මම ආසම රෝමාන්තික බව
අඩු උන හැන්දෑවකට
පිරුණු හද බාගෙට පායනකොට
අර්ධ ගිල්මට ලක් උන හිරු
තිමිර පට ඇදගෙන 
මුහුදු තුරුලට යනකොට
අර ලිට්මස් නිල්පාටට තවරපු
සේද අහස ආම්ලික උන නිසා 
හැරිච්ච තද රත්තට
ලාවට කලත්තපු 
පිනොප්තලීන් බින්දු සරුවට
රෝසපැහැට සිදාදියේ වර්ණවල
පෙම්බස් ආදරණීය තුඩු පෙව්ව
දිගු හාදුව වැඩියෙන් ආම්ලික උන
රිදෙන විඛාදකාරක වැස්සක් වගේ
පෙම්බරිය උබේ අහසේ හැඩ
වෙරලට ගහගෙන යන 
නිල්පාට උන ලිට්මස් පෙති
මුළු මුහුදම අරක් අරන්
භෂ්ම වල ආදරේ අඩුවෙන් දැනුනට
වැඩියෙන්ම මම වින්දේ
මුහුදු හුළගට මුහු උන
ලුණු සුවද නෙවෙයි
උබේ ඇස් වලට පේ උන
ලවණ වල කටුක සුවඳ..!

එහෙයින්;

ප්‍රේමයේ විරහවත්
බැහැගෙන යන දවසක අහසත්
> එක්තරා වූ කෙමෙස්ට්‍රියකට සමානය......!
 #විකී