LLLAAARRR

هذا كلام شهوده الج 

سلميلي على نجمة گبل لا تحذفين وگليلها شهد تگول،
          نجوم أنتِ ضويتي حياتي يا أحلا نجمة شفتها بحياتي، لارتي ما راح انساچ أبد، (وعسىٰ أن تكرهوا شيئاً وهو خيرٌ لكم) ،فرصة سعيدة، تمنيت ما أضيع هيچ إنسان بحياتي..بس الأقدار الها رأي ثاني، حبيتچ إني من الوريد للأبهر بس الظروف تجبر، آسفة إذا ضوجتچ بشي، وجداً شكراً على كلشي، راح أضل ادعليچ بكل صلاة، ربي يوفقچ ويسر طريقچ ويسهل امورچ، أنتِ إنسان تستاهلين كل خير، ما شفت مثلچ بحياتي ولا راح أشوف، احبچ ، شكراً، آسفة، باي، أو إلى اللقاء... لأن أعتقد راح يكون بيناتنا موعد آخر بأذن الله، إذا مو بالدنيا بالآخرة، لا تغيرين يوزرچ عسى يجي يوم وارجعلچ، إني آسفة إذا ما رجعت، بس تأكدي إذا ما رجعت بالدنيا أرجع بالآخرة، اطلبچ من ربي بالجنة، وبس والله، يمكن كثرت عليچ بالكلام بس وربي ما أعرف شحچي، يمكن كلماتي ما راح تعبر بس أنتِ إنسان مميز، تختلفين عنهن كلهن، "تَل​مَعِينَ بِاس​تِم​رَارٍ مِث​لَ نَج​مٍ سَاطِعٍ" شكراً لارا شكراً لأن عرفت هيچ إنسان بحياتي شكراً جداً، راح ارجعلچ يوم من الأيام من اگدر ، صدگيني إذا فرقتنا الأيام گلبي ما راح يفارگچ وعقلي ما راح ينساچ من التفكير، احبچ، شكراً نجمتي لأن دخلتي بحياتي وضويتيها، وإني آسفة، هههههه تدرين؟ هي هاي السالفة إلي من زماان چنت أريد احچيلچياها، ما راح أنسى عتاب الملا، ولا راح أنسى شلون چنتي تحبين لهجتي، ووعد مني من أرجع انطيچ دروس بالأنباري والمصلاوي، أعلمچ تحچين كل اللهجات، وها بس حبيت اكلچ غدانة دولمة هههههه صح جاي أكثر بالكلام وأعرف حيل كثرت بس أتمنى أضل أكتب، أكره الوداع، أتمنى أضل احچي منا لباچر، 'تنهد' ما أعرف بس... آسفة، شكراً، احبچ، باي، انتضريني لعل ويجي يوم اگدر ارجعلچ

چِنت أَحسب الفِرگة تِمُرّ...
            طَلَع بَعض الفِرگة تِصير عُمر..
          
               ...༺ غِيابچ ༻...
          
          غِبتي... وصار المَكان بَعدچ حِرمان
          چِنتِ تِملين الوَكت... هَسّه الوَكت خُسران
          
          چِنتِ إذا ضاگت دُنيتي... أَلگى بَابچ أَمان
          هَسّه مِن أَحتاجچ... أَلگى بَگلبي خُذلان
          
          چِنتِ سَنَد لِروحي... مَن يِميل بِيّه الزَمان
          هَسّه أَتعثر وَحدي... وأَضحك لِلناس تَعبان
          
          گِلت: «الفِرگة تِمُرّ... والغِياب يِهون»
          طَلَع فِرگتچ عُمر... والغِياب وَجع يِكبَر مَع الزَمان
          
          چِنتِ أَحفظ مَكانچ... بَين ضِلوعي بِأمان
          هَسّه كُل ما أَتذكّرچ... يِضيق بَگلبي المَكان.
          
          ✍ بِقلم الكاتبة: نَجْمة ✨

هيج هان كلبج تعوفيني 
          هيج هان روحج تموتيني 
          عفتيني بنار الفراك 
          لا كلتيلي اكرهج، وكول تكرهني وتعوفني 
          وحطلج عذر الكاره، وهسه اكثر من عذر حطيتلج 
          ونار الشوگ يزيد أكثر وأكثر،
          هذا عقاب ربي، لو اختبار الصبري بيچ؟..
          

