سبب غيابي أنا أخدت قرار إني وقف.. بالبداية كان مجرد فقدان إلهام، وما عاد طلع براسي أفكار جديدة بخصوص رواية "أونلي" لدرجة يئست، بس قلت لحالي أكيد رح يرجع الإلهام لحاله ولازم بس انتظر.. وبنفس الوقت كنت مشغولة كتير لأنو صار لازم اشتغل وادرس بمكان بعيد عن أهلي، وهذا يلي صار.

​بس بعد كذا أسبوع، قلت بدخل بشوف تفاعل القراء لعل وعسى يرجعلي الشغف، فتفاجأت! 99 ألف قراءة ومقابلهم بس 4 آلاف تعليق وفوت عنجد يعني لهدرجة قارفين الرواية؟ هاد أكتر شي زاد يأسي.. يعني طالما ع ما عم تعجبكم ليش عم تقرؤوها؟ وليش بتضلوا تطلبوا مني استمر وماعم تساعدو على هشي؟ ياريت لو عدد القراء بس الف و تفاعل 800 ماكان فشلت زي هيك

​على كل حال ما عاد يهم تفاعلتوا ولا لأ تسطفلو أنا مليت زاتن وقررت رح وقف.. 
كمان حسابي "انستا" تعرض لسبام ونظام انستغرام حظره، قدمت اعتراض اليوم لاني اليوم بس دريت بالموضوع بس احتمال كبير يكون انحذف، هادا توضيح للي عم يسأل ليش الحساب مختفي طبيعي يعني عدد الكارهين أكثر من المعجبين.

​المهم قررت وقف، وهاد ما بيعني اعتزالي ككاتبة لسا عندي روايات تانية كتير حلوة غير "أونلي"، وفي كذا طريقة لنشرهم، ولما يرجعلي إلهامي ممكن انشرهم بمواقع مدفوعة، يعني بدفع اشتراك لافتح حساب وبالمقابل القارئ بيدفع ليقرأ.. هيك على الأقل بلاقي حافز للاستمرار. بس هاد مجرد حكي لسا ما قررت فيه، لأن حالياً عندي مشاغل بتكفيني وتوفيني.

​وبالنسبة للفئة القليلة يلي بيحبوني وهني رفقاتي، عنجد بعتذر منكم، مالكم ذنب بس أنا جد يئسانة.
​
​حالياً ما رح احذف الرواية، رح اتركها هيك، وإذا قدرت كملها فغالباً بكون هاد الحكي بالصيف، ما بوعدكم بشي، هاد طبعاً إذا ما هجموا عليها بالبلاغات كمان.

​المهم، أنا أسفة من كل بنت كانت ناطرة بفارغ الصبر وبتحب الرواية، بس أنا عاجزة وما عم أعرف كملها وسط كل هاد الظروف شغل ودراسة وتعب و بلاغات وتفاعل الزفت.

ملاحظة:
رواياتي التنتين محفوظين وحقوق النشر باسمي، فممنوع التقليد أو السرقة قد ماغبت ما رح تساهل بهاد الموضوع أبداً، وشكراً.