RawanElnagar654
Fact
مش معني انّك بقالك ساعتين بتعيّط وساجد بتترجّي ربنا ،او بتقرا في المصحف او بتصلّي ، انّ مشكلتك هتتحل بمجرّد ما تسلّم او تقفل المصحف او تخلّص عياط ،. _ لان كتير مننا بيكون مستنّي نتيجه سريعة ،ولو محصلتش بييأس _ فالحقيقة إنّ الامور دي بتظهر صدقك وبتبرز ضعفك قدام ربنا وقدام نفسك. ، وبتهذّب سلوكك وبتقوّي ايمانك وبتثب ليك ضعفك وعجز النّاس قصاد قدرة ربّنا ، و ما هي الا توفيق من ربنا للرجوع إلية ،وللنّجاه
انّما
كل مشكلة ليها معاد ،وكل فتره صعبه ليها أجل
ومفيش مفرّ من الدروس الي كان لازم تتعلّمها
ومفيش منجّي لقلبك وعقلك من التغيّرات الي غصب عنك هتمرّ عليهم _ لا بدّ منها علشان تنضج وتقدر تتعايش مع القادم _
والعزاء الوحيد انّ كلّ دا بيتمّ في وجود " ربّك سبحانة وتعالي " الي لو صدقته هيصدقك وينجّيك ويهوّن عليك الانتظار ويربط عل قلبك ويخفف حمل الدروس
فخلّي عندك مساحة تتقبّل فيها الانتظار ، والدروس ، وحاوطها بسور. " اليقين في الله إنّه لن يضيّعك "
المقصد " لو بعد ما خلصت سجود ودعاء ومشكلتك اتحلّت ،اسجد تاني احمد ربنا ، لو مخصلش واتأخرت الاستجابة ما تيأسش واستعين بالله هيهوّن عليك ويخف عنّك وينجيّك ،وكل مشكلة هتاخد وقتها وتعدّي ""