ـ شـتـريـد؟ گـلـبـي إلـك، والـبـاقـي مـا يـهـمّ،  
          ـ أنـتَ الـشـي الـوحـيـد الـلـي مـا أگـدر أخـسـره.  
            
          ـ ومـن تـگـول مـدمـن عـلـى عـيـونـي،  
          ـ آني مـدمـن عـلـى روحـك... والـعـيـون تـهـون.  
            
          ـ لا تـاخـذ «أحـبـك» وتـروح،  
          ـ خـذهـا عـهـد... لأن مـن گـلـتـهـا إلـك، مـا بـقـت لـغـيـرك.  
            
          ـ وإذا تـريـد تـوقـيـع وبـصـمـة،  
          ـ آني أوقـعـلـك بـعـمـري... وأبـصـم بـگـلـبـي،  
          ـ والـلـي أگـتـبـه إلـك بـگـلـبـي...  
          ـ مـا تـمـسـحـه سـنـيـن، ولا يـمـحـيـه غـيـابـك.. 

ـ شِـگـد نـحـچي، والـحـچي بـعـدَه مـا يـوصـل؟  
          ـ لأن الـوجـع مـن يـعـلـى... يـسـكـت الـحـچي.  
            
          ـ نـصـرخ، والـدنـيـا تـسـمـع... بـس مـا تـحـس،  
          ـ والـگـلـب يـبـقـى يـنـزف، لـيـن يـتـعـلـم يـسـكـت.  
            
          ـ مـو كـل سـاكـت مـرتـاح،  
          ـ أَكـو سـكـوت... وراه ألـف شـي مـا انـحـچـى.  
          ـ أَكـو وجـع مـا يـنـحـچـى، لـو الـگـلـب يـنـطـق...  
          ـ يـخـلـي الـصـمـت بـحـالـه يـصـيـح.  
            
          ـ والـبـعـض مـا يـحـس بـالـنـار، لـيـن تـطـفـي...  
          ـ وبـعـدهـا يـسـأل: شـلـون صـرت هـالـرمـاد؟  

أَوْجَع شَيّ بِالحُب... مِن يِطْلَع الأَمَان هُوَّه الغَدّار.
          
          ༺ حُبّ... آخِرَه غَدْر ༻
          
          چِنت أريدَك سَنَد... صِرت إنتَ أَوَّل خَذلان
          وچِنت أَحسِب حِضنَك دِفا... طَلَع حِضنَك بَردٍ وحِرمان
          
          أَعطَيتَك گَلبي بِيَدي... ولا حَسَبت حِساب الخُسران
          إنتَ ما أَخَذت گَلبي بَس... أَخَذت وِيّاه الاطمِئنان
          
          چِنت إِذا ضاگَت الدُّنيَه... أَركَض وأَلگاگ أَمان
          هَسَّه مِن تِضوج رُوحي... أَخاف حَتّى مِن الحَنان
          
          گِلتلي: «ما أَبدَلج»... وصَدَّگت، وظَلّيت وَلْهان
          وأَنتَ مِن أَوَّل يَوم... چِنت مِبَدِّلني بِإِنسان
          
          وچِنت أَگول: «هُوَّه يِحِبّني»... وأَكذِّب كُل بُرهان
          وأَغضّ النَّظَر عَن كُل شَي... حَتّى أَبقى بِوَسَط أَمان
          
          إِذا غِبتَ أَلوم الشَّوگ... وإِذا تِغيَّرت أَلوم الزَّمان
          ما چِنت أَدري الغَدْر بِيگ... چان ساكِن مِن زَمان
          
          يا خَسارَة چِد ما حَبّيتَك... چِد ما چِنت لَك وَلْهان
          چِنت أَحسِبَك أَوَّل فَرْحَة... طِلَعت أَوَّل حِرمان.
          
          ✍️ بِقَلَم الكاتِبَة: نَجْمَة ✨

مُو كُلّ طَعْنَة تِنْزِف دَم…
          أَكو طَعْنَة تِنْزِف ثِقَة.
          
