Nais kung magpaumanhin sa aking matagal na pagkawala, kay daming buwan at taon na rin ang lumipas mula noong huling beses akong maging aktibo sa tahanang ito. 

Magmula sa mga kaibigan, kakilala at kapwa manunulat, mga makata na siyang nag-udyok at nagbigay inspirasyon sa akin upang ilathala, ilapag dito ang aking mga obra-maestra. 

Natigil man dahil sa mga personal na dahilan subalit muli akong nagbabalik bitbit ang aking mga bagong likha, karanasan, nadiskubre, bagong kabanata at bagong pakikibaka para sa bayan. 

"Buong maghapon ma'y abala, mga responsibilidad may tila ba pinapalimot na sa akin ang paggamit ng pluma, subalit ang mga simile at metapora ay patuloy sa'king pinapaalala. Ang kagandahan ng bawat kataga, patuloy nitong ipinapaalala ang kalayaang nadarama sa tuwing ako'y humahabi ng tula na bagama't minsa'y nagiging alipin man tayo ng baluktot na sistema, depektibong demokrasya at ganid na kapitalismo subalit sa pamamagitan ng aking mga soneto, tanaga, tanka, haiku, cesura, metriko, at malalayang berso ay patuloy kung nadarama na ako'y Pilipino at patuloy na gagamitin ang wika upang magmulat, maglahad at umasa na makamtan ang hinahangad na panlipunang pagbabago" Muling nagbabalik ang (tahimik na bulalakaw) Ang inyong lingkod "Silentmeteor"