RahmaSherif608

لما نشوف الاراء
          	I just published " اقتباس2 " of my story " My crimina girl ". https://www.wattpad.com/1591150172?utm_source=android&utm_medium=profile&utm_content=share_published&wp_page=create_on_publish&wp_uname=RahmaSherif608

RahmaSherif608

بجد الموضوع بقى متعب…
          مش بس من كتر التشابه أو السرقة، لكن من الإحباط اللي بقى يملأ الجو كله.
          الواحد يكتب من قلبه، يفرغ مشاعره، يعيش مع كل كلمة،
          وفي الآخر يحس إنه بيتكلم في فراغ.
          
          بقت الكلمة الحلوة نادرة،
          والتقدير أبسط حاجة ممكن تتقال، بس محدش بقى بيقولها.
          الناس بقت بتتعامل مع الكتابة كأنها رقم، تصويت، دعم متبادل وخلاص.
          بس يا جماعة، الكاتب مش روبوت.
          الكاتب إنسان بيتعلق بكلمة، بينكسر من سكوت،
          وبيفرح لما يحس إن حد فهمه أو حس بيه.
          
          أنا مش بدوّر على تصويت ولا شهرة،
          أنا بدوّر على ناس بتفهم يعني إيه كلمة تخرج من وجع، من إحساس، من حب للكلمة.
          نفسي الدنيا ترجع بسيطة زي زمان،
          كلمة تُقال بصدق، ورأي يتقال بإحساس،
          مش مجرد ضغط زرّ وخلاص.

RahmaSherif608

وعلشان الصراحة، أنا متابعة ناس متابعة مردود، بس الغرض مش مجرد أرقام،
          الغرض إن الواحد يلاقي ناس بتفهم في القراءة بجد، ناس بتدعم بكلمة،
          حتى كلمة واحدة ممكن تفرّح كاتب، تخليه يحس إن مجهوده اتقدّر.
          بس الناس بقت مغيّبة، بتكتب وخلاص، وبتقرأ وخلاص…
          ولا كلمة صادقة، ولا إحساس.

RahmaSherif608

          بجد يا جماعة هو إيه اللي حصل؟
          يعني أي حد لسه داخل من يومين بقى يكتب رواية، ويقول "من وحي خيالي"، وهي في الحقيقة مسروقة من رواية تانية بالحرف!
          بقى فين الفن؟ فين الإبداع؟
          الموضوع اتحوّل لتجارة: دعم متبادل، تصويت متبادل، وكلها مصالح ومجاملات.
          بقينا نشوف روايات شبه بعض، نفس القصة، نفس الأسامي، ونفس الأحداث، ولا ذوق ولا جديد.
          ناس كتير خلاص زهقت وحذفت البرامج دي، ومش لاقيين رواية محترمة يقروا فيها فكرة أو إحساس حقيقي.
          
          واللي يزعل أكتر، إن أول ما حد يكتب رواية +18، تلاقي الناس عليها هجوم إعجابات وتعليقات كأنهم لقوا كنز!
          طب فين المعنى؟ فين القصة؟
          مش كل رواية +18 تبقى وحشة، بس في فرق بين رواية فيها معنى ورسالة وبين رواية مبتذلة ملهاش هدف.
          زي فريدة مثلًا، بتكتب +18 بس عندها قصة، عندها هدف ومش بتقلل من نفسها ولا من القارئ.
          أما الباقي... كله بقى زي "رواية جونكوك واسمك" ونقل ولزق من بعض.
          
          الكتابة بقت بير سلم، واللي بيحب يكتب من قلبه بقى تايه وسط الزحمة.
          نفسي الناس ترجع تكتب علشان الفن، مش علشان التصويتات.

RahmaSherif608

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا". 
          جمعة مباركة علينا وعليكم