          ༺ غَــدْرُ القَــرابَــة ༻
          
          گِلت: هَذُوله أَهلي… وَبِيهم أَمَانِي
          طَلَعوا أَوّل جُرْح… وَأَقسى خَذْلانِي
          
          فَتَحْت إِلهم گَلبي… گِلت يِحْفَظونِي
          بَس چانوا أَوّل ناس… يِكْسِرونِي
          
          الغَريب إِذا غَدَر… أَگْدَر أَلومَه وَأَنْساه
          بَس القَريب إِذا غَدَر… شْلون گَلبي يِنساه؟
          
          چِنت أَحْسَبهم ظَهْر… يِسَنْدونِي
          طِلَع ظَهْري هُوّه… اللّي طَعَنونِي
          
          الغَدْر مُو هُوّه وَجَعني… اللّي وَجَعني
          إِنّي چِنت أُبَرِّر إِلهم… وَهُمّه ما عَذَرونِي
          
          وَاليوم إِذا گالوا: «إِحْنا أَهْلَك»
          أَضْحَك… وَأَتْذَكَّر شِگَد چِنت أَصَدِّگ حَچيهم
          چِنت أَعْتَبِرهم أَمان… وَهُمّه أَوّل مَن خَوَّفوني
          چِنت أَعْتَبِرهم ظَهْر… وَهُمّه أَوّل مَن طَعَنوني
          
          وَعَرَفْت الغَدْر شِنُو… يَوم القَريب غَدَر بي
          مُو بَس جَرَحوني… حَتّى الثِّقَة ذَبَّحوني
          وَيا لَيت الغَدْر چان مِن غَريب…
          چان أَگْدَر أَگول: ما عَرَفوني.
          بَس الغَدْر مِن ناسٍ…
          چانوا يِعْرِفون كُلشي عَنّي،
          وَمَع هَذا… اخْتاروا يِوْجَعوني.
          
          ✍ بِقَلَم الكاتِبَة: نَجْمَة ✨

ما بَقَت صُحبة... بَقَت غَصّة تِوجع.
          
          ༺ غَــدْرُ رُوحِــي ༻
          
          گِلتچ صَديقتي، وگَلبي فَتَح لَچ بابه
          ما چِنت أَدري الخَنجَر... يِطلَع مِن أَصحابه
          
          بِوَگت الشِّدّة گِلت: «إنتِ ظَهري وسَنَدي»
          طِلَعتي إنتِ أَوّل وَحدة... تِبيعيني بِنِصّ وَعدي
          
          چِنت أَستُر عُيوبچ، وأَگول: «هاي رُوحي»
          وإنتِ چِنتِ تِعِدّين طَعَناتي... وتِنتَظِرين شِلُون أَذيّه
          
          مو وَجَعني الغَدر... گَد ما وَجَعني اعتِرافي
          إني چِنت أَعتَبِرچ صَديقة... وإنتِ ما چِنتِ تِشوفيني كافي
          
          هَسّه إذا مَرّ اسمچ... ما أَكرَهچ، بَس أَحتار
          شِلُون وَحدة چانَت «سَنَد»... صَارَت بگَلبي أَكبَر انكِسار؟
          
          چِنتِ تَعرِفين وِين أَضعَف... ووِين يِنزَف الحَنين
          ولِهَذا چانَت طَعنَتچ... بگَلبي بَقَت سِنين.
          
          ༺ ✍ بقلم الكاتبة: نَجْمَة ✨ ༻

 وَعْدَك مَا انْكَسَر...آني انْكَسَرْت لَمّا صَدَّگْتَه..
                        
                  ~~  "وَعْدٍ وصار نِسْيَان"  ~~
          
          گِلتلي أَبْگَى، وصَدَّگْت وَعْدَك لو يِطُول الزَّمَان
          وخَلَّيْت گَلْبي بِيَدَك، وگِلْت هٰذا إِلِي أَمَان
          
          گِلتلي ما أَخَلِّيچ، لو يِخَذِّلْنا حَتّى المَكَان
          وأَني صَدَّگْت حَچِيَك، وما حَسِبْت الوَعْد يِنْهَان
          
          چِنْت أَعُدّ أَيَّامِي عَلى طَارِيك، وأَنْتَظِر الحَنَان
          وإِنْتَ چِنْت تَعُدّ خَطَاوِي البُعْد، وتِجَهِّز لِلْغِيَاب عُنْوَان
          
          مُو وَجَعِي إِن رِحْت، وَجَعِي شِلُون صَار حُبَّنَا خِسْرَان؟
          شِلُون وَعْدٍ چَان عُمْر... يِصِير بِلَيْلَة نِسْيَان؟
          
          هَسَّه لا تِرْجَع وتِگْلِي: «آني نَدْمَان»
          مِن وَعَدْتَنِي بِالبَگَه... عَلَّمْتَنِي شِلُون الوَفَا يِصِير خِذْلَان.
          
          ✍️ بِقَلَم الكَاتِبَة: نَجْمَة ✨