محب

مسائووو 
          

عندك زانجي 

༺ الصَّداقة الحَقيقيّة… وَجَع ما يِنسى ༻
          
          الصَّداقة مو حَچي نِگوله، ولا ضِحك نِفتَح بيه سِوالِفنا. الصَّداقة شي يِنعاش، يِتجَرَّب، ويِوجَع. مو كل واحد گال «صديقي» يِصير صديق، ومو كل واحد ضَحِك ويّاك يِعرف شگد تتأذّى وأنت ساكِت.
          
          أنَا جرّبت الصَّداقة وَكت الضِّيق، مو وَكت الرّاحة. وَكت الكل يِخفّ، وَكت الصوت يِنكَتِم، وَكت ما يِبقى غير التَّحمُّل. هناك عرَفت الحقيقة: مو الكل يِستاهِل اسم صديق، ومو الكل يِگدر يِبقَى لما الحمل يِثگُل.
          
          أنَا ما أكتب لأنّي فاهم الصَّداقة نظريًّا، أكتب لأنّي انكَسَرت بيها. وثَقت، وسكَتّت، وتحَمَّلت أكثر مّن لازم، وبالأخير اِتحاسَبت على غَلْطَة، وكأنّي ما سوّيت شي غيرها. سنين وَگفَاتي انمْسَحت، وصار الغَلْط هو العنوان.
          
          يوجَع، والله يوجَع، لما يِنسَون شلون وَگَفت، وشلون تحمّلت، وشلون سكَتّ علمودهم. يوجَع لما يِحاسبونك على لحظة ضعف، ويتغافلون عن سنين صبر. الصديق الحَقيقي مو اللّي ما يِغَلِط، الصديق الحَقيقي هو اللّي يِفهم الغَلْط وما يِكسِر ظهرك بيه.
          
          أنَا ما أريد صديق كامل، ولا ملاك. أريد صديق عادل. يِذكر زيني قبل شيني، يِشوف ظروفي قبل ما يِدين گلبي. صديق إذا زعل، يحچي. إذا تأذّى، يِعاتِب. مو يِسد الباب، ولا يِمشي وكأنّي ولا شي.
          
          الصَّداقة مو إنك تِعوفني وَكت ما أحتاجك، ولا إنك تِحاكِم ضعفي بدل ما تِحاكِم الظَّرف. الصَّداقة إنك تِبقَى، حتّى وأنا مو بأحسن حالي، حتّى وأنا متعب، حتّى وأنا غلِطان. لأنّي إنسان، مو صورة كاملة.
          
          أقسى شي مو الفِراگ…
          أقسى شي إنك تِبقى تِتذكّر شخص حسبتَه ظهرك،
          وتِكتَشِف إنّه أوّل واحد خلّاك تِوگع،
          وأوّل واحد علّمك شلون تِحمي نفسك.
          
          وبالأخير، وهذا اعترافي:
          أنَا بعد ما أدوّر صداقة ضِحك،
          أدوّر صداقة تِستَحمِلني،
          تِعاتِبني،
          تِوجَع بس ما تِخلّيني،
          لأنّ الصَّداقة الحَقيقيّة مو كلام ينحچي…
          الصَّداقة وَفاء يِنكَشَف وَكت الشِّدّة. 
          
          
          ༺ شَمْس ༻

ممكن متابعه حسابي 

مختفي الخبيث متسأل

قتيبة انا مشاعل 
          وينك مختفي عسى ماشرر 

ومهما صعبت الحياة ستستطيع المقاومة لأن الله لا يكلف نفساً إلا وسعها.
          
          
               مساء الخير والعافية 
          
          
              

: قُّتِبَةُ وَيِنُّكَ؟. 

‏صباح_الخير_❤️
          لمن قلوبهم كالسماء الصافية 
          وأرواحهم كالأزهار العطرة
          ❤️ونواياهم كالمياه العذبة❤️ ومحبتهم كالنسائم العليلة التي تداعب الورد
          ❤️صباحكم سعادة
          
          صباح الخير والعافية 

꧁༺ العِوَض ༻꧂
          
          مو كُلّ شَي يِروح يكون خَسارة، أكو أشياء تِنگَسِر حتى ربّك يِجْبُرها بأحسن منها. لأن ربّك لَطيف، وما ياخِذ شَي إِلّا وهو مُرتِّب بداله جَبْر يِفرِح الگَلْب ولو بَعد وَگت. يمكن الفَقد يِوجِع، ويمكن الگَلْب يِتْعَب مِن طول الانتِظار، بَسّ كُلّ شَي يِصير بِعِلْمِ الله وحِكْمَتِه، ولا شي يِضيع عِندَه.
          
          العِوَض مو دايمًا يِجي بنفس الصُّورة اللّي كُنت تِتَمَنّاها، مرّات يِجي أهدى حتّى يِلُمّ الگَلْب، ومرّات يِجي أَقوى حتّى يِقوّيك، ومرّات يِجي على شكل راحة وسَلام ويا نَفْسَك. بس دايمًا يِجي بالوَگْت اللّي ربّك شايفه أَنْسَب إِلَك، مو بالوَگْت اللّي إنت تِستَعجِل بيه.
          
          إذا تَأَخَّر العِوَض لا تِگول نِاسيني، ربّك ما يِنسى، هو گاعد يِرَتِّب أُمورك بِطُرُق ما تِشوفها هَسّه. كل دَعْوة نِطِقت، وكل دَمْعة نِزِلَت، وكل صَبْر صَبَرْتَه… مَحفوظ عِند الله، وراح يِرجِع إِلَك جَبْر يِنسّيك كُلّ وَجَع مَرّيت بيه.
          
          يمكن اليوم ما تِفْهَم الحِكْمَة، ويمكن تسأل ليش صار هيچ، بس باچر راح تِشوف الصُّورة أَوْضَح، وتِگول: الحمد لله، لأن التأخير كان جَبْر، والمنع كان حِماية، والفَقد كان باب خَير فَتَحَه الله إِلَك.
          
          سَلِّم أَمْرَك لِلَّه، وخلّي ثِقتَك بيه كاملة، ترى جَبْرَ الله إذا إِجا ما يِجي ناقص، يِجي كامل، ويِجي أَحْلى مِمّا تِتَصَوَّر، ويِجي باللَّحْظَة اللّي الگَلْب يكون محتاجه بيها ♥ 
          
          ༺ ﴿ إِنَّ اللَّهَ لَطِيفٌ لِما يَشاءُ ﴾ ༻
                 سَلِّم أَمْرَك لِلَّه، واطْمَئِنٌ
                  تَرى جَبْرَ الله إذا إِجا
                 يِنَسّيك كُلّ وَجَع فات ♥
          
                 ༺ ✦ شَمْس ✦ ༻