိုက်လို့ လုပ်မှန်းသိတယ်။ ဒါပေမယ့် ငါ့ခွင့်ပြုချက်မပါပဲလုပ်တာကို ငါမကြိုက်လို့ ပြောတာ။ ဒါနောက်ဆုံးအကြိမ်ဖြစ်စေဖို့မျှော်လင့်မိပါတယ်…။
          
           #ရှင်း #၁၆.၇.၂၀၂၆... ကြာသပတေးနေ့