Ganna_The_White

@ RoqiaElsrraj  
          بالظبط نفس اللي قصدته حاجه قرف بجد والمشكله اني مفهمتش ايه السبب غير لما جربت على كذا رواية ومعرفتش ارد على حد ومتهيألي ان بنوته بعتتلي ولما معرفتش ارد عليها حذفت الكومنت -_-||| 

@ RoqiaElsrraj  
          ونا والله كنت بحسب اني متبلكه ههههه

@ otakuuuuuuuuuu  
          دخلت احدثه لقيت المشكله لسه موجودة

جماعه هو حد عنده مشكله فالرد على تعليقات جياله ؟ انا مش بعرف ارد على اي حد خالص باعتلي 
          
          انا بحسبني اتبلكت هههههه بس مش معقول كذا كاتبه مبلكاني تاريخي سيء ولا ايه طيب o(╥﹏╥)o 

@ roro_hassan64  
          للاسف حاولت بس منفعش وخلاص انا كدا كدا اتصرفت ونقلتهم فالمكتبه

يا حـكـم يابنالـ...
          
          ان شاء الله تصرفهم على مرضك

@ Merhaba67sytr  
          يارب اللهم امين جزاك الله خيرا يارب 
          بس للاسف قوائم القراءة مش بتتعمل خاصة روحت جربت ومش عارفه

وحاجه تانية اسفه جدا ليها ياريت محدش يبعت روايات ليه هنا لاني معرفش محتوى الروايات اللي بتتبعت ومش هعرف اقرأهم كلهم اكيد ، فـ انا معرفش انتِ بتكتبي ايه والرواية فيها مشاهد مش حلوة او لأ
          
          فـ رجاء رجاء محدش ينشر روايات ليه هنا 

السلام عليكم ورحمة الله وبركاته
          
          اخباركم ايه ياجماعه ؟ ان شاء الله بخير واحسن حال
          بوست طويل شوية بس مهم جدا جدا بالنسبة ليا ارجو من اي حد ايا كان داخل الاكونت بتاعي يقرأه فضلا
          
          
          
          فضلا ياجماعه ياريت محدش يدخل يقرأ قايمه Finished لاني مش حمل ذنوب والله
          
           اانا للاسف اي رواية بقرأها كنت بحطها فيها وكانت البنات بتدخل تقرأ منها وكنت وقتها مش مدركه مدى الذنوب اللي باخدها وللاسف لما كنت كمان برشح روايات للبنات
          
           لان معظم الروايات دي فيها مشاهد قبلات وما الى ذلك ماينفعش اننا نقرأها ، وربنا يغفر لنا جميعا 
          
           ياريت اي حد ميقرأش منها ، طب حد هيسأل انت ليه متحذفيش القايمه احسن ؟ لان زي ما قولت دي الروايات اللي خلصتها واللي فيها تعليقاتي من زمان وفيها ترشيحاتي لروايات وما الى ذلك فـعشان اعرف ايه اللي قرأته وايه اللي لأ واعرف اوصلهم
          
          فيه تعليقات حابه احذفها وافلتر تعليقاتي بس للاسف الروايات كتير ومحتاجه وقت
          
          فـ ياريت فضلا محدش يدخل يقرأ منهم ، وياريت فضلا اي حد يشوف كومنتاتي فأي رواية برشح روايات لحد يرجعني ليها عشان احذفها 
          
          انا بحاول اصحح حاجة فـبالله اي حد يشوف البوست دا يساعدني لله وميقرأش حاجه منها لحد ما احاول امسحها ، لان فعلا انا حاسه ان موضوع الروايات دا يتخاف منه وخايفه اكون كل دا باخد ذنوب و انا والله مكنتش واخده بالي وخايفه اقابل ربنا ويكون الواتباد دا سبب سئات كتير ليا ، جارية كانت او لا
          
          بس انا طبعا مازلت برشح روايات محترمه وفنفس الوقت ممتعه وجميلة لأي حد ، روايات مش هاخد منها ذنوب ان شاء الله وياريت متكونش سبب في انها تلهي الشخص عن طاعة الله وربنا يثبتنا جميعا وادعولي بالهداية والغفران وصلاح الحال ، كلنا بنذنب ومازلنا فنسأل الله العفو والعافية
          
          وجزاكم الله خيرا ، اعتذر عن الاطالة

مساعدة لو سمحتوا ..
          في رواية حلوة اوي بدور عليها ومش لاقياها لو حد يعرفها ..
          بتحكي عن بنت دخلت جوا رواية وقابلت الشرير بتاع الرواية ..وهو كان قادر يتحكم في نفسه لما المشهد بيبقى على شخصيات تانيه ف الرواية بس لما المشهد بيكون ليه بيكون مقيد بالسيناريو بتاع الرواية ومش بيفتكر غير نص الرواية 
          والشرير ده ف الوقت اللي بيتحكم فيه ف نفسه قالها أنه عارف انها رواية وأنه شرير وبيموت ف آخرها كل مره عشان هو بيحب البطلة والبطل بيقتله ..وأن دي اخر مره الرواية هتتعاد فيها وهو مش عاوز يموت المره دي وطلب منها تخليه ميحبش البطلة عشان ميموتش ..
          وهي بتساعدة وبتكتشف ف الأحداث أنه مش شرير اصلا بس أفعاله هي اللي بتظهر كدا ..
          
          الرواية كانت عبارة عن مجموعة من الممالك والشرير امير مملكة منهم ..
          كل مملكة اهلها ليهم لون معين اللون دا بيبقى طاغي على لبسهم وشعرهم وتقريباً لون عيونهم كمان ..
          انا مش فاكره من الألوان غير أن البطلة اللي الشرير مش عاوز يحبها كانت ورديه ..
          الرواية كانت اسماء الشخصيات فبها اجنبي بس السرد باللغة العربية الفصحى 
          للاسف مش عارفه افتكر اسم اي حد فيهم ولا اسم الرواية نفسها بس هي كانت حلوة اوي 
          اتمنى لو حد يعرفها يقولي اسمها