Hayaan ninyong sabihin sa pamamagitan ng tula ang matutunghayan ninyo sa page ko.

Anton

Inihehele siya ng tamang timpla ng mga ugoy,
at nagsasalimbayang init at ihip ng hangin,
inihahatid  sa rurok ng kakaniyahan
nang mga guniguni at alaala,
deliryo'y dala sa pagbulusok
na titighawin ng mga pawis,
sisingilin ang ilang bahagi ng karanasan,
habang pilit niya itong inaalala.
Muling iisantabi't hahabi ang diwa,
kung saan hindi siya maaring lumipad.

©All Rights Reserved

Bus

Sa bus ay may nagaganap na pagsasalimbayan ng paglaban sa antok at pagtakas sa realidad. May puwersa na pinipigilan ang espiritung nanunungaw sa talukap ng mga balintataw, makukulong mula sa pagtatampisaw sa mga guni-guni at mga ala-ala. Kaninong pagkakataon ang totoo kung ang bawat salung-puwit at sandalan ay may mga manlalakbay, na ang bawat ulo'y iginigiya ng ugoy ng...?