Unang Bahagi ng isusulat ko sanang kuwento.
Mom, Mama, Mommy, Mother, Nanay, Ina
Iyan ang iba't ibang tawag natin sa iisang babaeng unang nagmahal sa atin.
Ang babaeng dinala tayo sa kanyang sinapupunan ng mga ilang buwan, iniluwal tayo na alam nating hindi biro, ipinakilala tayo sa mundo at binigyan ng karapatang mabuhay .
Ang babaeng nagturo sa atin maglakad, magsalita, magbilang, magsulat at ng kung anu-ano pang mga kakayahan na kakailanganin natin sa paglipas ng panahon.
Ang babaeng patuloy na nagpapangaral sa atin na siya nga namang hindi natin malilimutan dahil sa halos ulit-ulitin na niya yun araw-araw.
Sa kanya natin naramdaman kung ano ang ibig sabihin ng pagiging "selfless", na uunahin pa tayong mga anak makakain at mabusog bago siya kumain na kahit magkanda kuba-kuba na kakaasikaso sa atin.
Ngunit hindi lang limitado sa mga babaeng ipinanganak tayo para matawag at pumasa ka bilang isang INA. (Dahil nga dinamiko ang wika, sadyang nagbabago at nadadagdagan ang kahulugan nito.) Maaari rin nating tawaging NANAY ang sinumang minamahal tayo ng walang pag-iimbot, kahit ano pa man ang mangyari. Hindi nakakahon sa mga babaeng ang salitang MAMA, wala itong pinipiling kasarian.
Kaya naman binabati ko lahat ng mga nagaaruga ngunit tunay pa rin ang pagmamahal na binibigay sa mga anak na di nanggaling sa kanila. Mga Stepmom, mga Kasambahay, mga Tatay na nagpapaka-Nanay, at sa mga Ina na kabilang sa pangatlong kasarian (i'm trying not to offend anyone, please accept my heartfelt gratitude). HAPPY HAPPY HAPPY MOTHER'S DAY.
They deserve to be called Mothers right? Nonetheless, this is your day. (sana nga araw-araw na eh pero di naman pwede yun hehehe) Enjoy po kayo sa Day off nyo! Isa po kayo sa mga idolo ko sa buhay!
