sounalle

@comeon3dontleaveme 
          	
          	‎يا روحي شكرا من القلب على كلامك الحلو اللي بيشبهك ❤️
          	‎بدي أطمنك وأطمن الجميع، أنا مستحيل أوقف كتابة عشان أي حدا أو أي تعليق. القصة ببساطة إنو حياتي هالفترة فيها شوية كركبة وتغييرات كبيرة، عم بجهز حالي للسفر عشان أكمل جامعتي ببلد ثاني، وتقريبا كل شي بحياتي حاليا مش بمكانه. محتاجة بس أستقر وأرتب أموري عشان أقدر أرجع أكتب برواق وبنفس الشغف.
          	‎عشان أكون صريحة معكم، أنا مضطرة أستنى أستقر لإنو حتى أبسط الأشياء زي الإنترنت المستقر مش متوفر عندي كل يوم. وبتعرفوا قديش إجراءات السفر وتجهيز أوراق الفيزا والتحضير لامتحانات القبول وتدوير السكن بتاخد من طاقة الواحد وبتاكل تفكيره.
          	‎وصح إني فقدت إلهامي شوي بهالزحمة والضغط، بس بوعدكم أول ما أستقر رح أرجع أرتب أفكاري وألاقي إلهامي من جديد. غيبتي طالت صحيح، بس الأكيد الأكيد إنو هاد مش اعتزال أبدا. أنا مخبية إلكم روايات وقصص جديدة كليا ومختلفة عن كل شي انكتب بالواتباد، وبتستنى بس الوقت المناسب لتطلع.
          	‎أما بخصوص كلامي عن بعض الكاتبات بالبوست اللي قبل، فصدقوني ما حكيت هالشي لأني تأثرت أو انزعجت من كلامهم أبدا، أنا ثقتي بنفسي وبكتاباتي وبمتابعيني أكبر من هيك بكثير. بس كان لازم أحط نقطة وأوصللهم مسج إنهم مكشوفين وإني بعرف هوياتهم تماما، ولإنو بصراحة حركات التبليغات المتكررة ضد الرواية كانت مزعجة.
          	‎بالنهاية، أنا بوعدكم إني راجعة وبقوة كمان. ادعولي تتيسر أموري وبشوفكم عن قريب ودايما تذكرو اني بحبكم وحدة وحدة حلواتي ✨